الصفحات

بحث

تنظيم حياتك و بيتك

افكار كثيره ببيتي مملكتى لنظيم بيتك و حياتك لجعلها اسهل لكي و اكثر سعاده و راحه

ترتيب بيتك

افكار و تجارب جديده بالصور و الفيديو لاعاده ترتيب بيتك و تنظيمه لجعله مملكه تسعدين بها و يسعد بها من حولك

ديكور بيتك

لمسات للديكورغير مكلفه و افكار جديده من صنع يدك تضفي لمسه مميزه لمملكتك

لمسات لبيتك

لمسات لبيتك في كل مكان و في كل ركن يجعله المملكه التي كنت دوما تحلمين بها

عزومات و حفلات

تميزي بضيافتك المختلفه و عزوماتك و حفلاتك التى سيستمتع بها ضيوفك فقط .. تابعي موضوعات بيتي مملكتي لنحاول معا جعل بيوتنا مملكه باسهل و اوفر الطرق

ادخلي ايميلك ليصلك كل جديد

الجمعة، 31 ديسمبر، 2010

ملف كامل عن طريقه اختيار و تنظيف و حفظ الاسماك

 

كيفيه اختيار البحريات عند شرائها :

عند شرائك البحريات :يراعى الاتى:

1- العين براقه وليست مغطاه بسحابه بيضاء
2- الخياشيم لونها احمر دموى داكن وليس بها اى مخاط
3- جسم السمكه متماسك ومشدود وليس طرى ومتهدل
4- جسم السمكه لامع ( وهو ناشف وليس مبلل بالمياه )

5- عند الضغط على جانب جسم السمكه باحد الاصابع ثم تركه لايترك علامه مؤقته على جسم السمكه
6- بطن السمكه ناشف الى حد ما (متماسك ) وليس طرى او منفوخ
7- الجمبرى (الروبيان ) يضاف الى السابق ان يتم حمله من الشوارب ويجب ان تكون متماسكه مع جسم الجمبرى
8- الكابوريا والسرطانات بصفه عامه لا تصلح للتجميد ويجب عدم شرائها مجمده
9- المحاريات تكون مغلقه وصعب فتحها باليد
10 -الكاليمارى والسبيط لونه ابيض ثلجى او شمعى وليس بلحمه اى احمرار وكذلك العين براقه وليس له اى رائحه سوى رائحه البحرالتنظيف

...بخلاف ما يعلمه الجميع هناك عدة اشياء يجب مراعتها :
1- التقشير يتم بسكينه عريضه وثقيله وذات تخانه ( سمك )كبير وليست حادهوطبعا فى اتجاه عكسى من الذيل لاعلى مع مراعاة ان تكون السمكه مفروده
2- يجب التخلص تماما من تجمعات الدم الملاصقه للعمود الفقرى للسمكه ويمكن استخدام فرشاه اسنان meduim للمساعده
3- بعض الاسماك مثل الهامور بانواعه والنواجل والكوشر ...الخ ..لها جلدسميك عند طبخ السمكه يتسبب فى تقوس جسم السمكه نتيجه الشد وبالتالى يجبتشريط الجلد بشكل متوازى بسكينه حاده

الغسيل :...ايضا بخلاف ما يعلمه الجميع اود ان اضيف لمن لا يعلم ....

اضافه عصير الليمون وقليل من الخل الابيض والدقيق الابيض ( يذاب جيدا ) الى ماء غسيل السمك يساعد على التخلص من اى روائح او زفاره ... ويظل السمك فى هذا الماء لمدة 15  دقيقه ثم يدعك بهذا الماء ثم يشطف جيدا بماءنظيف ويرفع الى مصفاه لتصفية المياه عن اخرها

التتبيل :( التمليح )هناك مكونات الى حد ما اساسيه فى تمليح البحريات (بخلاف بعض الاساليب المتطوره لانواع مبتكره من الشيفات على مستوى العالم ) .
1- ملح الطعام
2- الفلفل الابيض المطحون
3- الكمون
4- الكسبره الناشفه المطحونه
5- الثوم المفروم
6- الفلفل الاخضر الرومى (مفروم )

