الصفحات

بحث

ادخلي ايميلك ليصلك كل جديد

الأحد، 22 يناير 2012

نيو لوك لمنظفاتك . . . لكي تصبح افضل واوفر

موضوع مفيد من منتدي لك و ان شاء الله تستفادوا منه :
الموضوع لفرح الاسلام شكرا لها :)

اكيد كتير مننا بيعمل بعض تغييرات ع المنظفات في البيت بعد ما يشتريها عشان تكون افضل واسهل في الاستخدام واوفر كماااااااااااان

طبعا هتقولولي اسهل ماشي انما اوفر ازاي؟؟؟؟؟؟؟؟؟؟
هقولكوا ................

اولا

معطر ومنعم الغسيل

أنا مش بحب استعمل العبوه الكبيره عشان كل ماجي اضيفه للغساله اشيل عبوه 3 لتر تقيييييييله وعرضي انها تدلق منني وكمان اكيد مش بتحكم في الكميه اللي بحطها كويس
المهم كنت بشتري العبوات الصغيره وطبعا بتكون اغلي يعني مش اقتصاديه

وكان ده الحل ...........
احتفظت بعبوه لتر وبقيت اجيب الكبيره وافضي فيها كل ماتخلص



ثانيا

مزيل بقع الملابس

انا بنقله في عبوه ببخاخه زي منظف الزجاج و برش ع البقع بمنتهي السهوله من غير ما يتدلق مني



وكمان بيكون خارج بإندفاع شديد بحسه بيتغلغل في البقعه كده


ثالثا

سائل الأطباق

بفضيه في اي عبوه مني مايزر سهلة الضغط عشان اخد نقطه نقطه فوق الليفه وبنفس الايد اللي ماسكه الليفه من غير ما اضطر افتح الزجاجه كل شويه
شوفوا كده


رابعا

المطهر

اصلا عشان افتح جركن الديتول كل شويه مأسااااااااه
لأنه لازم بييجي علي ايدي وبيحرقني جدا وافضل اغسل فيها مييت سنه
وتوصلت للحل ده


بس طبعا كان لازم اشيل الإستيكر بتاع عبوة الشامبو وألزق عليها علامة ديتول لزوم الإحتياط عشان محدش يفتكرها شامبو وللا حاجه

و الحل ده ريحني جدا الحمد لله
تفتحي الغطا بسهوله وتحطي قي الجردل بتاع المسح او حتي ترشي مباشر ع الأرض براحتك ماهو مش بينزل كتير
وكمان بحط مع الملابس البيضا والمناشف في غسالة الملابس وكمان بحط كام نقطه كده داخل غسالة الأطباق لزوم التعقيم
جربوها مش بيسيب ريحه بس بيحسس بالتعقيم


خامسا

مسحوق الغسيل اليدوي

كتير مننا بيشتكي انه بيوصل للكيس ميه و بيتبل او حتي لوحده كده بيرطب
ولازم توسخي ايدك لواخذتي من الكيس شويه حتي لو بتستخدمي كوب

انا بقي بفتح الكيس وافضيه في عبوة الفينش الفارغه من مسحوق غسالات الاطباق واللي معندهاش تستعمل اي بديل حتي ولو زجاجة المعطر بس تكوني غسلاها وسيباها تنشف كويس اوي


وبكل سهوله ويسر لما تحتاجي شوية مسحوق هتفتحي الغطاي وتضيفيه كده


سادسا

مسحوق الغساله الأوتوماتيك

باختصار شديد بحفظه في العلبه دي


ولأني بستعمل نوع للأبيض ونوع تاني للألوان فحليت الأزمه دي كده


ولما كيس يخلص بشتري غيره وافتحه واحطه جنب التاني في العلبه

كمان هقولكو انا بستخدم الشياله البلاستيك دي في وضع المسحوق في درج الغساله لأن غسالتي جوه درفه فمش بينفع بالكبايه

وبحط منها مكيالين كده بمنتهي السوله


بس طبعا العلبه التوأم انا حطاها في مكان قريب من الغساله يعني كده


وشوفتوا فوقها المعطر كمان


نسيت اقولكو اني ساعات بجيب مسحوق الأبيض حجم كبير وباخد علي قد الكيس الصغير والباقي بحتفظ بيه كده


وبحط العلبه دي في الدرفه اللي تحت الحوض


والعلب دي مش بس للصابون دي بتنفع لحاجات تانيه كتير زي الأرز


والكوب الأصفر اللي فوق العلبه ده اللي بعاير بيه الأرز

وممكن كمان عدس او اي بقوليات او حبوب بتكون عندنا بكميه



كده الحمد لله باقي اختم لكوا بنصيحه صغيره وهي ان لازم درفة المنظفات تكون مرتفعه وبعيده عن ايدين الأطفال فلو عندك أطفال أو بيزورك أطفال متتردديش وإعملي زيي كده

المصدر http://www.lakii.com/vb/a-124/a-668453/

0 التعليقات :

إرسال تعليق

Related Posts Plugin for WordPress, Blogger...