الصفحات

بحث

ادخلي ايميلك ليصلك كل جديد

الخميس، 6 يناير، 2011

حديقتى الصغيره بالبلكونه

طبعا هيه مش حديقه بمعنى الكلمه :) هيه مجرد محاولات لزراعه بعض انواع الورقيات مثل الكزبره و الجرجير و الكرفس و الشبت و البقدونس و ايضا محاوله زراعه الطماطم و الفلفل الرومي الاصفر و الريحان .. انا كنت وعدتكم انى حاشرح لكم التجربه كامله و بامانه و للامانه برضه انا ماليش اي علاقه عن الزراعه غير من النت و افلام اليوتيوب عن الزراعه و بحثى الذاتي :) و كان نفسي انقل لكم التجربه و نتائجها شامله و اكبر من كده لكن انا ان شاء الله حاسافر بكره و حاضطر اسيب كل الزرع بس طبعا مش حابعد عن مدوناتي حبيبتي ان شاء الله لكن انا قلت انقل لكم تجربه الشهرين اللي فاتو و ان شاء الله لما ارجع باعيد التجربه من اول و جديد و مش حأيأس لغايه لما يكون عندي انتاج محصول من البلكونه :) انا انهارده حانزل لكم صور عامه للزرع و ان شاء الله بالليل او لما استقر حابدأ انزل لكم حاجه حاجه انا صورت التجربه كامله و يا رب تستفادو منها و تجربو زيي تعملوها .. المزروعات شكلها حلو اوي يعني حتى على اسوأ تقدير هيه تجميل للبلكونه و كان نفسي ازرع حاجات تانيه انا جمعت عنها معلومات ان شاء الله انقل كل حاجه عرفتها و جربتها و حتى اللي فشلت فيها علشان تتلاشو الاخطاء..
اسيبكم مع الصور و يا رب يعجبوكم
هنا جرجير و بقدونس  و كزبره و ريحان

هنا طماطم و فلفل رومي و شبت و كرفس

هنا صوره مقربه

و هنا شجيرات الطماطم

باتمنى الصور تشجعكم تجربو زيي و ان شاء الله بانزل تجربتي كامله و الفيديوهات اللي ساعدتنى

11 التعليقات :

جميل زراعة الأعشاب بالأحواض الصغيرة

ولكن نادراً ما تنجح عندي تنقصني الشمس

وتسلم إيدك

جربتى تزرعى الجزر والخس والليمون ؟؟
ولا مش بيتزرعوا فى البلكونه؟؟
وياريت تقولىلينا طريقه زرعهم لو تعرفيها من ناحيه طريقه الاعتناء بالتربه وكده


سؤال بالنسبه للحشرات جالك ناموس او لقيتى حشره فى الزرع معينه او ظهرلك دود ؟؟؟؟؟
اسفه على الاطاله

ما جربتش الجزر و الخس و الليمون ما عرفتش اجيب بذورهم .. بس بيتهيألي الخس و الجزر ممكن لكن الليمون شجره حيكون صعب زراعتها في البلكونه .. ممكن اشوف لك فيديوهات عن زراعتهم ان شاء الله
انا ما جاليش حشرات زي الدود لان البتموس تربه صناعيه نضيفه التربه بتيجي من غير اي بوادر للامراض دي و طبعا الطيب زراعته احسن و نباته اقوي بس بيكون تربته معرضه تجيلك فيها قابليه لظهور الديدان او حشرات معينه
بالنسبه للناموس ما حسيتش بفرق لان الزرع مش كثيف برضه بس خللي بالك لو منطقتك فيها نمل لان ظهر عندي نمل في البلكونه بس رشيتها بالمبيد مره و بعدين الحمد لله خلص بس اول ما يظهر شيلي الشوالي رشي البلاط نفسه و بعدين رجعي شاليه الزرع مكانها

انا معنديش شمس بس بحب الزرع اووووي ممكن اعمل ايه غير اني ازرع نباتات الظل

السلام وعليكم ... عاشت ايدك اختي هوايه جميله وممتعه ومفيده في نفس الوقت

لو سمحت حضرتك انا جبت بذور للكرفس من عند العطار بس قالي انها مش بتتذرع فهل ده صحيح

لا يا قمر العادي انها تتزرع انا جبتها من عنده و قاللي ما تتزرعش بس زرعتها و نبتت عادي

اختي ماشاء اللة اشوف الطماطم عندك ممتاز انا بيطلع لي صانعات انفاق ايش تحطي لزرعك مخلية صحي وجميل

وانا كمان بحب الزرع زرعت ريحان وكرافص وبصل وثوم وقزبر ممكن تعلمني ادخل صورهم عندك

كرافص بيتزرع انا زرعه دلوقتي اهو ظهر

إرسال تعليق

Related Posts Plugin for WordPress, Blogger...