طرق حفظ السمك

1- نظف واغسل وجفف السمك بأسرع وقت لأن الوقت والحرارة يعملان على تغيير طعم ومذاق السمك.
2- الأسماك تفسد بسرعة بسبب عصاراتها المعوية القوية الموجودة داخل احشائها وإذا لم تنظف تصبح رائحتها غير جيدة.
3- تنظف الأسماك بقطعها من ناحية الحلق مع إزالة الخياشيم والأحشاء الداخلية ثم تغسل وتنشف بالورق أو توضع في مصفاة لتجف وتوضع بعد ذلك في غلاف بلاستيك وتحفظ في الفريزر.
4- يمكن حفظ الأسماك الطازجة مبردة في الثلاجة لمدة يومين فقط مع مراعاة وضعها في إناء مغلق.
5- انتبه من التلوث المتبادل واحرص على غسل يديك ولوح التقطيع والسكين بالماء الدافىء والصابون قبل وبعد الاستعمال.
6- عادة يتم حفظ السمك كاملا بعد شرائه بدون تنظيف ولكن لا ينصح بذلك لأنه قد يؤدي إلى فساد السمك وانخفاض جودته.
7- تغليف السمك بطريقة غير جيدة يجعله يتعرض للجفاف ويؤدي إلى حدوث الحروق الباردة به نتيجة تلامسه مع الهواء البارد الجاف وهذا يؤثر على جودة السمك.
8- قبل تجميد السمك يجب أن يقطع الرأس وتزال الخياشم والأحشاء الداخلية والزعانف.
9- عند تنظيف الجمبري يفضل نزع القشور وإزالة الرأس وتنظيفه من الذيل ومن ثم يغسل ويوضع في مصفاة حتى يتم التخلص من الماء الموجود به ثم يوضع في الأكياس البلاستيك الخاصة بالتجميد ويوضع في الإفريزر.
10- السمك المنظف يمكن حفظه مجمدا بكامله على شكل شرائح.
11- يفضل تقسيم السمك حسب حاجة الأسرة ويغلف بالبلاستيك المتماسك وذلك كغلاف داخلي ومن ثم يوضع في غلاف آخر يحافظ على رطوبة السمك والأغلفة البلاستيكية الخاصة بتجميد الأسماك أو رقائق الألمنيوم كغلاف خارجي ويوضع في الإفريزر، أما أكياس الخبز البلاستيكية فهي لا تصلح للتجميد.
12- تذكر ان تضغط على الغلاف لإخراج الهواء منه لتساعد على منع تأكسد السمك مع الهواء وحدوث التزنخ.
13- تأكد بأن درجة الإفريزر عند 18درجة مئوية أو صفر فهرنهايت.
14يتم تجميد السمك الصغيرة في غلاف واحد أما الكبيرة فيفضل تقطيعها على شكل شرائح بسمك 1إنش.
15- مدة حفظ الاسماك تزيد كلما كانت درجة البرودة منخفضة وتبقى الأسماك محتفظة بجودتها وهي مجمدة لمدة تصل إلى 3- 4شهور فقط وخاصة الأسماك الدهنية كالسلمون والهامور والمحار والأسماك المدخنة، اما الأنواع الأخرى فيمكن حفظها مجمدة لمدة 6- 9شهور.

حفظ الأسماك في المنزل

الأسماك الطازجة لها حد أقصى لمدة حفظها في الفريزر وهي خمسة أيام، أما الأسماك المجمدة فتبقى مجمدة في الفريزر وصالحة للأكل لمدة من 5 – 10 أيام، ويمكن الحفظ لعدة شهور عندما تحفظ في درجة 28 تحت الصفر، أما الجمبري والكابوريا والإستاكوزا فيمكن حفظها في الفريزر مجمدة من 8 – 10 أيام، ويمكن الحفظ لعدة شهور عندما تحفظ على درجة حرارة – 28 م، حيث أنها تظل حية لفترة طويلة بعد صيدها، ويفقد الجمبري نكهته بعد حوالي 6 – 8 يوماً من حفظه في الثلج المجروش .

تنظيف السمك:

تترك الأسماك المجمدة حتى تمام عملية الذوبان كما هو متبع في اللحوم والطيور،على أحد الرفوف السفلى للثلاجة بعيداً عن التلوث في الجو العادي بالميكروبات، ثم تجرى عملية التنظيف كما هو متبع في الأسماك الطازجة حيث تتم عملية التنظيف بالمنزل على قطعة ورق سميك وذلك لتقليل مجهود ربة المنزل في التنظيف ومنع انتشار رائحة السمك .
  1. لإزالة القشور تمسك السمكة من الذيل بقطعة من الورق لتثبيتها، ويحك الجلد بسكين من الذيل إلى الرأس في مسافات قصيرة حتى لا تتناثر القشور، وبالنسبة للسمك الخالي من القشور يحك بنفس الطريقة لإزالة الأقذار الملتصقة بالجلد.
  2. يقص الذيل والزعانف والخياشيم بمقص السمك .
  3. يفتح البطن بالمقص ابتداء من فتحة الإخراج إلى الرأس .
  4. يدعك السمك بعد إزالة الأحشاء الداخلية والغسيل بماء نظيف بارد من الخارج وتجويف البطن بالملح لإزالة الدم، ويغسل عدة مرات بماء بارد، ويزال الدم المتجلط في السلسلة الظهرية بطرف السكين .
  5. تكرر العملية السابقة بالدقيق بدلاً من الملح للتخلص من رائحة السمك ويغسل بماء بارد ثم يوضع في مصفاة للتخلص من الماء .
  6. يتبل السمك حسب الرغبة بالملح والفلفل (البهارات) والكمون وعصير الليمون والثوم والمقدونس المفري، السمك الصغير أو المتوسط يترك صحيحاً أما الكبير الحجم يقطع إلى قطع مناسبة حسب الذوق .
*وبعد التنظيف عليك بان تتركيها لتجف من الماء ثم تبهيرها بالليمون والبهار المطحون والفلفل الحار ثم تكييسها ووضعها في الفريز.

