الصفحات

بحث

تنظيم حياتك و بيتك

افكار كثيره ببيتي مملكتى لنظيم بيتك و حياتك لجعلها اسهل لكي و اكثر سعاده و راحه

ترتيب بيتك

افكار و تجارب جديده بالصور و الفيديو لاعاده ترتيب بيتك و تنظيمه لجعله مملكه تسعدين بها و يسعد بها من حولك

ديكور بيتك

لمسات للديكورغير مكلفه و افكار جديده من صنع يدك تضفي لمسه مميزه لمملكتك

لمسات لبيتك

لمسات لبيتك في كل مكان و في كل ركن يجعله المملكه التي كنت دوما تحلمين بها

عزومات و حفلات

تميزي بضيافتك المختلفه و عزوماتك و حفلاتك التى سيستمتع بها ضيوفك فقط .. تابعي موضوعات بيتي مملكتي لنحاول معا جعل بيوتنا مملكه باسهل و اوفر الطرق

ادخلي ايميلك ليصلك كل جديد

الأربعاء، 30 مارس، 2011

اصنعي صابون مميز جدا و بطريقه سهله :)



ده مش طريقه صنع صابون انتى حتجيبي صابون و حتشكليه بشكل جديد مميز و مش حيكون عند حد غيرك و ادي الطريقه و الخطوات ان شاء الله تعجبكم :

أحلى صابون ممكن تعمليه وهتخلى الناس تحكى عن جماله
 




المكونات 
صابون عادى (أى نوع بتحبيه) - الوان طبيعيه  (أى لون ) 
الطريقه :  
اول حاجه هتجيبي الصابون و تقطعيه قطع صغيره
ضعي الصابون بالميكروويف لغايه ما يسيح
قسمي الصابون قسمين في وعائين ضعي على احدهما اللون و قلبي كويس



هتجيبى بعد كده شكل من عندك بلاستيك وتحطى فيه الصابون الملون وتدخليه الفريزر



 وبعدين لما يجمد خالص تجبيه وتحطيه جوه قالب صغير كده قد الصابون مربع شوية 
وهتحطى فوقه الصابون العادى اللى لونه أبيض زى ماهوه 


كده يعنى يابنات


وفى النهاية لما تطلعيه من الفريزر هيبقى شكله كده تحفة 


المصدر منتديات ازياء

طريقه ربط الاسلاك بدون ما تفسديها



طريقه ربط الاسلاك بالفيديو زي سلك الشاحن ووصلات التليفزيون اللي انتى مش محتاجاها علشان تخزنيها بسهوله و من غير ما تاخد مكان و كمان ما تتلغبطش في بعضها و الاسلاك تتداخل مع بعض في الدرج

الفيديو :



زراعه البصل بالمنزل

البصل من اكتر المحاصيل اللي بنستهلكها و ممكن نزرعها بالبيت لو عندك حديقه او في شوالي للزرع و هنا الطريقه بالخطوات
مبدئيا بذر البصل بيتباع من اي محل بذور او من المولات الكبيره قسم الحدائق و ممكن كمان من العطار بيبيع بذور البصل
اول خطوه قلبي التربه كويس باي اداه عندك  و انثري البذور  و غطيها بطبقه من التراب


اسقها ماء و غطى التربه بقطعه قماش او حتى كيس علشان تسرع مده الانبات و ينبت البذور مع بعضها و كلها كام يوم و تظهر البوادر


و بعد عده ايام بيطول الفروع الخضراء (طبعا الصور من مساحات كبيره مزروعه بس نفس الفكره للكونتينر العادي اللي زرعتي فيه )


 اول ما توصل ارتفاعها لحوالى 15 سم قصي 2 سم بالمقص لايقاف النمو الخضري و تشجيع البصيله على النمو


 طبعا التسميد مهم اشتري سماد من اي مشتل او قسم الحدائق في اي هايبر ماركت و اخلطيه مع نسبه الميه  زي ما مكتوب على العبوه و ما تزوديش و اتبعى تعليمات التسميد
اول ما الشتلات نموها يكون كويس زي الصوره ارويها ريه كويسه علشان تقدري تشديها من التربه و ازرعيها في شاليه تانيه بين كل واحده وواحده مسافه 5 سم





بعد توزيعها في التربه :








النمو للبصله الكامله بياخد حوالي 4 شهور اول ما تلاقي العود الاخضر دبل و بقى اصفر يبقى خلاص و خدي البصل  و سيبيه يجف في الشمس كويس قبل ما تستعمليه
البصل اساسا محصول صيفي ممكن يتزرع في الشتا بس بيكون نموه بطيئ شويه

