الصفحات

بحث

ادخلي ايميلك ليصلك كل جديد

الاثنين، 14 مارس 2011

اصنعي شيبسي باستخدام الميكروويف

طريقه غريبه و جديده قابلتني دلوقت وبهرتني بصراحه و هوه انك تعملي شيبسي باستخدام الميكروويف في 5 دقايق بس



حاكتب لكم الخطوات و بعدين شوفوا الفيديو :
  • اغسلي طبق الميكروويف كويس و نشفيه و يكون الميكروويف نضيف ممكن تمسحيه بفوطه على الناشف بسرعه كده
  • شرحي البطاطس شرايح رقيقه
  • رشي الطبق بزيت باسبراي رشه خفيفه جدا
  • افردي البطاطس و رشي عليها رشه تانيه بالزيت اكرر رشه خفيفه جدا و رشي ملح و اي توابل بتحبيها
  • حطيها في الميكروويف على اقصي حراره لمده 5 دقايق و شوفي النتيجه مبهره في الصوره ازاي
طبعا طريقه سريعه و دايت نسبه الدهون فيها لا تذكر و شوفو الشيبسي زي بتاع الشارع الجاهز ازاي و بالهنا و الشفا


ملحوظه :
في فيديو تاني لنفس الفكره استخدم طبق بايركس عادي محدب ( اطرافه عاليه شويه ) و رص البطاطس بالطريقه دي و كده عمل كميه اكتر  حبيت انقل لكم الفكره دي برضه


2 التعليقات :

طب منين نجيب اسبراي الزيت؟ و ينفع نعمله في البيت؟

إرسال تعليق

Related Posts Plugin for WordPress, Blogger...