الصفحات

بحث

ادخلي ايميلك ليصلك كل جديد

الأربعاء، 8 ديسمبر، 2010

زرعت الكزبره :)


التجربه دي انا اخدت فكرتها من احد المنتديات و هيه اننا نزرع حاجات بسيطه في البلكونه تنفع استخدامها في الاكل و جربت شويه مزروعات ان شاء الله اعرضها كل ما نتيجه كويسه تظهر
اول حاجه جربتها كانت الكزبره و الفكره دي من منتدي عالم حواء و التجربه نجحت و قلت انقلها لكم البذور هيه الكزبره الحصى من عند العطار من غير ما نحمصها نجيبها و ننقعها ليله في الميه علشان تقصر مده الانبات و التربه جبتها من كارفور اسمها بوتموس الكيس 3 كيلو ب 7 جنيه و الخمسه كيلو ب 11 جنيه
ممكن الاصيص نشتريه و ممكن اي علبه عندنا نزرع فيها و الاحسن نخرمها من تحت خرم صغير علشان يصرف الميه الزايده عن النبات
طبعا احنا ممكن نزرع في اي تربه عندنا و في فكره حلوه اوي من النت اننا نخلط بوتموس مع تراب لو حبينا
و اسيبكم مع الصور و اي سؤال انا موجوده
بالنسبه ازاي تاخدو منه فانتو تقصو اللي انتو عايزينه  و بيطلع غيره كمان لو سيبتوه كتير حيزهر و يبتدي يعجز زي ما بيقولو فا طول ما بتاخدو منه ممكن يعيش معاكم طول الموسم

دي صور البذور

و دي كانت النتيجه و انا جربت حاجات كتير و في ابتدا يظهر و في لسه شويه ان شاء الله انقله ليكم كل ما حاجه جديده تظهر

8 التعليقات :

الله ينور عليكى فكرة رائعة

إن شاء الله أجرب أزرع الكزبرة
زرعت الفجل بس طلع ضعيف

الرى كل قد اييه؟؟
واحط كام بذره فى التربه؟؟
وبطلع بعد فد اييه؟؟
هل بتحتاج سماد؟
جزاكى الله كل خير

خللي التربه على طول منديه حسب الجو لو صيف ممكن كل يوم و لو شتا كل يومين او تلاته
بيطلع بعد 4 ايام او 5 لو ناقعه البذور قبلها بيوم
السماد ممكن كريستالون بس بعد اما يكبر شويه مش على البذور

مشكورة على المجهود الرائع و فى أنتظار المزيد.

اسقي بعد اديه ويريت تحت انواع بذور جديده و احسن نوع تربه واما كن بيع حجات الزراه شكرا انا بحب الموقع

احت البزور في منتصف التربة ولا في الوش

النبات بيطلع ساقه طويله وبعدين يتنى ويموت

إرسال تعليق

Related Posts Plugin for WordPress, Blogger...