 المصدر منتديات الشبكه العربيه و  فيديوهات اليوتيوب

الاثنين، 28 مارس، 2011

ترتيب درج الشرابات

طبعا درج الشرابات من اكتر الاماكن اللي ما فيهاش تنظيم لكن حتى المكان ده ليه طريقه في التنظيم تخليه يستوعب كميه كبيره بطريقه منظمه مرتبه و كمان سهل تطلعي اللي انتى عايزاه بسهوله و الفيديو بيعلمك ازاي تطبقيه علشان يكون مفرود مش ( مكور ) و شوفي شكل الدرج حلو ازاي :)



الفيديو :


الخميس، 24 مارس، 2011

بالفيديو تنظيف فرنك من الدهون المتراكمه و باسهل الطرق

طريقه تنظيف فرنك من الدهون المكومه بداخله و جعله ( يبرق ) من تاني :) و الموضوع مش سحر
كل اللي حتحتاجيه :
جوانتى او قفاز لحمايه يدك - كيس كبير ( ممكن كيس قمامه اسود عادي ) يتسع للارفف - صابون اوني عادي - مناديل مطبخ ورقيه ( كتير ) اي سكين لحك الدهون المتراكمه على الباب  - اختيار قوي للتنظيف ( ممكن بيكنج صودا او منظف افران قوي  و الاختيار الثالث المستخدم في الفيديو هو مستر ماسل للافران  اسبراي لكن كل الاختيارات ممكن تستخدميها و البيكنج صودا بس وزعيها مكان الدهون بغزاره و عليها رشه ماء خفيفه و اتركيها ليله كامله ) - مفك لفك مسامير زجاج الباب
قبل ما تشوفي الفيديو طريقه فك الباب مش كل البوتاجازات بيتفك بابها بنفس الطريقه فا مش لازم تفكي الباب نفسه بلاش تجازفي لو ما تعرفيش  او استعيني بزوجك يفكه و طبعا التعليمات بتكون موجوده بالكاتالوج  تبع البوتاجاز بس انا شخصيا عمري ما فكيت الباب

اسيبك مع الفيديو الممتع و الواضح و اللي بيبين لك الفرق قبل التنظيف و بعد التنظيف



طرق مختلفه لطى مناديل السفره



ثلاث طرق مختلفه لطى مناديل السفره كلاسيك و  مودرن و الطرق موضحه بفيديوهات سريعه و شرح سهل ان شاء الله




الطريقه الاولي على شكل ورقه شجر



الطريقه الثانيه على شكل زهره الليلي و مميزه بوجودها داخل كأس



الطريقه الثالثه
مختلفه لان الطيه تحمل داخلها الشوكه و السكينه و المعلقه فهى تعتبر حافظه و يستخدم في الطريقه هذه النشا اسبراي لتنشيف القماش و الحفاظ على شكله و ميزه هذه الطريقه انك ممكن تعمل الكميه اللي انتى عايزاها و تشيليها لوقت الاحتياج و تكون محتفظه بشكلها



الجمعة، 18 مارس، 2011

كيفيه استخدام الكوفي ميكر



طريقه استخدام ماكينه الكوفي ميكر لعمل القهوه بالفيديو


وجدت هذا الفيديو على اليوتيوب لشرح تفصيلي لطريقه عمل القهوه باستخدام الكوفي ميكر و الاحلى ان الشرح بالعربي الماكينه بها مطحنه بن يعنى البن بينطحن و بدقائق معدوده يكون عندك فنجان قهوه و لا احلى ان شاء الله يعجبك


الفيديو :

الخميس، 17 مارس، 2011

طريقه لازاله البقع البيضاء من الاثاث الخشبي

طريقه لازاله البقع الدائريه البيضاء ( مكان وضع الاكواب الساخنه مثلا ) من على الاثاث الخشبي من دون استخدام مواد كيميائيه المطلوب هو سيشوار و مكواه بخار

الخطوات من الفيديو :
 وجههى السيشوار للبقعه لمده بسيطه ثم احضري مكواه البخار ووجهى فتحات خروج البخار نحو البقعه ( طبعا المكواه ما تلمسش الخشب خللى بالك مجرد ان البخار السخن يوصل للبقعه ) و تدريجيا حتلاقي البقعه اختفت و امسحى الترابيزه بفوطه جافه و خلاص

الفيديو :


فيديو اخر بطريقه مختلفه قليلا بستخدام مكواه البخار بدون سيشوار و فوطه خفيفه او قطعه قماش عازله بين الطاوله و المكواه


الاثنين، 14 مارس، 2011

اصنعي شيبسي باستخدام الميكروويف

طريقه غريبه و جديده قابلتني دلوقت وبهرتني بصراحه و هوه انك تعملي شيبسي باستخدام الميكروويف في 5 دقايق بس



