الصفحات

بحث

ادخلي ايميلك ليصلك كل جديد

الأحد، 13 أكتوبر، 2013

تفريز الكرنب من مطبخ ايه بالصور و الخطوات



تفريز الكرنب من مطبخ ايه بالصور و الخطوات
عجبتني تفريزه بالطريقه دي ( رولات ) سهله و تحافظ علي شكله
وهنا الماية حطتها ع النار عقبال لما اقطع الكرنبة


.هجيب الكرنبة وهبتيدي اقطع بالشكل ده من عند الراس مجرد بحط السكينة وافصل الورق من المنطقة دي وبعدين اشيلها براحة عشان متتهريش منك


وهنا شكل الورقة لما شيلتها


ولما الماية تبتدي تغلي بحط ربع ملعقةة صغيرة كمون عشان تدي ريحة وطعم حلو للكرنبة ...ومتنسيش تحطي مقدار الملح المناسب ل كمية الماية


واحط 2 او 3 ورقات بالشكل ده جوة بعض


واحطهم ف الماية السخنة بالشكل ده بحيث تكون العروق التخينة هي اللي تحت واسيبها دقيقة كدا يدوب تبتدي تلين مش عايزاها تستوي لانها لسه هتتخزن فعشان متبقاش مهرية لما اطلعها


وهطلعها بس علي مصفأة عشان تصفي مايتها وتتهوي كويس ..وبطلعها بالشكل ده العرق السميك في الورق بيبقي لتحت عشان هو يستحمل الحرارة و كمان عشان الورقة متتهريش وتستوي اكتر


 وهنا لما سلقت كل الكمية اللي عنددي اللي عايزة اخزنها شايفين شكلهم ماشا الله باين انه مش مستوي يدوب الورق بدأ يلين بس في الماية وطلعته ع طووول


نيجي بقي للتقطيع هي المفروض تمسكي الورقة بايديكي بعد ما تنسقيها بالشكل ده بس عشان اعرف اصورهالكم ....وكمان للي مش بتتظبط معاها بالايد ..هتقطعي العرق الكبير اللي فوق


وده شكل العروق بعد ما قطعت الورق


وبعدين هلف الورقة روول وااقطع قيمة نص سم من فوق بحيث يبقي متساوي وبعدين ابتدي اقطع الروول ده ع حوالي 3 او 4 قطع زي الصورة اللي جاية


بالشكل ده


شايفين ماشا الله شكلة مش مهري ويستحمل التخزين ازاي ووسيبيته يهدي شوية


ورصيته في اكياس براحة وتحاولي تفرغيها من الهوا كويس وتقفليها وتحفظيها في الفريزر لوقت الاستخدام ويبقي عندك جاهز يدوب تطلعيه يفك وتجهزي الخلطة وتبتدي تحشي


من
Aya’s Kitchen "مــطـــبخ آيـــــــة "

0 التعليقات :

إرسال تعليق

Related Posts Plugin for WordPress, Blogger...