الصفحات

بحث

ادخلي ايميلك ليصلك كل جديد

الجمعة، 16 ديسمبر، 2011

للتخلص من فوضي مجلاتك القديمه و اوراقك المطبوعه من النت

اكيد نسبه كبيره مننا عندها مجلات متراكمه من كام سنه فاتت و مش عارفه تتصرف فيها لان فيها حاجات مفيده
انا مثلا زمان كنت باجيب مجلات حواء او نص الدنيا و بعدين مع الوقت بقوا كوم مالوش اي لزمه غير انه عامل فوضي .. الفكره دي حلوه اوي
جيبي المجلات القديمه و افتحيها و شوفي مثلا انتى عايزه وصفات الطبخ .. او تحبي باب معين لكاتب معين او افكار حلوه
المهم قصي الورق اللي انتى عايزاه ( غالبا المجله حتصفي على 3 ورقات او 4 بالكتير )
و بعدين جيبي الفايلات دي من السوق ( زي الصوره و موجوده بالمكتبات ) و شيلي الورق جواها و اعملي فايل مثلا للوصفات .. فايل للنصايح و الافكار




و جمعيها في علبه شيك زي دي


المجلات اللي انتى مش محتاجاها جمعيه رساله بتاخدها تقدري تكلميهم يجيوا لحد البيت يستلموها منك و تكوني استفدتي و فدتي غيرك 
يا رب تكون الفكره عجبتك
الفكره تنفع برضه للورق اللي بتطبعيه من النت طبعا

0 التعليقات :

إرسال تعليق

Related Posts Plugin for WordPress, Blogger...