الصفحات

بحث

تنظيم حياتك و بيتك

افكار كثيره ببيتي مملكتى لنظيم بيتك و حياتك لجعلها اسهل لكي و اكثر سعاده و راحه

ترتيب بيتك

افكار و تجارب جديده بالصور و الفيديو لاعاده ترتيب بيتك و تنظيمه لجعله مملكه تسعدين بها و يسعد بها من حولك

ديكور بيتك

لمسات للديكورغير مكلفه و افكار جديده من صنع يدك تضفي لمسه مميزه لمملكتك

لمسات لبيتك

لمسات لبيتك في كل مكان و في كل ركن يجعله المملكه التي كنت دوما تحلمين بها

عزومات و حفلات

تميزي بضيافتك المختلفه و عزوماتك و حفلاتك التى سيستمتع بها ضيوفك فقط .. تابعي موضوعات بيتي مملكتي لنحاول معا جعل بيوتنا مملكه باسهل و اوفر الطرق

ادخلي ايميلك ليصلك كل جديد

الثلاثاء، 25 يونيو، 2013

بالخطوات .. 3 طرق مختلفه لتغليف الهدايا

افكار لتغليف الهدايا جميله و شيك و الاهم انها سهله ممكن تعمليها بنفسك بسهوله
اول فكره :


الفكره التانيه :





 الفكره التالته و الاخيره :





المصدر Фабрика идей

صور ديكور مطبخ باللونين الابيض و البرتقالي

 ادخال اللون الابيض مع البرتقالي لمطبخ مودرن مبهج :)
اللمسه البرتقالي مش كبيره  يعني اغلب المطبخ نفسه ابيض بس واضحه  ووحده الاضاءه و ديكورات الحائط و السقف عليها عامل كبير جدا
كمان الطاوله الشفافه و الكراسي عجبتني اوي و فرقت في المكان جامد





الاثنين، 24 يونيو، 2013

طريقه تخزين ورق العنب بالصور و الخطوات

طريقه اختيار و طريقه تخزين ورق العنب  بالصور و الخطوات من Nona Moamen 
اول حاجه بقطع العصيان واحاول احليه مفرود عشان ميتعبنيش فى الفرد

 
احسن ورق عنب اللى هو بناتى تلاقى الورقه ناعمه وخضرها فاتح وده شكلها من جوه


 
وده شكل الورقه من بره الخضار بتعها مصفر شويه ده بناتى خلو بلكم لان الورق الاخضر اوى وناشف ده بتاع التوت ومش حلو خالص


 
بحط مايه ومعلقه صغيره ملح على النار ومعلقتين زيت عشان يبقى سهل فى الفرد


 
بردو بسلق العيدان فى الاخر مش برميها لان بحطها فى قعر الحله عشان بتدى مزازه حلوه اوى للورق


 
اول ما المايه تغلى انزل بورق العنب حوالى خمس ثوانى بالكتير عشر ثوانى لحد ما لونه يتغير عشان ميتهريش وكمان بيرق فى الفريزر لان ورق العنب البناتى مش بيستحمل لانه خفيف اوى


 
نزلته وبقلب عشان كله يتسلق واشيله اول ما يغير اللون على طول ما طولش


 
ده شكله لما خرج من السلق بحطه فى مصفا ولما اخلص الكميه ابدا ارص فيه


 
هنا عملت العيدان فى كياس لوحدها عشان قعر الحله وعملت الورق فى كياس على قد الطبخه واشلهم فى الفريزر


 
بفرد كده عشان يبقى سهل عليا وانتى لو عايزه تقطعى الورقه اكتر من وحده قطعيها وافردى فوق بعضها



من

السبت، 22 يونيو، 2013

تصميم طاوله لاطفالك من الخشب

 الفكره حلوه بس طبعا لازم نجار .. انا ضفت كل الرسوم التوضيحيه علشان تعرفي توصليله الفكره مظبوطه لو حبيتي تعمليها
هي الجوانب علي شكل دبدوب وتكفي لطفلين






من Фабрика идей

طريقه عمل علبه للاكسسوارات من قاعده اواني مطبخ

فكره مختلفه و جديده و نتيجتها حلوه و مش مكلفه و في نفس الوقت راقيه جدا
طبعا اكيد صادفتكم قاعده الاواني الساخنه دي 


 حتقصي من الكارتون الجوانب زي الصوره\


 و خليها من بره لونها علي بني قريب من لون القاعده و من جوه بطني كل القطع



 و زينيها باكسسوارات نحاسيه اللون


 و زر بسيط للقفل و دي النتيجه


المصدر Фабрика идей 

الجمعة، 21 يونيو، 2013

فكره سهله لتزيين الطاوله

 
اذاعندك طاوله او ترابيزه و قدمت و عايزه شكلها يكون حلو من جديد .. ده حل حلو و سهل : 




