الصفحات

بحث

ادخلي ايميلك ليصلك كل جديد

السبت، 15 يناير، 2011

زراعتي للشبت و الكرفس بالتفاصيل و الصور


اللي متابعين مواضيعي في الزراعه حيعرفو انى نزلت موضوعين عن زراعه الكزبره و الجرجير و البقدونس بالبيت انهارده حنقل تجربتي في زراعه الكرفس و الشبت و انا نفسي كلنا نجرب اللي انا جربته و اللي لسه ما جربتوش بنيه ان يكون عندنا و لو طبق سلطه نضيف و لو مساهمه بسيطه في انتاجنا للبيت و كمان هوايه حلوه نربي عليها اولادنا


البذور:
من اي عطار اطلبي بذر كرفس و بذر شبت و دول عند العطار لوصفات مش للزراعه و ممكن يقولك زي م قالي دول مش بتزرعو بس صدقيني بيتزرعو ان شاء الله
بذر كرفس

بذر شبت
التربه:
بتموس من كارفور و هيه رخيصه جدا او اي تربه عندك متوفره بس البتموس نضيف ما فيهوش امراض او ديدان
الوعاء:
اي وعاء زراعه او اي علبه عندك و يستحسن لو علبه من عندك تخرميها من تحت علشان تصرف الميه الزياده


كرفس


ميعاد الزراعه
هوه اساسا افضل معاد من شهر 9 ل 11 بس ازرعي في اي معاد مش مشكله كل اللي حيحصل ان النمو حيكون بطيء شويه و الانبات بطيء في بدايته بس النتيجه ممتازه








الري:

في اول يوم انثري البذور و رشيها باي بخاخ مليان ميه و خللي ريك على قد ما تقدري بالطريقه دي على الاقل لغايه ما يحصل انبات لان البذور خفيفه جدا فا علشان ما تتحركش معاكي
الانتاج
حاولي لما تاخدي من الزرع خدي بمقص و قصي من فوق و هوه الزرع حيطلع غيره و ممكن يقعد معاكي فتره طويله اوي   عايش و لو سبتيه من غير ما تاخدي منه حيعجز و يزهر فا خدي منه و حيطلع غيره ما تقليش




لو لون الزرع اصفر :
يبقي مش متعرض لشمس كويس و كمان ممكن تسمديه بحاجه بسيطه اوي روحي عند اي محل نباتات زينه او ضل و اطلبي (كريستالون) ده زي فيتامينات و معادن للتربه ب 2 جنيه الكيس الصغير انا اخدت 3 ب 5 جنيه قعد عندي 4 شهور بتدوبي معلقه صغيره على لتر ميه و تسقي بيه التربه كل اسبوع او 10 ايام مره و ان شاء الله حاعمل موضوع عن العنايه بالتربه و الزرع بصوره بسيطه بس ممكن الزرع اصلا ما يحتاجش من الاساس النقطه دي  فا سمديه لو لقيتيه بيصفر منك بس




ملحوظه:
الشبت بيطع اسرع من الكرفس فا متقلقيش لو اتاخر انبات الكرفس
ان شاء الله الموضوع الجاي انقل تجربتبي مع الطماطم و ان شاء الله تعجبكم و لو اي استفسار انا موجوده اجاوب على قد ما جربت و دورت :)




3 التعليقات :

طب بالنسبة لزراعة الشبت والكرفس هل نسقيه يوميا؟ولا مرتين فى الأسبوع مثلا ولا ايه بالظبط؟؟؟؟؟؟؟

يسقا لتبقا التربه رطبه
اذا كانت التربه جافه يجب الري
ويفضل ابقاء التربه رطبه لجميع المزروعات
اذا كانت رطبه فهي تاخذ قدرها من الماء
في الايام الحاره 2 ولا يسقى في وقت الحر الشديد والشمس الشديده كمثل الساعه 12:30 تكون الشمس حاره فلا يسقى النبات في هذا الوقت
ويفضل الري اول الصبح و المغرب
اما في الشتاء فهي يوم ري يومين او يوم بدون ري وبعدين يوم ري وهاكذا
الى ان يضهر لك نبات يزرع فيك الفرحه والسرور والاكتفاء الذاتي ايضاء
وشكرا

بس انا حبيت انقل الكم تجربتي الخاصة الي صارت عن طريق الصدفة احنا في تركيا لما نشتري الكرفس بيكون فيها جذر ولما نقعت الجذر بكوب ماء طلع له جذور وايظا نبت له اوراق وبنفس الوقت احب اوجه سؤالي شو اعمل ابقيه بالكوب ولا ازرعه بالتربة

إرسال تعليق

Related Posts Plugin for WordPress, Blogger...