الصفحات

بحث

ادخلي ايميلك ليصلك كل جديد

الأربعاء، 22 فبراير، 2012

البرص ..تخلصي منه و من ازعاجه

انا ليا تجربه مع البرص طبعا تجربه سيئه جدا و اللي دخل البرص بيتها عارفه الرعب اللي بيسببه وجود البرص في البيت .. كنا في احد الدول العربيه و البيت قريب من الجبال فا كان وجوده في كل بيت من اساسيات الحياه هناك ربنا يبعده عنا جميعا 
في طرق انا قريتها و طرق حلوه انا جربتها 
من الطرق اللي قريتها و ماجربتهاش:
  • انك تحطي بيض عادي في المكان اللي موجود فيه و هو بيخاف من البيض و بيعتبره بيض افعي فا بيهرب ( هي دي جربتها و ما جابتش نتيجه معايا )
  • انك تبخري البيت بالمستكه ( اللبان ) في الغرفه كويس اوي لانه بيكره ريحتها جدااااااااا
  • زيت السيارات  انك تمسحي بيه حواف الشبابيك 
بالنسبه للطرق اللي انا جربتها و فعلا جابت نتيجه 
  • لو عندك برص فعلا و مستخبي و عندك الجرأه او عند حد الجراه انه يقتله رشي مبيد الحشرات في المكان اللي هو فيه و استنيه بعصايه هوه الريحه دي حتخرجه و ممكن تخليه دايخ كمان و اضربيه بالعصايه
  • تاني طريقه انك تجيبي ورق كارتون من اي كرتونه و تحطي عليها لاصق فئران و اعملي منها واحدتين او تلاته وزعيهم في كذا مكان و الله احنا مره صحينا الصبح لقينا 2 في وقت واحد ملزوقين فيها و لولا انى مش عايزه اوريكم شكلهم كنت نزلت صورهم و هما ممسوكين في اللزق ( صورناهم طبعا :) )بس خللي بالك لو عندك اطفال علشان ما يقفوش على الورق ده و ابعديه عنهم .. انتى اعرفي الاول البرص فين و حطيهم في محيط وجوده  انا حطيتهم على عتب المطبخ و فوق الطرابيزه اللي كان مستخبي وراها ( هوه كان في المطبخ :( )
  • تالت حاجه للوقايه : سدي كل الفتحات اللي عندك لو الباب عالي شويه عن الارض او في فتحه تكييف مش مشكله تجيبي اي  مشايه و تخليها ورا باب الشقه و ترفعيها لما تخرجي وترجعي اوتحطي حته قماشه حتى .. لو انتى حاسه ان المسافه دي ممكن تعدي حاجه و ممكن تجيبي فلين او اي خامه تانيه سدي بها الفتحات و الشقوق اللي عند الشبابيك او فتحات التكييف ووممكن تركبي سلك على الشباك لو بتحبي تسيبيه مفتوح كتير في الصيف
  • رابع حاجه للوقايه نبات الشيح اشتريه من العطار و اعمليه زي صره صغيره في قماش تل او شاش و اعملي منه كميه و خللي التل شكله حلو و زينيه بشريطه لو تحبي ووزعيه عند الشبابيك و الابواب هوه بيكره ريحه الشيح زي الثعابين بالبظبط و لو شم ريحته ان شاء الله مش حيدخل .. و غيري الصرر دي كل شهر
يا رب يكون موضوع مفيد ليكم و ربنا يبعد عنكم شر البرص يا رب
موضوع غير منقول :)

2 التعليقات :

ما شاء الله ... انا كان لى تجربة زيك مع البرص و ربنا ما يوريكى و اللى جربته و فعلا جاب نتيجة ... الرش .. استخدمت مبيد الحشرات و رشيته و فعلا طلع يجرى من الريحة و كان دايخ و ضربناه على طول " طبعا مش انا " ...

انا بترعب منة جدا ومعنديش الجراة انى اموتة

إرسال تعليق

Related Posts Plugin for WordPress, Blogger...