حاكتب لكم الخطوات و بعدين شوفوا الفيديو :
  • اغسلي طبق الميكروويف كويس و نشفيه و يكون الميكروويف نضيف ممكن تمسحيه بفوطه على الناشف بسرعه كده
  • شرحي البطاطس شرايح رقيقه
  • رشي الطبق بزيت باسبراي رشه خفيفه جدا
  • افردي البطاطس و رشي عليها رشه تانيه بالزيت اكرر رشه خفيفه جدا و رشي ملح و اي توابل بتحبيها
  • حطيها في الميكروويف على اقصي حراره لمده 5 دقايق و شوفي النتيجه مبهره في الصوره ازاي
طبعا طريقه سريعه و دايت نسبه الدهون فيها لا تذكر و شوفو الشيبسي زي بتاع الشارع الجاهز ازاي و بالهنا و الشفا


ملحوظه :
في فيديو تاني لنفس الفكره استخدم طبق بايركس عادي محدب ( اطرافه عاليه شويه ) و رص البطاطس بالطريقه دي و كده عمل كميه اكتر  حبيت انقل لكم الفكره دي برضه


جبن بيتي على طريقه منال العالم

طريقه عمل الجبن المنزلي بدون استخدام منفحه على طريقه منال العالم
المقادير :
5 لتر حليب كامل الدسم - نصف كوب خل ( او ليمون ) - ملح و حبه البركه ( حسب ما تحبي )




اول خطوه اغلى الحليب  ( في حله ستانلس و مهم هذا الموضوع حتى لا يحصل تفاعل بين الالومنيوم و الجبن )و اول ما يبدأ بالغليان اضيفي كل كميه الخل


حركي بملعقه خشبيه حتلاحظي ان اللبن قطع كما بالصوره


استمري بالتحريك دقيقه حتى تحسيه كما بالصوره ثم اطفئي النار و اتركيه دقيقه اخري حتى يستقر

 
احضري مصفاه جوه طبق او حله و صفي الجبن جيدا و ارفعيه من الماء اللي اتصفي و اتركيه ساعه او اثنين حتى يتصفي جيدا







حضري القالب اللي تحبي تشكليه فيه  ( قالب مخرم لتسريب الماء )  و شاشه رقيقه و عريضه اتنيها على ثلاث طبقات و ضعيها بقالب الخوص
( ممكن تعتمدي فقط على الشاشه و تضعي بها الجبن و تربطيها و تركي الجبن يصفي الماء منها)


ضعي الجبن في الشاش و رشي ملح لو تحبي و اي اضاقات ( حبه بركه او فلفل حار اللي تحبيه ضيفيه )


اغلقى الشاش على الجبن و ضعي ثقل فوقها و خللي القالب الخوص بداخل طبق حتى تتجمع الماء فيه






اتركيه ليله و بالهناء و الشفاء

المصدر فيديو لمنال العالم على اليوتيوب

السبت، 12 مارس، 2011

تنظيف الحوض الاستانلس




طريقه بالصور لتنظيف حوضك الاستانلس و اعاده اللمعه اليه :
لاعاده اللمعه لحوضك الاستانلس و بمواد من بيتك اليكي هذه الطريقه 


 
الادوات كما بالصوره : ليمونه مقطعه نصفين - بيكنج صودا ( ربع كوب ) - فوطه

 
اغمسى نصف الليمونه المقطعه في البيكنج صودا


ادعكي بها الحوض في حركات دائريه و اذا احتجتي زياده كميه البيكنج صودا يمكنك اعاده تغميس الليمونه في البيكنج صودا و معاوده الدعك

اشطفي الحوض جيدا بماء داقىء


امسحى الحوض بفوطه جافه و استمتعي بالنظافه 



المصدر فيديو على اليوتيوب

تنظيف سطح البوتاجاز



طريقه تنظيف سطح البوتاجاز من البقع الصعبه الملتصقه به باستخدام مكونات من داخل البيت




اول شيئ دي صوره البوتاجاز قبل التنظيف


شيلي الحوامل من عليه 

رشي ملح طعام عادي جدا على سطح البوتاجاز ( رشه كويسه )


رشي قليل من الخل الابيض (ربع كوب تقريبا)

رشي البيكنج صودا و ركزي على اماكن البقع


افركي بيدك ( و يستحسن تلبسي جوانتى لو موجود ) سطح البوتاجاز و اتركي الخليط على البوتاجاز مده 5 دقائق تقريبا

امسحي السطح باسفنجه نظيفه 

في الاركان و حول العيون اذا ما نضفتش و البقع عويص جدا  اعملي عجينه مكونه من ( ملح و بيكنج صودا و خل ) و تكون عجينه متماسكه 


وزعيها على اماكن البقع الصلبه كما بالصوره و اتركيها طوال الليل و في الصباح امسحيها و ان شاء الله تبهرك النتيجه 


Related Posts Plugin for WordPress, Blogger...