الصفحات

بحث

ادخلي ايميلك ليصلك كل جديد

الجمعة، 28 أكتوبر، 2011

جدولي لتنضيف الشقه قبل العيد


كل سنه و انتوا طيبين بمناسبه العيد و طبعا الاسبوع قبل العيد بيكون كتير مضغوط بسبب التنظيف و الاستعدادات للزيارات و العزومات
ده جدول منظم لترتيب جدولك ممكن تاخديه زي ما هوه او تعدلي فيه حسب ظروفك


قبل التنظيف بيومين   بتكون في خطوات بتسهل عليكي موضوع التنفيض
رتبي الدواليب من الداخل - لو عندك غسيل خلصيه كله لان في غسيل جديد حيطلع لك زي الستاير و الملايات
حضري اكل في الثلاجه علشان ما تضطريش نطبخي و انتى بتنفضي .. يكون اكلك جاهز في الثلاجه على التسخين
اغسلي الشفاط و الشبابيك للمطبخ و الحمام و المشايات الخفيفه و اركني المشايات على جنب لحد ما تخلصي
اعملي جرد سريع للتلاجه و رتبيها .. و للاوراق و كتب اولادك
كل ده تعمليه و الشقه زي ما هيه مش حتحسي بكركبه في الشقه
قبل التنضيف بيوم لمي الستاير و اغسليها و الشقه تكون متساويه ما فيهاش كراكيب ده حيخلي التنفيض سهل جدا جدا
حضري ادوات تنظيفك كلها
يوم التنفيض او التنظيف
ابدأي   انك تفتحي الشبابيك و تخرجي المشايات و المخدات و الاغطيه في الشمس
ممكن تبتدي بالمطبخ لو تحبي لكن انا بابتدي بغرف النوم كل غرفه اخلصها و اقفلها و اخلي اخر اوضه في التنظيف هيه اللي فيها البلكونه اللي فيها سجاد الشقه و المشايات
 لمي الملايات تتغسل و اتنى المراتب علشان تتهوي و تعرفي تنظفي تحت السرير
ابدأي بمسح الشبابيك  و الحوائط بالزعافه .. امسحي الخشب كويس و رتبي السراحه
امسحي الارضيات بالمياه بالمساحه و سيبي الاوضه تتهوي لحد ما تنشف الارض
اعدلي المراتب و افرشي السرير و السجاد  و الستائر المغسوله و امسحي الزجاج و المرايات كويس  و عطري الغرفه بمعطر جو و اقفليها و حاولي ما حدش يدخلها لحد ما تخلصي تنضيف الا لاضيق الحدود
نضفي الصالون و الانتريه بنفس الطريقه : امسحي الشبابيك و الحوائط ( ما تنسيش النجف بس افصلي الكهرباء الاول اوعي تنسي ) - امسحي الخشب وامسحي الاقمشه جيدا بالمكنسه الكهرباء
امسحي الارضيات  و اتركيها تتهوي 
افرشي السجاد لما الارض تنشف وعلقي الستائر و رصي المفارش و الديكورات
المطبخ لو ايدك فيه على طول مش حياخد منك ساعه 
امسحيه بالجاز و هويه كويس ( علشان الدهون كلها تختفي من عندك ) .. نضفي البوتاجاز و امسحي زجاج الفرن من بره بالجلانس ( بيغير شكل المطبخ خالص ) امسحي اجهزتك من بره كويس بالجلانس او زي ما تحبي تنظفيها
اغسلي المواعين
امسحي الارض و افرشي مشايه الارض
الخطوه قبل الاخيره البلكونه سيبيها للاخر لغايه ما تخرجي منها كل السجاجيد و المخدات  و اغسليها بالمياه
( انا باكون ماسحه الشيش قبل ما اطلع فيها اي حاجه في اول النهار )
اخر خطوه هو الحمام 
ادعكي البانيو و الحوض و القاعده .. امسحي السخان من اعلى من التراب
امسحي الحمام بالمياه و اخيرا امسحي المرايات 
ما تنسيش تعطري الجو ببخور او معطر جو و تمسحي باب شقتك من بره 
و كل سنه و انتو طيبيبن 

3 التعليقات :

انا نفس انطف بيت انا متزوجة عمرى 17 مش عارفة اعمل اى فى ترويق البيت سعدنى

إرسال تعليق

Related Posts Plugin for WordPress, Blogger...