انك تستخدمي الشرائط اللاصقه ( سلوتب او شيكرتون ) بالوان مختلفه لنتيجه سريعه .. طبعا هي اقتصاديه للترابيزات الصغيره و غير كده شكلها مختلف
الصقي الشرائط طوليا للحصول علي هذه النتيجه زي الصوره



من Ideas and Decor

الأربعاء، 19 يونيو، 2013

طرق تخزين البقوليات في الصيف

للحفاظ علي البهارات و الدقيق و المواد الجافه من السوس في الصيف و حفظها مده طويله اليكي هذه الافكار

 




البهارات : طلعي كميه بسيطه لاستخدامك و باقي الكميه حطيها في برطمانات زجاجيه في التلاجه اوممكن الفريزر حتفضل بنكهتها مده طويله
الدقيق و الارز و العدس و المكرونه : شيليها في التلاجه في كيسها زي ما هي في الرف تحت او في الدرج
اللوبيا و الفاصوليا و الترمس و الحمص .. اسلقيهم نص سلقه و صفيهم كويس و شيليهم في اكياس الفريزر كل كيس علي قد طبخه


الثلاثاء، 18 يونيو، 2013

نصائح للتغلب علي ضعف الذاكره اثناء المذاكره

 نصائح للتغلب علي ضعف الذاكره اثناء المذاكره
  1. اول حاجه انك تثقي في نفسك .. لو افكارك ايجابيه عن نفسك حتقدري تعدي اي مشكله و تنجحي في اي تحدي يقابلك
    و اول حاجه ترفضي الاستسلام للنسيان و اي افكار محبطه
  2. لازم تفهمي الدرس و تفهمي اللي انتي المفروض تحفظيه ده حيوفر عليكي كتير و حيساعدك .. قبل ما تحفظي اقري و حددي النقط المهمه و حطي خط تحتها 
  3. التكرار .. لازم تكرري الدرس و اشرحيه لحد او حتي لنفسك .. كتر التكرار بينبه المخ لاهميه المعلومه و بالتالي يزيد التركيز و الاهتمام بيها .. و حاولي تستخدمي المعلومه علي قد ما تقدري 
  4. اسماء الله الحسني مثلا لما حفظناها بالايقاع الصوتي كان اسهل من حفظها كماده دراسيه مجرده .. او الحروف الانجليزيه في الاغاني اسهل بعد تلحينها في الحفظ بكتير .. حاولي تعملي ايقاع صوتي للمعلومه لو صعبت عليكي في حفظها ده حيقرب المعلومه اكتر كتير لمخك علشان يحفظها
    انا لما حفظت لبنتي eight .. فصلت e عن باقي الكلمه بقت e و تسكت ثانيه و تكمل ight بنغمه صوتيه و تعيدها تاني حفظتها علي طول
  5. اربطي الدرس لو كلمه صعبه بكلمات معروفه و دمها خفيف  تكون قريبه في الحروف  .. لو اسم اربطيه باسم حد تعرفيه فعلا يعني لو قابلتي واحده اسمها ريهام اربطيها باي حد تعرفيه اسمها ريهام برضه لو مفيش فكري في الاسماء العامه مثلا ريهام عبد الغفور
  6. خللي مصدر معلوماتك واحد .. نفس الكتاب لان ده بيسهل عليك كتير بيخللي المخ يحفظ شكل الصفحه و مكان المعلومه بسهوله
    لو حتحفظي قران احفظيه من نفس القارئ .. كرري مع نفس القارئ اسهل من انك تحفظي نفس السوره كل شويه من قارئ مختلف
  7. حاولي تبصي باهتمام للي المفروض عليكي تحفظيه و تحاولي تحبيه لان لما تهتمي بحاجه حيكون فهمها اسرع كتير و حفظها من ماده تقيله عليكي .. مثلا مش بتحبي الاحياء اتخيلي انك طبيبه و ناجحه و ان السبب انك بقيتي دكتوره هي الاحياء 
  8. في ناس ساعه الامتحان بتنسي .. مهما كانت حافظه .. حل المشكله بسيط حللي امتحانات كتيييييير في جو شبيه باللجنه هدوء و مفيش كلام ووقت محدد .. كرري البروفه دي علي قد ما تقدري ده حيهدي اعصابك و يخللي مخك مدرب علي التحدي ده
  9. اهتمي بالصحه و الرياضه الخفيفه و الطعام الصحي الخفيف و فترات نوم كافيه قبل الامتحان
    بقلم بيتي مملكتي

الاثنين، 17 يونيو، 2013

عمل منظم للحلقان سهل و بسيط



منظم للحلقان حلو و سهل حتحتاجي برواز خشبي و سلك شبك و دباسه :
قصي السلك اكبر من الحرف الداخلي للبرواز 

ثبتيه بدباسه من الناحيه الخلفيه




 زينيه زي ما تحبي 



من Фабрика идей 

Related Posts Plugin for WordPress, Blogger...