الصفحات

بحث

ادخلي ايميلك ليصلك كل جديد

الأربعاء، 5 ديسمبر، 2012

تقشيرو تفريزالثوم بمنتهى السهولة وكمان مضاعفه الكميه بالصور

من منتدي فتكات موضوع سهل وبسيط لكن مفيد اوى اوى
باختصار كده عايزة التوم يتقشر معاكى بمنتهى السهولة ومش بس كده وفى نفس الوقت تضاعفى كميته وتوفرى زى اى فتوكة مصرية شاطرة
فى اول موسم التوم طبعا مش بيبقي فيه مشكله انا بجيبه طرى وافصص القشرة الخارجية بتاعه الراس واقطعها وع الكبة وبتبقي زى الفل
لكن لما بيخلص من عندى وبيجي موسم التوم العادى الناشف ده
او لو فى ناس بتجيبوا طرى وتعلقه فالبلكونة وتنشفه
انا بعمل ايه بأه
انا بجيب نص كيلو مثلا واروح حاطاه فى كيس ورابطاه واحطه فين خدوا بالكو كويس بحطه فى الرف اللى تحت الفريزر ع طول عارفينه الرف ده بتهيالى باه فى كل تلاجة دلوقتى
واسيبه باه اسبوعين تلاته شهر وكل اما يقعد بيبقي احسن بتلاقيه طول ونبت كده من تحت والتومايه ولدت ههههههه والجذر اللى بيطلع ده بيبقي جميل وريحته فواحه اكتر من التوم وطبعا هو بيحصله كده من الرطوبه اللى موجودة فى الرف ده
بصوا كده :

  اقرب :

 وكمان تقشيره بيقى سهل جداااااااااااااا جدااااااااااااا كانك كنتى نقعاه فى مياه والله القشرة بتتشال كده لوحدها
القشرة فاصلة عن التومة كده وجميلة وادى التوم كله ع بعضه بعد ماقشرته 
  
 وبعد مااقشره احطه فى الكبة كده 


  وافرمه كده 


 وبعدين احطه فى برطمان او كيس وع الفريزر
وادى التوم اهو فى الكيس  
 
  
وبعدين بلف الكيس زى ماتعودنا 


 واحط توم بقشره تانى فى كيس عشان يطول ويرعرع عقبال ماخلص التوم الى عملته ده وهكذا الموضوع ده بيريحنى وبيبقي عندى توم طازة وجميل ومفوح اول باول

المصدر http://forums.fatakat.com

0 التعليقات :

إرسال تعليق

Related Posts Plugin for WordPress, Blogger...