الصفحات

بحث

تنظيم حياتك و بيتك

افكار كثيره ببيتي مملكتى لنظيم بيتك و حياتك لجعلها اسهل لكي و اكثر سعاده و راحه

ترتيب بيتك

افكار و تجارب جديده بالصور و الفيديو لاعاده ترتيب بيتك و تنظيمه لجعله مملكه تسعدين بها و يسعد بها من حولك

ديكور بيتك

لمسات للديكورغير مكلفه و افكار جديده من صنع يدك تضفي لمسه مميزه لمملكتك

لمسات لبيتك

لمسات لبيتك في كل مكان و في كل ركن يجعله المملكه التي كنت دوما تحلمين بها

عزومات و حفلات

تميزي بضيافتك المختلفه و عزوماتك و حفلاتك التى سيستمتع بها ضيوفك فقط .. تابعي موضوعات بيتي مملكتي لنحاول معا جعل بيوتنا مملكه باسهل و اوفر الطرق

ادخلي ايميلك ليصلك كل جديد

الأربعاء، 31 أغسطس، 2011

طريقه منظمه لطي الملايات

طريقه منظمه لطي الملايات تحافظ على الطقم كامل مع بعضه و سهله جدا انك تطبقيها في دولابك 





الطريقه بالصور :

 

طبقي الملايه عادي في ناحيه و سيبي كيس المخده الصغير ممكن تكويه لو تحبي و ممكن تسيبيه مش مشكله و دخلي الطقم عادي جوه الكيس زي الصوره



اثني الزياده من الكيس من الناحيتين



 اقلبي الكيس زي الصوره و رصيه جوه الدولاب و ما تشيليش هم سحبه من الدولاب علشان تستعمليه

المصدر : هنا

الأحد، 28 أغسطس، 2011

تزيين سفرتك في العيد بالفيديو

وجدت على اليوتيوب فيديولتزيين سفرتك في العيد . طبعا الاجانب  مش بيملوا السفره اكل زينا :) فا خدي من زينه الشموع و الزهور اللي يناسبك .. كمان الالوان اختاري اللي يناسب ديكور بيتك و اختاري اللمسات اللي تناسب امكانياتك .. المفارش انزلي اشتري قماش بالمتر و سرفليه حيكون رخيص جدا
افكار كثيره في فيديو واحد .. البساطه مهمه مش لازم تطبقي الفيديو بالمللي زي ما قلتلك :) كمان في طريقه تزيين الكراسي و ترتيب الاطباق و طي المناديل اتمنى يفيدكم
الطاوله رائعه لامسيه رومانسيه مع زوجك ايضا
الفيديو :




السبت، 27 أغسطس، 2011

طريقه روعه لتقديم الحلوي للاطفال في العيد

طريقه محترفه و سهله جدا لتقديم الحلوي لاطفال زائريكي في العيد حتحتاجي ظرف لكل فرد و مقص مشرشر و سلوتب  و نص دقيقه من وقتك  .. هاتي كميه من الحلوي و قسميها بين الاطفال او ممكن بسكوتين بكل عبوه :) عيد فطر سعيد على الجميع ان شاء الله






الفيديوو :


اصنعي من الورق علب لتقديم الكحك و البسكويت للعائله

فكره من الاوريجامي لعمل علبه اصنعيها بورق قوي من اوراق الهدايا و ضعي ورق مقوي كقاعده وورقه زبده و غلفيها بالسوليفان او حبيتي ما تعمليش ليها غطاء و السوليفان حيكون جلو جدا بس ما تنسيش ورق الزبده علشان العلبه ما تتبقعش من الكحك و حجم العلبه متوقف على حجم المربع اللي بتقصيه في البدايه 
الطريقه ممكن تحسيها صعبه بس خللي الفيديو جنبك و انتى بتشتغلي معاه  مره و التانيه و حيكون سهل اوي
ماتنسيش تدبسي الاركان علشان العلبه ما تتفكش منك
الزينه على الصوره بمفرش الحلويات الورق حلوه اوي و انتى ابدعي :)



الفيديووو

اكياس صغيره لتقديم البسكوت هدايا في العيد

فكره حلول لتقديم كميه بسيطه مغلفه بشياكه لضيوفك في العيد و هما نازلين من عندك .. كميه فرديه الكيس لشخص ..
الفن ده اسمه الاوريجامي و هوه فن طي الورق اول قيديو لعمل الكيس و طريقه تنفيذه و الادوات ورق و سلوتب لو ما عرفتيش تشتري الاكياس جاهزه من السوق
الطريقه واحده و الاساس واحد و التزيين حسب ذوقك

