الصفحات

بحث

ادخلي ايميلك ليصلك كل جديد

الأحد، 10 نوفمبر 2013

برواز صور من صنع ايدك بالخطوات المصوره

فكره بسيطه و سريعه لعمل برواز صور الخامات غير مكلفه نهائي انا جبتها من مكتبه سمير و علي بس ممكن تلاقيها في اي مكتبه فنون جميله كمان
حبيت استخدم الفوم اللي عليه جليتر و بعض الزينه البسيطه لو حتجيبي الفوم ده باكيت فيه 5 ورقات و علبه من فراشات الزينه ممكن يكلفك في حدود 15 جنيه بس حتستخدمي اقل من 10% من الخامات لعمل  البرواز ده
و ممكن تعمليه باي حجم و تعلقيه علي الحائط
دي الادوات
ورق فوم عليه جليتر بيكون جاهز كده و قطعه كارتون للخلفيه او ضهر البرواز او لو عاوزاه فوم برضه بس يكون سميك و صلب
اكسسوارات للزينه .. لاصق .. كاتر و مسطره .. بلاستيك مقوي




بتحددي حجم البرواز و حجم الصوره اللي حتتعرض عليه تكوني عارفاها  علشان تظبطي بيها المقاسات ) بتقصي البرواز و قطعه الكارتون الخلفيه بنغفس المقاس


انا حددت مساحه 2.5 سم يكون هو عرض الاطار باقطعه بالكاتر علي طبقه الفوم الخارجيه بس



بالصق الورق المقوي الشفاف من جوه زي الصوره
و باحضر اكسسوارات الزينه بتجربي قبل ما تحطي لزق عايزه تحطيها فين و ازاي كمان انا حطيت تحت الفراشات مربعات صغيره من الفوم علشان ترفع الفراشه و تكون مجسمه و لو عندك فراشات حجم اكبر ممكن تخليها خارج نص جسمها بره الاطار كانها خارجه منه و حتطير ... اي فكره ممكن تبدعي بيها في المرحله دي



بتثبتي الفراشات باللاصق و تعملي الضهر زي الصوره اقطعي قطعه تكون زي كعب للبرواز و الصقيه في ضهر البرواز و سيبيه ينشف


لما الفراشات تنشف علي الواجهه و الضهر ينشف تماما الصقيهم في بعض بس ما تسرحيش في اللزق لان في صوره لسه حتعوزي تدخليها و تخرجيها .. خللي اللزق علي الحروف
كمان اللزق من 3 جهات سيبي فوق مفتوح لتدخيل الصور


و دي النتيجه النهائيه اتمني تعجبكم ممكن تعملوها الوان و احجام و حتكون هدايا مميزه جدا و ديكور مختلف و مبهج جدا

 بيتي مملكتي

0 التعليقات :

إرسال تعليق

Related Posts Plugin for WordPress, Blogger...