الصفحات

بحث

ادخلي ايميلك ليصلك كل جديد

السبت، 30 نوفمبر 2013

نصايح من مطبخي لعمل كنافه طريه و متماسكه

نصايح من مطبخي لعمل كنافه طريه و متماسكه
الكنافه مالهاش طريقه هي كنافه و طبقه مكسرات و كنافه اللي حاقوله ليكي نصايح بتنجح معايا دايما الحمد لله الكنافه طول مانا باتبعها
انا باحب الكنافه طريه و في نفس الوقت متماسكه
اول حاجه انا باستعمل زبده مع معلقه كبيره سمن بلدي .. الزبده فيها رطوبه و سوايل بتطري  الكنافه جدا و في نفس الوقت بتاخدي نكهه و ريحه السمن البلدي
لما باحط الكنافه باحط كميه كبيره من السمن و الزبد باسيحها علي النار و اوزعها علي الكنافه .. لصينيه مقاس 24 اقل كميه ممكن احطها اني احط 12 معلقه خليط السمن  و هو سايح علي اول طبقه كنافه و زيهم علي الوش غير الكميه اللي بتدهني بيها الصينيه من تحت ... ما تستخسريش السمن فيها علشان ما تنشفش
بعد ما بتفردي الكنافه علي الوش فوق المكسرات و قبل ما تحطي السمنه ما تساويهاش بايدك جيبي صينيه كبيره و اكبسي بيها الوش كويس .. السطح حيكون متساوي جدا و بسرعه
حطي خليط الزبد و السمن علي الوش و انا باغطيها بفويل و ادخلها الفرن .. الفويل بيحفظ الرطوبه جواها و الوش مش بينشف
انا لما الحروف بتحمر و احسها بتتحرك بسهوله في الصينيه باقلبها علي طبق مسطح او  او علي ضهر صينيه و ارجعها تاني لصينيتها مش باشغل الشوايه .. حتلاقي الناحيتين بعد ما تخلص املسين جدااا بس بالراحه جدا تفلبيها علشان ما تقعش و تتكسر منك
في الاخر لما تخلص باحطها علي طول في طبق التقديم و ارش عليها فسدق و اغطيها بالكلينج فليم ( البلاستيك الشفاف ) لغايه معاد التقديم
و دي الكنافه بتاعتي
و بالهنا و الشفا


2 التعليقات :

تسلم ايديك بس الشربات بتحطيها امتي وايه مقدار وتكون خفيفيه ولا تقيله وبتطلع زي كنافه الحلواني

والشربات فين وامتي تحطيها وبلبفي خفيفه ولا تقيله

إرسال تعليق

Related Posts Plugin for WordPress, Blogger...