وعند رغبتكِ في طبخها قومي بإخراجها من الفريزر وضعيها في الثلاجة لتذوب 
 
الموضوع منقول من منتديات ارباحك

الخميس، 30 ديسمبر، 2010

تنظيف الكاليماري بالصور و الفيديو


طريقه تنظيف الكاليماري و تحضيره للطهو بالصور اولا لكامل المراحل مع الشرح ثم فيديو لشرح عملي اكثر




امسكى الجسم جيدا ثم ادخلي يدك و انزعي الرأس
حاولي عدم قطع كيس الحبر الداخلي و اذا حدث ذلك اغسليه على الفور









ادخلي يدك داخل الجسم و اجذبي المكونات الداخليه و شديها للخارج







الكاليماري له غضروف في ظهره بطول الجسم انزعيه











تأكدي من نظافه كامل الجسم من الداخل و غسله جيدا








يتم ازاله الغشاء الخارجي بعد تنظيف الكاليماري من الداخل
انزعي الغشاء بالكامل و كلما كان الكاليماري اصغر كلما كان نزع الغشاء اسهل 









بهذا الشكل الكاليماري نظيف بالكامل









ننزع الرأس و العينين و المعده و نرميهم









نحضر الارجل للطهى بتقطيعها او تركها كما هي
نقطع جسم السبيط لحلقات و الاجنحه لقطع 
و الان الكاليماري جاهز لطهيه




و هذا الفيديو لشرح التنظيف باللغه العربيه :

عمل ديكور بسيط لسقف الغرفه

استخدام البوردر لعمل تزيين جميل للسقف:
الطريقه سهله لغير المحترفين لعمل ديكور بسيط بدلا من الديكور الجبسي و ايضا اوفر و من مزاياه انه يعطي فخامه و ارتفاع و عمق للغرفه و يمكن استخدامه على جوانب السقف او كما بالصوره حول نجفه معلقه و البوردر يباع في محلات ورق الحائط و محلات الديكور و سعره رخيص و يوجد منه اشكال لا حصر لها و ايضا يتوفر بكذا عرض من 10 سم و حتى 25 سم و اكثر الفيديو يشرح كيفيه تركيبه و عمل الزوايا و يتم وضع اللاصق خلف البوردر بنفس طريقه وضعه خلف ورق الحائط بفرشاه او برول.و هنا الشرح مفصلا بالفيديو.. 

video



الثلاثاء، 28 ديسمبر، 2010

تنظيف الميكروويف من الداخل بطريقه اقتصاديه و سريعه

خطوات تنظيف الميكروويف من الداخل : 
اولا الادوات المطلوبه : 
ليمونه - ماء - قطعه قماش جافه للمسح-علبه صغيره خاصه بالميكروويف لغلى الماء
 الطريقه:
نقطع الليمونه نصفين و نضعها مع الماء في العلبه بالميكروويف.
نشغل الميكروويف لمده 5 دقائق.
بحذر شديد جدا خذى العلبه و ابعديها عن الميكروويف (و نصيحه منى ممكن تصبري دقيقه بعد ما الميكروويف يخلص الخمس دقايق أأمن علشان الميه و كمان شيليها بالراحه جدا )
شيلي الطبق الزجاجي من الداخل.
امسحى الميكروويف من الداخل بالفوطه.
استخدمي المياه مع الليمونه بداخل العلبه في انك تبلي طرف الفوطه منها و تعيدي مسح على الميكروويف من الداخل لغايه ما ينضف.
امسحي الطبق بنفس الطريقه.
جففي الميكروويف و الطبق و ارجعي الطبق مكانه .

