الصفحات

بحث

ادخلي ايميلك ليصلك كل جديد

الأربعاء، 16 يناير، 2013

خزنى بطاطس لكل الأغراض 。بالصور

من منتدي فتكات خطوات تخزين البطاطس بالفريزر:
اليومين دول احلى بطاطس وارخصها فى السوق
و خزنت زى كل سنة بطريقتى الحصرية
اللى باقدر اخزن بيها بطاطس للقلى والصوانى والسلق والسلطة وزى ما انتى عاوزة
وحبيت اشارركم معايا وافكركم عشان تلحقوا تخزنوا قبل البطاطس ما تغلى
واهى تبئى جاهزة عشان السحور فى رمضان ان شاء الله
خليكوا معايا الصور هتوضح كل حاجة ان شاء الله

انا بحب البطاطس الرملية {الصحراوية } لانها مرملة من جوه ومقرمشة من برة وطعمها جميل وهى اللى بيعملوا بيها الشيبس
والبطاطس اللى لونها احمر ممتازة فى القلى بس اغلى من الرملية ومش كتير فى السوق

 


  اولا انا بنقع البطاطس 5 دقايق فى ميه سخنة عشان تسهل عملية الحك للبطاطس 

 
وبعدين اقشرها بطريقةالحك يعنى زى الكوسة والجزر
مش بشيل منها طبقة بالسكينة
لان الطريقة دى بتحافظ على الاملاح المعدنية والحديد اللى موجود فى الطبقة تحت القشر مباشرة وتمثل 15 %من القيمةالغذائية للبطاطس
وطبعا بنقعها فى مية تانى عشان متسودش 

وبعدين اقطعها لكل الاغراض زى ما اتفقنا  
 

الصوابع للقلى 


  والحلقات للصوااااااااااااااااانى 

  
 والمكعبات للبطاطس البيوريه وسلطةالبطاطس وشوربة الخضار والتورلى وخلافه 


 أحضر حلة على النار فيها حوالى لترين ميه واخليها تغلى

وبعد الغليان اضيف لها حااااااااااااااجة من اتنييييييييييييين 



اما شوية خل حوالى تلت كوب  


 ااااووووووووووو كوب من الماء البااااااااارد وادوب فيه ملعقتين كباااااااارنشاااااااا

خلينى الاول اوريكم بالخل 



 اول ما احط الخل فى الميه بتبرد شوية
استنى لما تغلى تانى 


 وبعد 5 دقايق بالظبط
هتلاقى الحلة بتغلى زى كده
استنى كمان دقيقة وااااااحدة
يعنى كله 6 دقاايق بس لا أقل ولا أكتررررر
عشان لو اقل البطاطس بتسود بعد كده
ولو أكتر هتستوى سوى كامل بعد 10 -12 دقيقة 



انشلى البطاطس من المية
وحطى تانى فى الحلة كيلو
وكررى العملية براحتك فى نفس المية لحد ما تلاقيها نقصت ممكن تزوديها مية وشوية خل 



 والبطاطس اللى طلعتيها حطيها فى مصفى وتحت مية الحنفية الباردة اشطفيها كويس
وسيبيها تبرد من 4 ل 5 دقايق على بال ما تكون اللى حطيتيها بعدها
اتسلقت نص سوى 



  نكيس وعلى الفريزر على طووووووووول 


هاقولكم على الطريقة بالنشااااااااا 
زى ما تفقنا هنحط كوب ماء بارد وبه ملعقتين نشا دايبين كويس  
 


ونضيفهم للمية بالتدريج مع التقليب المستمر عشان النشا مش يكلكع 

  
ونستنى عليها لما تغلى تانى وتتخن بالشكل ده زى المهلبيةالخفيفة
وبعدين نحط حوالى كيلو بطاطس مقطع 



 وبعد 5 دقايق هنلاقيها بتغلى كده
نستنى كمااان دقيقة
يعنى 6 دقايق بالظبط وننشل البطاطس 



  وتحت ميةالحنفيةعادى زى ما عملنا فى الخل 


ولو عاوزين تشوفوها بعد 24 ساعة فى الفريزر
خليكوا معاياااااااااااا

فى الفريزر 

ادى البطاطس اللى بالنشا 

  
وادى اللى بالخل
والاتنين ماشاء الله لونهم زى الفل ومافيش حاجة اسودت
وكمان مبتشربش زيت زى البطاطس اللى بتتشال نص مقلية
ده غير انك تقدرى تعملى بيها اللى انتى عايزاه مش بس للقلى

وعشان التجربة خير برهان
ادى البطاطس بعد ما طلعتها من التلاجة وفكيت النايلون


 
وللحصوووول على افضل النتايج
اغسلى البطاطس بالماء الساخن للتخلص من التلج الزائد 



 فى مصفى سلك او شبكة قلى البطاطس تحت الميةالسخنة
شكلها زى الطازةبالظبط 



  وده شكلها فى الطاسة 

  
 شايفين القرمشة واللون الدهبى 

المصدر
http://forums.fatakat.com/thread2632479

جوهره البدر

1 التعليقات :

إرسال تعليق

Related Posts Plugin for WordPress, Blogger...