الفيديو الثاني ازاي تغلفي البسكويت باستخدام ورق الزبده علشان ما يبقعش الكيس بالزبد



الجمعة، 26 أغسطس، 2011

طرق لاستغلال بقايا الاقمشه عندك لتزيين المنزل

ممكن لو فتحتي احد ادراجك تلاقي قطع اقمشه مركونه ممكن تستغليها في اعمال راقيه لمنزلك حتى لو ماكانتش اقمشه خياطه ممكن تكون بواقي قماش تنجيد او حتى طرحه قديمه  او قماش مقصوص من بنطلون جينز و انتى بتقصريه او ملايه قديمه
افكار كثيره للتجديد من مواد و خامات بالبيت


من الاقمشه التى يمكن ان تتوافر في كل بيت اقمشه الستائر - التنجيد - الشيفون - الاورجانزا - الساتان و الحرير و القطن و غيرها كثييير
لاستغلال قماش التنجيد و الستائر :
يمكن ان تصنعي غطاء لسله المهملات او غطاء لعلبه المناديل 
يمكنك صنع غطاء لسبت الغسيل و ديكورات للحمام لتغطيه بعض القطع مع تزيينها بالورد و الخرز
يمكنك صنع غطاء لكرسي قديم و حشوه بالفايبر
يمكنك صنع عروسه او لعبه صغيره لطفل
 عمل مخدات او خداديات صغيره
 
عمل مساكات للمطبخ  او ديكورات زينه له
عمل مفارش ديكور مزينه بالخرز و الدانتيل





الاورجانزا يمكنك عمل اكياس ورود او فواحات للمخده او الدولاب او الصالون
من الشيفون يمكنك عمل ربطات شعر و فواحات ايضا
يمكنك استخدام الساتان لتغطيه علبه قديمه بلاستيك او سله و تنظيم مكياجك و ادواتك بها
الجينز يمكنك عمل مقلمه او محفظه شيك جدا منه



افكار و صور:




 



     


الخميس، 25 أغسطس، 2011

كيكه الشكولاته الفاخره لحوريه المطبخ

طريقه الكيكه انا جربتها و النتيجه اكثر من رائعه حبيت اشارككم المقادير لكن استبدلت بودره اللوز بدقيق عادي لانه غير متوفر عندي
انا جربت الكيك من غير الزينه ان شاء الله تعجبكم 

المقادير
  • 100 غ طحين
  • 50 غ لوز محمص ومطحون ناعم (بودرة اللوز)
  • 150 غ شوكولا مفرومة
  • 80 غ سكر
  • 120 غ زبدة بدرجة حرارة الغرفة او طرية
  • 5 حبات بيض
  • ملعقة صغيرة فانيلا
  • رشة ملح
  • صينية مدهونة ومرشوشة بالطحين ومغطاة بورق شمع في القاع
طريقه عمل الكيكة:
  1. تذوب الشوكولا في حمام مائي وتترك جانبا
  2. يفرق البيض
  3. يخفق بياض البيض مع رشة ملح وملعقتين من السكر
  4. تخفق الزبدة مع كمية السكر المتبقية الى ان نحصل على قوام كريمي مع لون فاتح ، نضيف صفار البيض والفانيلا ونواصل الخفق
  5. نضيف الشوكولا المذابة في حمام مائي مع مواصلة الخفق دائما
  6. بواسطة ملعقة او سباتولا يضاف الطحين مع بودرة اللوز ونخلط خلطا خفيفا
  7. دائما بواسطة الملعقة يضاف بياض البيض المخفوق برفق لكي لا نفقد الكيكة هشاشتها
  8. يسكب المزيج في الصينية المدهونة والمرشوشة بالطحين ثم تدخل مباشرة الفرن المسخن مسبقا على درجة حرارة 350 فهرنهايت لمدة 35 الى 40 دقيقة حسب الفرن
  9. نخرج الكيكة من الفرن تترك في الصينية ثلاث دقائق ثم تخرج من الصينية وتوضع فوق شبك لتبرد  
  10. بعد ان تبرد الكيكة كليا تقطع الى ثلاث طبقات متساوية توضع اول طبقة فوق كرتونة الخاصة بالحلويات او صحن التقديم وتسقى بقليل من القطر ثم تغطى بطبقة من كريمة الشوكولا وتملس ثم نضع فوقها الطبقة الثانية من الكيكة وتسقى هي كذلك بقليل من القطر ويدهن سطحها والاطراف كذلك اي تدهن كلها ثم تزين بجلاصاج الشوكولا
  11. تزين بأشكال مصنوعة من الشوكولا مثل الاوراق او شوكولا مفرومة او بودرة الكاكاو وتوضع في الثلاجة ثم تقدم
النصائح:
  1. وضع ورق شمع في قاع الصينية لسهولة اخراجها من الصينية
  2. يجب تسخين الفرن قبل وضع الكيكة فيه لتنضج
  3. استعمال فرشاة لسقي الكيكة كي نتحكم في كمية القطر