شرح بالفيديو لتوضيح النقاط السابقه:




 

طي التي شيرتات على الطريقه اليابانيه :)

 طريقه سحريه و سريعه لطي التي -شيرتات:

يمكن بيسمو الطريقه دي يابانيه من كتر ما هيه منظمه و سحريه :)
اول مره شفت الطريقه دي كان في برنامج لمارثا ستيوارت .. في ثواني بتطبقى التي-شيرت زي المحلات و تحافظي عليه لو مكوي بالظبط اقل من 5 ثواني شوفي الفيديو و انتى تعرفي

الاثنين، 27 ديسمبر، 2010

طريقتى لعمل السمن البلدي بالبيت


بيتكون عندك قشطه كتير و مش عارفه تعملي بيها ايه؟ 

طيب ايه رأيك تعملي سمن بلدي زي اللي في الصوره؟ تعالي اقولك ازاي









اول حاجه خللي عندك علبه في الفريزر تجمعي فيها القشطه كل ما تتكون عندك في البيت و ما تبتديش تعملي السمن الا لما يتكون عندك كميه كويسه لان السمن الناتج بيكون يمكن ربع كميه القشطه فاحسبيها.. خللي عندك علبه كبيره و لما تكمل ابتدي اعملي السمن البلدي.
طلعي القشطه و سيبيها تفك من التجميد.







حطيها في حله على النار و عليها رشه ملح و خليكي قدامها لغايه ما تحسيها زي الكريمه السايبه.







و طي عليها النار و كل 5 دقايق قلبيها علشان بيقصل منها كتل بتترسب في قعر الحله فا خللي بالك علشان ما تتحرقش.








حتقعد حوالي ساعه حتحسيها تقلت و بتطلع فقاقيع زي اللي في الصوره.









اطفي النار و صفيها في حله تانيه.






و حطيها تاني على النار ووطي النار مش حتاخد 10 دقايق و كل الميه اللي فيها حتتبخر و حيفضل في شويك كتل على الوش اطفي النار و سيبيها حتلاقي الوش اللي كان فوق اترسب.







صفيها تاني في علبتها و سيبيها تبرد.


بالتسبه للمواد اللي صفينا منها السمنه دي بيسموها مورته في ناس بتحب تاكلها و انا باعمل بيها برام الرز ساعات بادهن بيها القعر للبرام و الجوانب .. ممكن تنقليها على النار تاني 10 دقايق علشان تاخد لون حلو و لو في بواقي سمنه ممكن تطلع ( بس حيكونو معلقه او اتنين بالكتير ) تخدي المعلقتين سمنه دول في العلبه و المورته انقليها في علبه تانيه في التلاجه . و بس
على فكره الطريقه سهله اعمليها و انتى واقفه بتطبخى في المطبخ فا حتكون عينك عليها و كمان بنستفيد من القشطه اللي ممكن بتزيد عن حاجه ناس كتير و كمان بنعمل سمنه بلدي و دي غاليه و مش حتكون نضيفه زي مااحنا عاملينها على الاقل بتاعتنا سمن بلدي صافي دي طريقتي و الصور دي انا صورتهالكم للشرح و ان شاء الله تعجبكم الطريقه.

 

الأحد، 26 ديسمبر، 2010

بتحبي الكنافه البورمه؟ اعرفي طريقتها من الشيف حسن كمال

 ايه رأيك تعرفي طريقه عمل الكنافه البورمه؟
انا باحب الكنافه البورمه جدا جدا و خصوصا بالفسدق و اكيد كتير مننا اذا ما كانش كلنا بيحبها اوي طريقتها مختلفه عن عمل الكنافه العاديه و ليها سر صنعه .. الفيديو بيشرح عملها و ازاي نعملها خصوصا انها غاليه و في البيت حنوفر كتير لما نعملها اسيبكم مع شرح شيف حسن و ان شاء الله تعملو احلى كنافه بورمه .

نصائح جديده لتجنب الاخطاء اثناء تحميل غساله الاطباق والحصول على اعلى كفاءه تنظيف.

