الصفحات

بحث

ادخلي ايميلك ليصلك كل جديد

الثلاثاء، 5 نوفمبر، 2013

أفكار هدايا للزوج لو محتاره. من بيتي مملكتي

أفكار هدايا للزوج لو محتاره. و في مناسبه مهمه علي الباب الهديه بيتحكم فيها عنصرين التكلفة و الميزانية اللي محدداها و مدي اهميتها للزوج علشان ما تترميش
نبدأ بالهدايا التقليدية. دي حسب ميزانيتك ملابس ، ساعه ، برفان ، نضاره شمسيه ، محفظه ، حزام جلد قيم ، ميداليه
هدايا مبتكره ممكن محفظه جلد طبيعي و خذيها عند ورشه فضيات و خليه يصمم لك حرفين بأول حروف اساميكم و تتثبت في المحفظه من الداخل
فاجئيه بجلسه تصوير او فوتو سيشن مع مصور لتسجيل صور ليكم أنتو الاتنين ممكن في الاستوديو او اي مكان خارجي و حضري ملابس ليكم أنتو الاتنين بنفس الفكره او اللون
السفريات ممكن تحجزي ليله في فندق تباتوا فيها مع العشا
لو ميزانيتك اعلي رحله ٣ ايام لشرم الشيخ او الساحل او سهل حشيش مكان يكون مناسب و في نفس الوقت مناسب للميزانية بس لازم تتاكدي من مواعيد عمله
لو الميزانية عاليه اوي احجزي عمره و و فاجئيه بيها مش لازم تكون في نفس يوم المناسبة قدمي التذاكر يوم مناسبتك باي معاد مؤجل مناسب لعمل الرحله
ممكن ليله رومانسية في البيت تغني عن كل ده مع شوكلاتايه ليندت او اي قطعه شكولاته فخمه مش علبه شكولاته يعني ،،، وورده و الله بيكون لها مفعول السحر و ممكن تجيبي أحبال الإضاءة الصغيرة ( بيبي لايت ) و تثبتيها في غرفتك و راء الستائر بتعمل جو حلو اوي
هدايا حديثه بلاي ستيشن ، تابلت ، وي ،،موبايل . اي حاجه من الأجهزة الجديده لو جوزك بيتشد للتكنولوجيا حتعجبه
و اهم حاجه اللي من غيرها اي هديه مالهاش طعم و لا قيمه الابتسامه و الوجه البشوش و الكلمه الحلوة و قوليله قد ايه انتي بتحبيه و ان احلي حاجه في حياتك هي هو ،، الكلمه و الابتسامه لهما مفعول السحر

0 التعليقات :

إرسال تعليق

Related Posts Plugin for WordPress, Blogger...