الصفحات

بحث

ادخلي ايميلك ليصلك كل جديد

الاثنين، 7 فبراير، 2011

و زرعت الطماطم كمان :)





 
بعد تجربتى في زراعه الورقيات و اشتريت بذورها من العطار جربت و زرعت طماطم و فلفل رومي و دي تجربتي كامله في الموضوع

البذور هي البذور نفسها اللى في الثمره انا اخترت طماطم طعمها حلو انا مش متخصصه في الزراعه بس اعتقد ان دي سلالات فحاولت على قد ما اقدر اختار نوع كويس اخذت البذر من الثمره و زرعته في التربه في ناس بتغسل البذور و تجففها بس انا زرعتها على طول
كل بذره حتطلع لك نبته فا حاولي تبعدي البذور عن بعضها في الشاليه لانك بعد كده حتختاري واحده او اتنين احسن و اقوي نبته خرجت و حتشيلي الباقي فا علشان تقدري تتحكمي و انتى بتشدي اللي مش عاجبك
و ما تكتريش بذور و انتى بتحطي في التربه

طماطم


الطماطم بتقعد فتره طويله يعني الصور دي الشجيره عمرها شهرين و نص تقريبا قبل ما اسافر من مصر بيوم صورتها يعني ممكن 4 شهور علشان تبتدي تدوري على حبات طماطم منها
الشاليه خللي فيه واحده بس لو اكتر من كده نمو الزرع حيكون بطيء جدا جدا



هنا اخر مرحله انا وصلتلها ظهور البراعم اللي بيخرج منها الطماطم و كان ظهر منها عدد كتير و كان نفسي بصراحه اشوف النتيجه النهائيه بس ظروف سفري منعت
بالنسبه للفلفل انا جربت بذر فلفل رومي اصفر و بذر فلفل رومي احمر الاصفر بس اللي خرج زرع هوه اللي في الصوره
اللي عرفته بعد كده ان مش كل البذور بتكون نمت في الحبه بحيث انها تطرح هوه الاحسن تشتري بذور من محلات متخصصه بس لو زيي و صعب شويه جربي و شوفي اللي يطلع كويس و اللي ما يطلعش جربي غيره و ممكن تجربي في كوبايات بلاستيك بتاعه الشاى للاستخدام الواحد او علب البيض

الفلفل الرومي و الفلفل العادي و الطماطم و البدنجان ليهم نفس شروط النمو و هيه انهم بيحتاجو تغذيه كويسه اوي 

كريستالون



اول حاجه : الكريستالون من اي محل بيبيع نباتات زينه و هوه رخيص الكيس صغير ب 2 جنيه و يكفيكي فتر كويسه بتاخدى معلقه شاي و تدوبيها في لتر ميه و تسقي بيها الزرع كل اسبوع




يوريا


تاني حاجه : اليوريا دي مش اساسيه في البيوت بس انا اتوفرت عندي فا استعملتها ربع معلقه شاي في لتر ميه كل اسبوع اسقي بيها الزرع بس ناس كتير قالو ممكن الزرع يطرح من غير يوريا 





فلفل رومي اصفر



تالت حاجه: الشمس مهمه جدا انا سالت محل نباتات قالوا لي الطماطم لو اتزرعت في الضل بتكون نبات زينه لو عايزاها تطرح عرضيها للشمس
رابع حاجه : قشر البيض انا باخده و انشفه و اطحنه في الكبه و اخلطه مع التربه بيدي مصدر كالسيوم حلو اوي
في فكره عامه للزرع حلو اوي ممكن تزرعي التربه فول لفتره قبل ما تزرعي فيها اي نبات بتكون النتيجه رائعه ( بس انا بصراحه ماكانش عندي وقت للخطوه دي ) دي فكره للي عايز يكون عنده انتاج فعلى من البلكونه



فلفل رومي اصفر


التربه اي تربه تنفع انا باخلط بتموس ( من كارفور او اي مشتل و هوه رخيص جدا ) مع اي رمل او تربه بس اي تربه تنفع
المعلومات دي عشان تديكي احسن نتيجه بس جربي ما تقفيش لو نقطه منهم مش متوفره عندك و ان شاء الله حتتبسطي اوي

10 التعليقات :

افكارك جميله جدا وعجبتنى.انا عندي سؤال هو كارفور المعادي بيبيع زرع ...زي نباتات الظل و مستلزماتها؟؟واسعارها كويسه ولا غاليه عن بره

جميلة تجربتك كمان انا أحب التجارب النباتية

بس هل حصلتِ على ثمار ؟

انا ظروف عمل زوجي مش بتخليني مستقره في مكان اكتر من شهرين تلاته علشان كده دي اطول مده و احسن نتيجه قدرت اوصلها بالنسيه للوقت
بالنسيه لكارفور المعادي ما عنديش فكره عنه بس اي مشتل كويس اكيد حيكون عنده خبره و تنويعات في الزرع اكتر

بالنسه للكريستالون واليوريا هل احطهم من اول يوم احط فيه البذور ولا استنى لما تنبت واحطهم؟؟

وهل البيض احطه مره واحداه فقط قبل ما اضع البذور ؟ولاكل فتره؟
طب وبالنسبه لوزرعت فول عشان التربه اشيل بعد كده الفول من جزوه ؟؟؟ولا اعمل اييه؟؟؟

لاء استنى لما ينبت و بعدين يكبر شويه اسبوعين و للا حاجه علشان النبات بيكون ضعيف ممكن يتحرق
قشر البيض ايوه اخلطيه عادي مع التربه مره واحده
مش عارفه الفول بس بيتهيألي يتشال من بذوره على قد ما تقدري و على فكره الفول بيخللي التربه حلوه اوي للزراعه كأنها متسمده

الشمس عندى قليله فماذا افعل فى الزراعه بالمنزل 567; عندى نبات ظل واسقيه كل مايصفر بماء مثلج مع ماء عادى يخضر بد ساعه ويقوى ......لكن الزراعه الاخرى مش عارفه اعمل ايه ويكون بديل للشمس؟

بصي انا مش خبيره اوي في الزراعه كل اللي عرفته من النت و تجارب بسيطه بس انا شفت فيديوهات اجنبيه بيستخدموا اضاءه الفلورسنت بديل للاضاءه بس انا مش عارفه ده يصلح لكل الانواع للزرع و للا لاء و كمان المده بس ده بديل ممكن تعملي عنه سيرش على النت او تسالي في صفحات و منتديات الزراعه المتخصصه كمان ممكن تزرعي على السطح لو عرفتي اكيد الشمس فيه كويسه اوي

افكار حلوه اوى بارك الله فيكى وجزاكى خيرا انا بحب الزراعه اوى وفعلا استفدت من كلامك جزاكى الله خيرا

نقطه الطرح صحيحه تماما
انا عندي باذنجان كنت حاطه في ضل
لاكن غيرت المكان بسبب البقدونس بذوره تحتاج لشمس
بعد يومين بدا الباذنجان تطلع وروده الصغيره
ونقطه قشور البيض
اذا كنت تردين نتيجه افضل اخلطيها مع سكر واضيفها للتربه ثم ارويها
تستفيد التربه اكثر في هاذي الحاله
وشكرا لك

إرسال تعليق

Related Posts Plugin for WordPress, Blogger...