يعاني كثير منا من عدم الحصول على الكفاءه المطلوبه من غساله الاطباق 
و السبب غالبا هوه ارتكاب بعض الاخطاء البسيطه التي لا يمكننا ملاحظتها او لم نعلم انها اخطاء من الاساس اثناء تحميل الاطباق و هنا بعض النقاط لمساعدتنا في التحميل الصحيح لغساله الاطباق و الحصول على اعلى كفاءه في التنظيف
  • اولا يجب ترك مساحات بين الاطباق للسماح للماء بالتنظيف.
  • عدم تكديس الغساله بالاطباق.
  • البولات و الاوعيه يجب ان تكون لاسفل او مائله ليصلها الماء.
  • البولات و الاوعيه الصغيره في الاعلى و الاطباق و الادوات الثقيله في اسفل.
  • يفضل عند وضع الاطباق و رصها ان يكون نصفها لاتجاه و النصف الاخر عكس الاتجاه  كما في الفيديو و ذلك للحصول على اعلى اداء للتنظيف اثناء دوره المياه.
  • عند وضع الكسرولات او الاوعيه التي لها يد يجب ان نتاكد انها ثابته في مكانها و لن تسقط اليد بين فتحات الشبكه لان الذي يحدث ان اليد تتحرك مع قوه الغسل و تسقط بين اسلاك شبكه الحامل و بالتالي تعوق حركه رشاش المياه و في هذه الحاله تقل كفاءه الغساله.
  • عند وضع الواح التقطيع او صواني الخبز الا نضعها امام الباب المخصص للمسحوق حتى لا تمنع فتحه و نراعي ترك مساحه امامه لكي يفتح كاملا و يصب المسحوق في الغساله.
  • عدم تحميل الوعاء المخصص للملاعق باكثر من طاقته.
  • توزيع السكاكين مع الملاعق و الشوك يعطي نتيجه افضل في التنظيف و يراعى ان يكون نصلها لاسفل.
  • لابد من ازاله بقايا الطعام من الاطباق قبل وضعها في الغساله بمنديل ورقي او بالماء.
  • الاوعيه البلاستيكيه توضع في الرف العلوي فقط و نغسل الاوعيه المذكور عليها انها امنه للغسل في غسالات الاطباق.
  • استخدام الزيت و ملح الغساله مهم لعدم ترك اثار على الاطباق من الماء.
  • استخدام الكميه المحدده من مسحوق الغسيل و عدم زيادتها حتتى لا تترسب على الاطباق.
  • التأكد من ان المصفاه في قاع الغساله نظيفه.
  • عمل دوره غسيل للغساله و هي فارغه على ال heavy و تركها دقيقتين ثم فتحها و اضافه كوب خل و تركها تكمل البرنامج هذا الور يتم عمله شهريا للحفاظ على الغساله و تنظيفها .
فيديو قصير لشرح بعض النقاط باعلى :



الموضوع مترجم من مواقع اجنبيه و من مشاهده بعض افلام الفيديو على الانترنت  و من خبراتي الشخصيه

السبت، 25 ديسمبر، 2010

عايزه تتعلمي تربطي الكرافت لزوجك؟ شوفي الفيديو ده



 عايزه تتعلمي تربطي الكرافت لزوجك؟ شوفي الفيديو ده  




فيديو مدته دقيقه و نص يعلمك ازاي تربطي الكرافت لزوجك و في اي مواقف تكوني جاهزه








افكار و نصائح من الشيف اسامه بخصوص الثلاجات

مجموعه منوعه من النصائح للشيف اسامه خاصه بالثلاجات:

منها المتعلق بالترتيب و اماكن وضع الادويه او العصائر بالتلاجه ..يجب الا نضع الاشياء الثقيله بالرفوف العليا حتى لا تسقط على الاطفال اذا فتحو باب الثلاجه و ايضا ابعاد الادويه ووضعها بالرفوف العليا بعيدا عن ايدي الاطفال.
تغطيه اي طعام بالثلاجه حتى لا يلتقط الرائحه او يؤثر على رائحه اي طعام اخر.
 استخدام البيكنج صودا او الفحم لمنع تكون روائح غير مرغوبه بالثلاجه.
وايضا طرق منع تكوين الثلج على الجدران اثناء انقطاع التيار الكهربائى بمسح جوانب الثلاجه بفوطه بها زيت او مسحها بمياه وكحول
لكن اكثر فكره عجبتنى هيه استخدام السفنجه و تجميدها لاستخدامها ككماده لكدمات الاطفال وقت الحاجه و ذلك بتجميد الاسفنجه ووضعها بالكيس و حفظها بالفريزر الى اي وقت و في هذه الحاله الاسفنجه تعتبر كماده مجمده
مرفق القيديو باسفل لشرح اوضح 






الجمعة، 24 ديسمبر، 2010

تزيين الجدار حول باب الغرفه

اذا كنتي بتفكري بتغيير ديكور غرفه او اضافه لمسه عليها باقل التكاليف و اسهل الطرق اليكي هذه الفكره:


