الصفحات

بحث

ادخلي ايميلك ليصلك كل جديد

الأحد، 10 نوفمبر، 2013

بالصور .. طريقه ثني رجل البنطلون

 بالصور .. طريقه ثني رجل البنطلون
من اساسيات الخياطه اللي المفروض تكوني عارفاها هي ازاي تتني رجل بنطلون  بتفيدك جدا لما تشتري بنطلون جديد او بيجاما و الرجل بتكون طويله شويه
الموضوع سهل مش لازم تكوني بتخيطي علشان تعرفي تعملي الموضوع ده كل اللي انتي عايزاه ابره و خيط لون البنطلون و في ثواني تقدري تحلي المشكله دي من غير ما تروحي لحد
اهم حاجه بس لازم تعرفيها ان التانيه علشان تكون كويسه لازم ما يكونش البنطلون متني مسافه كبيره يعني عرض صوباعين تلاته بالكتير للتنيه اكتر من كده بيبقي المفروض تقصي من الرجل و بعدين تتني
الخيط يكون لون القماش
حددي التنيه و طولها و ثبتيها بدبابيس علشان ما تتحركش منك و انتي بتشتغلي
لما تتني البنطلون و هو جديد بتكون النتيجه احسن و شكل البنطلون اجمل من انك تلبسيه و تتنيه لجوه  بايدك و التنيه تتفك و يتاكل من تحت و بعدين تفكري تتنيه
انا صورت الخطوات مره بخيط ابيض علشان بس تميزي حركه الابره و انك تلقطي الغرزه منين و بعدين صورتهولك باللون الاسود عادي و النتيجه النهائيه
اول حاجه بتعقدي الخيط و بتبتدي من الجنب تشبكي التنيه مع البنطلون زي الصوره



اهم حاجه الخطوه الجايه لما بتعملي الغرز مش بتاخدي الابره في القماش علي طول .. لاء بتاخديها و تشبكيها في واحده بس من نسيج البنطلون زي الصوره


علي فكره بتكون قويه جدا بس ده اللي بيخليها ما تبانش الناحيه التانيه و تكون الخياطه مريحه و مهما كان رفع النسيج ما تقلقيش حتتعمل عادي


و بتشبكيها مع حرف رجل البنطلون زي الصوره .. من علي الحرف خالص
و تكرري الخطوه لحد ما تخلصي علي مسافات مش بعيده




و تعقدي الخيط لما تخلصي
و لما تخلصي ده شكل رجل البنطلون


و تكويه من تحت عادي علشان تثبتي التانيه .. طبعا ده بنطلون مدارس لاطفال بعد كده نفك التنيه عادي و نغسله و نكويه لما يقصر عليهم


بيتي مملكتي

0 التعليقات :

إرسال تعليق

Related Posts Plugin for WordPress, Blogger...