الصفحات

بحث

ادخلي ايميلك ليصلك كل جديد

الأربعاء، 19 ديسمبر، 2012

نصايح من مطبخ آيـــــة عن الخميرة والعجن


اول نصيحة النهاردة من مطبخ آيـــة عن المعجنات

هنبتدي بالخميرة ....الخميرة انواع في الخميرة الفورية وبتبقي موجودة في السوبر ماركت
والخميرة الطازة ...وهي الافضل ف الاستخدام وبتجبيها من الفرن او من محل توكيل الخميرة بيبقي ف محافظات مصر وتجبي قالب ع بعضه وبتقسميه قطع مستطيلة زي الصورة وتلفي كل قطعه ف كيس وبعدين ف كيس كبير وتحطيهم في الفريزر وتطلعي المقدار اللي هتستخدميه قبل العجن
..ازاي تتعاملي مع الخميرة... بالنسبة للفورية ياما تحطيها ع الدقيق ع طول ياما تحطي عليه شوية ماية او لبن دافيين وملعقة صغيرة سكر في كوب وتغطيها لحد ما تخمر يدوب ددقايق وهتلاقيها ارتفعت ان شاء الله

اما بالنسبة للخميرة الطازة دي لازم تدوبيها في كوباية ف شوية ماية دافية وملعقة صغيرة سكر وتغطيها بردوا هتلاقيها ارتفعت تحطيها ع الدقيق وبقية مكونات العجينة
 
 
تاني نصيحة النهاردة عن المعجنات ..لازم ع العجينة تحطي اللبن او الماية دافيين لانهم لما بيكونوا دافيين بيساعدوا في سرعة تنشيط الخميرة بكتيييير عكس ما يكونوا باردين

تالت نصيحة :)
اوعي تحطي ع العجينة لبن اوماية بيغلوا او سخنين اوىىى
لان السخونية الزايدة بتوقف نشاط الخميرة وبالتالي العجينة مش هتخمر منك وهتبقي مكتومة ...فلازم تخليهم دافيين مش بيغلوا اوسخنين وكذلك الحال مع الماية اللي بتدوبي بيها الخميرة بردوا تتحط داااافية مش اكتر




 
رابع معلومة
حاول دايما ف اي وصفة انك تعجني اكتر ومش اقل من 10 دقايق عشان كل لما بتعجني اكتر كل ما بتبقي العجينة احلي وافضل وكل المكونات بتتجانس مع بعض تماما ان شاء الله

خامس معلومة :_
اضافة الزبادي لاي عجينة بتبقي غااااااااااااااااالبا مش ضروروية وخصوصا لو ف ف الوصفة لبن او ماية بس بيبقي عشان يدي للعجينة هشاشة وليونة




 
سادس معلومة
لو العجينة مخمرتش معاكي بيبقي في كذا سبب ياما الجو ساقعه اوى والخميرة مش مدفيه او لانك حطتي عليها مايه بتغلي او سخنه اوى او حطيتي ع العجينة اللبن سخن او بيغلي ففي الحاله دي تقدري تعتبري ان العجينةباظت او ان الخميرة كانت قليلة ومش كفاية

سابع معلومة
بعد ما تخصي العجن غطي العجينة كويس جداا بقماشة او اكتر نظيقة وسميكة وتحطيها في مكان دافي ..ولو في الشتاء وبتتعبك اوى عقبال لما تخمر زي :) في بنوتة هنا اقترحت فكرة جميلة بتعملها وهي انها بتحط االطبق اللي فيه العجينة في طبق تاني اكبر فيه ماية سخنة .. و ف طريقة تانيه انك تدفي الفرن وتطفيه وتحطي العجينة فيه عشان تخمر ف وقت اسرع




 
ثامن معلومة :_
عايزة تعرفي ان الخبز او المعجنات الي عملتيها تمام هاتي عود كبريت او خلة واغرسي فيها بعد ماتطلعيا من الفرن هتلاقيه نضيف وملزقتش فيه اي عجينة تعرفي انا تمام وهشه وجميلة ان شاء الله :)

تاسع معلومة :_
لو لا قدر الله اي صنف من المعجنات باظ منك ايه الحل ؟؟ هل ترميها لالالا طبعا ...وليكن الصينيةاللي قدمنا هي اللي باظت وطلعت زي اعجينةو مكنتش منفوشة تحاولي تقطعيها ع شكل مستطيلات شبه الفايش بس رفيعه وتحطيها ع صاج وتدخليها الفرن تتحمص وتكليها مع الشاي وتدوقي عمايل ايديكي يا حلوة هههههههه :)) او تفتفتيها وتحطيها ف البلكونة ع لوح خشب او المتاح والعصافير تاكلها ^_^ ويبقي ليكي الثواب بس خلي الثواب للي جوه البيت احسن ومتلخيش الثواب للعصافير يكتر بالشكل ده ^_^




0 التعليقات :

إرسال تعليق

Related Posts Plugin for WordPress, Blogger...