هنا تم استخدام البوردر و يباع في محلات ادوات الديكور و مش غالي ثمنه حسب عرض الورق بيبدأ من 15 جنيه لل 5 متر يعتبر رخيص جدا بالنسبه للنتيجه اللي ممكن نحصل عليها منه و عرضه يبدأ من 10 سم ل 25 سم ده اللي انا صادفته في السوق
تركيبه سهل جدا هوه اساسا ورق حائط لكن بعرض صغير عليه رسوم تلائم كل الاذواق يمكن لصقه على بويه او ورق حائط  و ماده اللصق رخيصه يعني الموضوع مش حيكلفك لكن النتيجه رائعه 
الفيديو لعرض كيفيه  تزيين باب غرفه باتقان 

video

الأربعاء، 22 ديسمبر، 2010

طريقه سحريه لازاله اي بقعه من السجاده

طريقه جديده علينا في اننا ازاي نشيل بقع من السجاده و خصوصا لو سجاده لونها فاتح
  اكيد اغلبنا عاني من وجود بقعه في سجادته و كان كابوس بالنسبه لست البيت
خصوصا لو عندك بيبي و انتى عارفه البيبي ممكن يعمل ايه في السجاده او عصير وقع على السجاده او بقع كتير بالنسبه لينا كان نهايه لسجاده جديده و غاليه
انا حاشرح لكم الاول الفيديو و بعدين اتفرجو حتستفادو كتير طريقه جديده و النتيجه في الفيديو حتشوفوها رائعه
صاحب الفيديو عنده كلب و السجاده اتبلت .. و طبعا الموقف دع بيعدي عليه كتير و بيشرح طريقه التعامل بالنسبه ليه مع البقع

الادوات :  
كوب ماءساخن - سائل فيبا او اي سائل غسيل اطباق
بيضيف معلقه من السائل على الماء الساخن
مجفف شعر - مكواه - مكنسه كهرباء - طبق به ماء نظيف و اقمشه للتنظيف و تكون قماش نضيف تماما

الطريقه :
كوب الماء و معلقه الفيبا او الفيري اضاف نصف كميته لمساحه تقريبا 10*10 سم
نحضر قماشه نضيفه من 5 طبقات تكون اكبر من البقعه نبللها بماء ساخن بدون اي اضافات و نعصرها بس مش لدرجه اننا نشيل كل المياه منها
نسخن المكواه على حراره متوسطه و اكوي القماشه و احرك المكواه ما اسيبهاش في مكان واحد حنجد ان البقعه اتنقلت للقماش
اكرر العمليه في قماشه تانيه حتظهر البقعه اخف
ثم نبلل قماشه نظيفه بماء بارد و نعصرها و نضيفها على البقعه و نضغطها علشان الخطوه دي زي الشطف من الصابون اللي ممكن يكون لسه في السجاده
اشغل المكنسه الكهرباء فوق البقعه قليلا ثم بمجفف الشعر على حراره متوسطه و سرعه عاليه اجفف السجاده و ما اقربهوش من السجاده علشان ما يبوظهاش لغايه ما تنشف تماما و لازم اتاكد انها نشفت

ملحوظه ما نزودش كميه الميه في الاول او حراره المكواه او السيشوار او اي حاجه عن اللزوم علشان السجاده ما تبوظش
و يا رب يكون نقلي و شرحي افادكم و اترككم مع الفيديو




الثلاثاء، 21 ديسمبر، 2010

تزيين مفاتيح الاضاءه



ايه رأيك تغيري شكل مفاتيح الاضاءه في بيتك؟ و تديها شكل جديد جدا و مميز عن اي حد
الفيديو هنا عن تركيب ورق الحائط و ازاي تلائمي ورق الحائط مع مفتاح الاضاءه بطريقه سهله جدا بس ممكن نفس الفكره نعملها من غير ورق حائط في الشقه يعني ناخد الفكره بس لتغيير شكل مفاتيح النور شوفو الفكره ان شاء الله تعجبكم زي ما عجبتنى جدا جدا



الاثنين، 20 ديسمبر، 2010

اتفضلواا عملت عيش فينو و الخطوات بالصور




ايه رأيكم بعيش فينو من عمل ايديا ؟ حلو جدا و خفيف اتفضلوا :)


الخبز كتير بيشبه خبز الصمون و مقاديره غنيه و مفيده فيه لبن و زبادي كمان بيشبع .. صورت لكم الطريقه بالخطوات و ان شاء الله يعجبكم لانه كتير حلو


المقادير:
6 اكواب دقيق - كوب زبادي-نصف كوب زيت - حليب دافيئ للعجن 
2 معلقه كبيره خميره فوريه - معلقه كبيره بيكنج باودر-رشه ملح 
معلقه صغيره سكر - بيضه 
في مكون مش اساسي لكن انا ضيقته و هو محسن الخبز لو حتعملي كميه كبيره محسن الخبز بيطول عمر العيش
و المقدرا لل 6 كوبايات دقيق باضيف معلقه صغيره