الأربعاء، 24 أغسطس، 2011

ازاله طلاء الاظافر من الملابس

ازاله طلاء الاظافر من الملابس سهل جدا  ( لا تصلح الطريقه مع اقمشه الساتان او ما يشبهها  من الاقمشه اللامعه و التى تشبه الحرير لان الاسيتون يفسد هذه النوعيه من الاقمشه).. مجموعه الخطوات مصوره و مشروحه بالتفصيل 
المواد اللي حتحتاجيها :
قطعه القماش المبقعه بالمانيكير - سطح او طرابيزه افقيه - اسيتون او طلاء اظافر - مناديل ورقيه

افردي القماش او التي شيرت على طاوله افقيه


ابرمي المنديل الورقي كما بالصوره و ضعي على طرفه اسيتون 


امسحي بطريقه الضغط و ليس الدعك و غيري المنديل كل بضع ضغطات حتي لا تنشري البقعه


بعد ازاله البقعه اغسليها في الغساله و ان شاء الله تكون البقعه اختفت تماما

المصدر : هنا

الاثنين، 22 أغسطس، 2011

من اطار صوره قديم اصنعي صينيه تقديم بنفسك

اذا كان عندك برواز صور قديم و ديكوره اصبح لا يلاءم شقتك او جالك هديه و ما فيش مكان ليه على الحائط وجدت لك طريقه لاعاده استغلاله كصينيه تقديم الخطوات بالصور و الشرح




1- انزعي خلفيه الاطار و اختاري الورد المجفف او الحبهان او رسم مطرز بالايتامين او اي شيئ تحبيه و وزعيه على الزجاج هنا استعمل الحبهان


2- رتبي المواد بطريقه جميله و منظمه و ما تسيبيش فراغات


3- رجعي الخلفيه مكانها و ثبتيها جيدا بالدباسه


4-ثبتي اليدين بالمسامير 


5- الصقي على الخلفيه من الاسفل قماش مخمل لحمايه طاولاتك من ان تخدش و مبروك عليكي الصينيه الجديده ^_^

الأحد، 21 أغسطس، 2011

طريقه تخزين ادواتك بعد حفله العشاء

مجموعه نصائح مصوره من مارثا ستيوارت لتخزين اشيائك التى لا تخرج الا في الولائم او اعياد الميلاد للحفاظ عليها في فترات التخزين الطويله









اولا تخزين الاطباق الصيني 
لو قاعده الطبق عندك ممكن تخدش الطبق اللي تحتها ( و بتحصل احيانا كتيره ) و انتي بترصيهم حطي بينهم طبقه عازله زي الصوره او ممكن اي خامه ناعمه عندك زي الجوخ مثلا او اي ماده متوفره عندك



تخزين الاكواب ليها كذا طريقه زي الصوره و كلهم صح


لتخزين البولات او السكريات ذات الغطاء اربطيهم جيدا بالايدي الجانبيه زي الصوره علشان لما تاخديهم من الرف العالي اللي شايلاه فيه ما يقعش الغطاء منك و يتكسر


مفارش السفره اغسليها و اكويها و بعدين طبقيها ما تكويش و هيه متطبفه خصوصا لو مفرش غالي علشان ما يضعفش النسيج
و ما تخزنيهوش مع مفارش بلاستيك علشان ممكن يكون رطوبه و تلاقي المفرش مبقع


ادوات الزينه للحائط و احبال الاضاءه لفيها على كرتون كما بالصوره


لتخزين الشموع خصوصا لو شكلها مميز او معطره و خايفه عليها تتكسر لفيها في ورق مناديل مطبخ و رتبيها داخل رول ورق من عندك ممكن رول الفويل تقسميه بالطول اللي عايزاه و تشيلي الشمع فيه زي الصوره




السبت، 20 أغسطس، 2011

طريقه عمل الفشار بالميكروويف بالمنزل

عمل الفشار في الميكروويف من احسن الحاجات اللي ممكن تستغلي فيها الجهاز السحري ده 
اولا النتيجه سريعه من غير ما تقلبيه كل شويه -- مفيش حاجه حتتوسخ منك و لا حيتحرق ان شاء الله

