الصفحات

بحث

ادخلي ايميلك ليصلك كل جديد

الأحد، 13 أكتوبر 2013

لو محتاره تشتري قطه و للا لاء .. اقري الموضوع ده

لو محتاره تشتري قطه و للا لاء .. اقري الموضوع ده
عايزه تشتري قطه و محتاره أغلبنا أتحط في موقف ان بنوتك تطلب منك تجيبي قطه للبيت ،،، يا تري رد فعلك كان ايه ؟ انا حاقولك شويه معلومات و نصايح يمكن تفيدك في قرارك انك تجيبي قطه و للا لاء
اول حاجه مبدئيا كده القطط دي حاجه حلوه جدا جدا فيها حنيه مش طبيعيه حتي لو بتخافي منها و مش بتحبيها لو عايشتيها حتحسي بحنيه و حب و دلع بتدلعه عليكي و بتدلعهولك يمكن مش موجود في البني أدمين ،،، في بلاد بره بتكون من طرق علاج الاكتئاب علي فكره بس كونك بقي تجيبيها و للا لاء دي ليها حسابات تانيه خالص
اول حاجه لازم تكوني مستقره في مكان واحد التنقل زياده عن اللزوم و البعد عن البيت فترات طويله بصفه دوريه مش حيساعدك في تربيتها خالص
البيت و الأولاد الهاديين بياثر وا علي سلوك القطه لو ولادك عدوانيين بلاش أولا ممكن يعذبوها و كمان هي مع الوقت بتكون عدوانيه كرد فعل لسلوكهم
لو في مشاكل ربو او ازمه في البيت بلاش طبعا تجيبيها حتتعلقي بيها و حتضطري بعد كده تسيبيها لان شعر القطط ممكن اوي يساعد علي تكرار ظهور ألازمه او زياده حدتها و طول مدتها
القطه مسوءليه بكل معني الكلمه من أكل لنضافه لصحه لازم تكوني قد المسوءليه علشان روح حتتحاسبي عليها تابعي جًروبات و صفحات تربيه القطط علشان تاخدي فكره عن تربيتها و صفحات كتير بتوفر لك نصاءح و استشارات مجانيه القطه زي ما تعوديها بيكون سلوكها بس عايزه منك حنيه و طوله بال
انا لما جبت قطه لبناتي كنت باكره القطط و عيطت يوم ما جت ،،، و يوم ما عيت و عيشت فتره موتها بكيت كأني بابكي علي إنسان من كتر ما حبيتها و من كتر ما بجد سابت اثر في حياتي. و في الاخر القرار قرارك بس المهم تراعي فيها ربنا خصوصا انك لو جبتيها ممكن ما تعرفيش تتصرفي فيها لو ما عرفتيش تديها لحد و لو شيرازي بتكون مش موءهله أنها تعيش في الشارع بعد البيت
الموضوع من بيتي مملكتي

0 التعليقات :

إرسال تعليق

Related Posts Plugin for WordPress, Blogger...