الطريقه :
 بنخلط المكونات الجافه ثم نضيف البيضه و نفركها بايدينا في الطحين ثم الزيت و نفركه كويس حتى يتوزع جيدا
نضيف الزبادي و الحليب حسب احتياج العجينه و نعجن كويس على قد ما نقدر المفروض 10 دقايق لو تعبتي ممكن تريحي دقيقه و ترجعي تكملي
نترك العجينه تختمر لمده ساعه و دي صوره العجينه لما اختمرت




نقسم العجينه لدوائر متساويه في الححجم حسب ما تحبي حجم الخبز  
انا قسمتها اربع اجزاء و كل جزء لاربع اجزاء
فكان المجموع 16 رغيف لكن ممكن تعمليهم 20 بيكون حجمه اصغر و احسن





هنا طريقه تشكيل العجين للشكل المعتاد 
بتفردي بالنشابه الدائره في اتجاه واحد
و بعدين بتلفيه مثل السويسرول من الناحيه الطويله
و هنا موضح بالصور







ادهني الصينيه زيت و بترصي العيش في الصينيه و يكون مكان قفل اللفه لتحت 
و تتركي مسافات حتى تختمر العجينه 
غطي الصينيه بفوطه نظيفه و اتركيها حتى تختمر










هنا بعد ما اختمر العجين
ادهنى وشه بحليب و دخليه الفرن على نار عاليه في الرف الاوسط و ما تنسيهوش في الفرن
 و لما يخرج غطيه بفوطه حتي يطري و ما يكونش ناشف











و دي الصوره النهائيه 











و دي للخبز من جوه باتمنى يعجبكم






الاعتناء بالستائر و غسيلها



الستائر من اهم ديكورات المنزل و العنايه بها و الاهتمام بنظافتها ينعكس على اطلاله و جمال المنزل .
حاولت اجمع لكم بعض النقاط المهمه للعنايه بالستائر منها من مواقع مختلفه من الانترنت و منها من تجربتى في المنزل:



 
  • في التنظيف الاسبوعي حاولي بالمكنسه الكهربائيه ( باستخدام الفرشاه الصغيره المرفقه معها ) نزع الغبار عن الستاره حتى لا تعلق بها الرطوبه.
  • غسيل الستائر كل شهرين او ثلاثه على اقصي تقدير ( و ده ما يبوظش الستاير اللي يبوظها ان الرطوبه و الغبار يلتصق بها و مع الوقت لونها حيتغير بفعل الاتربه).
  • الستائر الدانتيل اذا كانت رقيقه جدا يمكنك وضعها داخل كيس مخده قماش و ربطه و غسلها بالغساله كمان حاولي ما تنسيهاش تنشف في الشمس كتير.
  • الغسيل للستائر بيكون على درجه الحراره العاديه ..انا باغسلها على درجه حراره المياه العاديه بدون اي تسخين.
 



 
  • لغسل الستائر انقعيها في البانيو مع مسحوق غسيل يدوي لمده ساعه ثم صفيها و ضعيها في الغساله على برنامج صغير المده مع مسحوق غسيل و داوني او كمفورت و البرنامج الغي منه دوره العصر.و اتركيها تنشف في الشمس و في هذه الحاله حتستغنى عن خطوه الكوي لانها حتكون مفروده.
  • ستائر المطبخ انقعيها في البانيو مع النشادر لازاله الدهون.



 
 
 
 
  • ستائر الحمام اغسليها يدويا في البانيو.
 
 
 
 
  • البراقع نظفيها بالمكنسه الكهربائيه و الفرشاه واذا في بقع يمكن ازالتها باسفنجه مبلله بمسحوق غسيل و ماء دافي و الشطف باسفنجه مبلله بماء دافئ.
  • يمكن فك جوانب البراقع(اذا كانت قابله للفك) و غسلها بنقعها في البانيو مع مسحوق غسيل يدوي لمده ساعه ثم تصفيتها و وضعها في الغساله على برنامج صغير المده مع مسحوق غسيل و داوني او كمفورت

الأحد، 19 ديسمبر، 2010

اساسيات تحميل غساله الاطباق ( فيديو)