الطريقه :
تضعى الذره الخاص بالفيشار فى وعاء بغطاء ويكون مسموح يدخل الميكرويف مع ملعقه صغيره ملح وتضعيه  حتى ينتفخ كله .. بس الوعاء يكون زجاجي احسن علشان البلاستيك عندي مع انه كان مسموح يدخل الميكروويف الا انه باظ .. اللي يتنفخ و يخلص افتحي الميكروويف و انقليه في وعاء التقديم و لو فاضل شويه في الاناء حب زي ما هوه رجعيه الميكروويف تاني 
المفروض الفيديو ده دعايه لنوع معين من الاطباق بس انتى عادي اعمليه في اي طبق بايريكس عندك و غطيه  و طبعا تتحكمي ي كميه الزبده زي مانتى عايزه و ممكن ما تحطيش خالص او تحطي زيت ذره


الفيديو:



الجمعة، 19 أغسطس، 2011

طرق مختلفه و افكار من الشيف اسامه لاستغلال الميكروويف

الميكروويف دخل بيوت كتير لكن ليه استخدامات صحيه كتير ما نعرفهاش .. مجموعه افكار من الشيف اسامه حاكتبهالكم و اذا حبيتوا تشوفوا عملي رابط الفيديو باسفل الموضوع لكن كل اللي في الفيديو انا كاتباه ليكم
1- اول طريقه هي لعمل بسكوت سريع في دقيقه و نصف و هو بسكويت بياض البيض
المقادير : بياض بيضه + 300 جم سكر بودره  فقط
اخلطي المقدارين و كوريه كور صغيره و ادخليه الميكروويف دقيقه و نصف ( الحجم حيتضاعف كتير )
2- بدل ما تسلقي ورق الكرنب خدل الكرنب و شيلي الجزء القاسي بأسفل و اتركيها كما هي و غطيها بمناديل مطبخ و رطبيها بالماء و ادخليها الميكروويف 6 او 7 دقائق حتكون كل اوراقها مستويه
طريقه ثانيه لتطريه اوراق الكرنب و هي وضعه بالفريزر قبلها بيوم بكيس لما تخرجيها بتكون كل الاوراق طريه
3- اذا حبيتي تسخني اي اكل فيه صلصه علشان ما يوسخش الميكروويف بتطاير الصلصه غطي الطبق بورق مناديل مطبخ للحفاظ على نضافه الميكروويف 
اذا تطاير صلصه اوي اي رذاذ في الميكرويف سخني مياه لثواني حتي يخرج بخار ماء داخل الميكروويف و بعدين امسحي الميكروويف بمنديل ورق
الفيديووو :



كيفيه استخدامك لمسدس السليكون

بيتك ممكن يحصل فيه مشاكل صيانه ممكن تحليها بنفسك و ممكن تلجأي للصنايعي
طبعا حلك للمشكله مش حيكلفك كتير خالص و كفايه انك مش حتحتاجي لصنايعي و انتى عارفه مشاكلهم قد ايه .. من الادوات اللي ممكن تفيدك هيه مسدس السليكون ممكن تصلحي بيه مشاكل كتير زي مشاكل الشباك الالومنيوم او انفصال الحوض الاستانلس عن الرخام ترجعي تثبتيه بالسليكون تاني
و كمان للاعمال اليدويه و اشغالك الديكوريه هيه ماده لصق كويسه جدا
الفيديو حلو لغايه ما يملي الشق بالسيليكون بعد كده الشرح لانواع السليكون مش مهمه لان اللي يهمنا هوه اللي موجود بالسوق وهوه نوع واحد بس

طريقه الاستخدام بالفيديووووو :


و ده شكل الانبوبه  بتكون ب 7 او 8 جنيه من اي مول



الخميس، 18 أغسطس، 2011

عمل حديقه اعشاب بالمطبخ بنفسك

عند شراء شتلات الاعشاب  ( زعتر - ريحان - روز ماري .... ) من المشتل حوليها لحديقه جميله عندك و انقليها لاواني زرع شيك  منها منظر جمالي و ايضا توفير بدل 4 اواتي اجمعيهم في اناء واحد 
اهم نقطتين .. 
1 - ان تضعيها في مكان مشمس او جنب شباك به ضوء شمس
2- احضري تربه بوتموس و افرديها في الوعاء كما بالفيديو و ارفعي الزرع من الوعاء القديم بحرص بكل التربه كما بالفيديو و لاحظي الزرع ما تكونيش ساقياه علشان يتنقل بسهوله معاكي
الفيديووووووووووو:


اشكال ديكوريه لاواني زراعه الاعشاب :







Related Posts Plugin for WordPress, Blogger...