المبادئ الاساسيه لتحميل غساله الاطباق


غساله الاطباق للحصول على اعلى اداء ليها لازم نعرف الترتيب داخلها ازاي .. ده فيديو للاساسيات السهله لتشغيل اي غساله اطباق خصوصا عند التشغيل في البدايات
من المعلومات اللي ذكرت في الفيديو:
  • ان كل المعالق و الشوك تترص عادي وشها لفوق ما عدا السكاكين فيكون الحرف الحاد لاسفل.
  • الدور العلوي للاكواب و البولات و الاطباق العاديه.
  • الدور السفلي للاوعيه الثقيله.
  • تكون الاطباق خاليه من بواقي الاطعمه.
و من عندي انا كمان كذا نصيحه :
  • الالومنيوم ممنوع لغساله الاطباق لانه بيسود.
  • البلاستيك كمان ممنوع في انواع بتتحمل حراره مياه غساله الاطباق بس حاولي بلاش بلاستيك اضمن علشان ما يتشوهش شكله
  • كتر مسحوق غساله الاطباق مش ميزه لانه بيرسب على الاطباق فالكميه المحدده بس هيه اللي تضاف للغساله
  • ما تكدسيش غساله الاطباق لانها مش حتنضف لازم يكون في مجال الميه توصل لكل مكان في الغساله
ان شاء الله بيكون في فيديوهات اكتر و بتفاصيل اكتر و دي بس الاساسيات

السبت، 18 ديسمبر، 2010

تزيين الجاتوه و التورته بالفيديو باسهل الطرق




تحويل الكيك العادي لجاتوه فخم فكره سهله جدا و لو عندك عيد ميلاد ابنك او زوجك او اي مناسبه حلوه مفيش احلى من انك تعملي تورته و جاتوه احلى من الجاهز الفكره سهله و بسيطه و الفيديو من احلى و اسهل الفيديوهات اللي بتشرح ازاي تعملي جاتوه و بطريقه سهله جدا و من اول مره حتعملي تورته روعه ان شاء الله الفيديو من حلقات الشيف اسامه من برنامج مع اسامه اطيب اتمنى يعجبكم





الجمعة، 17 ديسمبر، 2010

زبادي بيتى على طريقتى


طريقتى لعمل الزبادي:

 عمل الزبادي سهل جدا و مش محتاج وقت خالص..في المعتاد كل اللى بتحتاجيه لعمل زبادي بيتي هوه علبه زبادي جاهزه و لبن دافئ لكن انا ليا اضافتين و ان شاء الله يعجبكم الطريقه.



لعمل الزبادي نحتاج :
لتر لبن دافئ ( مش بارد دفيه كويس ) - علبه زبادي جاهز 200 جرام
اللبن المفروض كامل الدسم لكن لو شيلتي القشطه فحتحتاجي تضيفي 
معلقتين كبار لبن بودره حيعوض الدسم اللي خرج في القشطه 
نقطتين عصير ليمون ..علشان بيساعد ان الزبادي يتماسك كويس


  • نضيف اللبن البودره للحليب و نقلب بالمضرب الشبك
  • نضيف الزبادي على الحليب و نقلب بالمضرب الشبك
  • اخر حاجه نضيف نقطتين او تلاته من عصير الليمون و مش كتير





نصب الزبادي في الاطباق
و ندفي الفرن و نطفيه و نحط الاطباق في الفرن 
في العادي ممكن تبيتيه في الفرن من بالليل لتاني يوم الصبح يعني في حدود 12 ساعه
و ممكن اقل لو الجو  حر




اليومين دول الجو برد جدا فا كان حيبوظ منى سيبته يمكن 18 ساعه و كل اللي حصل ان السطح هوه اللي تماسك و الفرن مش بيحافظ على الدفا اكتر من 5 دقائق
فا جربت طريقه و الحمد لله نفعت و كان الزبادي اتماسك في خلال ساعه
اللي عملته انى شغلت الفرن بس على اقل درجه يعني موطياه الدرجه اللي قبل ما تقفليه على طول و حطيت الزبادي و سيبت الباب مفتوح بتاع الفرن حاجه بسيطه مسافه 10 سنتيمتر
يعني الفرن شغال بس لو حطيتي ايدك على رف الشبك تحسيه سخن و مش بيلسعك تقدر ايدك تفضل عليه عادي
في خلال ساعه كنت لحقته الحمد لله :)


غطي علب للزبادي باغطيه منه حفاظ على الزبادي و منه توفير في المساحه جوه التلاجه 
نسيت اقولكم الزبادي ان شاء الله حيكون متماسك كويس اوي و ان شاء الله حيعجبكم
و احلى طريقه لتقديم الزبادي في نظري ان بتقطع عليه قراصيا و مشمش مجفف بيكون رائع و مفيد جدا جدا
                        و بالهنا و الشفا

Related Posts Plugin for WordPress, Blogger...