الصفحات

بحث

تنظيم حياتك و بيتك

افكار كثيره ببيتي مملكتى لنظيم بيتك و حياتك لجعلها اسهل لكي و اكثر سعاده و راحه

ترتيب بيتك

افكار و تجارب جديده بالصور و الفيديو لاعاده ترتيب بيتك و تنظيمه لجعله مملكه تسعدين بها و يسعد بها من حولك

ديكور بيتك

لمسات للديكورغير مكلفه و افكار جديده من صنع يدك تضفي لمسه مميزه لمملكتك

لمسات لبيتك

لمسات لبيتك في كل مكان و في كل ركن يجعله المملكه التي كنت دوما تحلمين بها

عزومات و حفلات

تميزي بضيافتك المختلفه و عزوماتك و حفلاتك التى سيستمتع بها ضيوفك فقط .. تابعي موضوعات بيتي مملكتي لنحاول معا جعل بيوتنا مملكه باسهل و اوفر الطرق

ادخلي ايميلك ليصلك كل جديد

السبت، 30 نوفمبر، 2013

نصايح من مطبخي لعمل كنافه طريه و متماسكه

نصايح من مطبخي لعمل كنافه طريه و متماسكه
الكنافه مالهاش طريقه هي كنافه و طبقه مكسرات و كنافه اللي حاقوله ليكي نصايح بتنجح معايا دايما الحمد لله الكنافه طول مانا باتبعها
انا باحب الكنافه طريه و في نفس الوقت متماسكه
اول حاجه انا باستعمل زبده مع معلقه كبيره سمن بلدي .. الزبده فيها رطوبه و سوايل بتطري  الكنافه جدا و في نفس الوقت بتاخدي نكهه و ريحه السمن البلدي
لما باحط الكنافه باحط كميه كبيره من السمن و الزبد باسيحها علي النار و اوزعها علي الكنافه .. لصينيه مقاس 24 اقل كميه ممكن احطها اني احط 12 معلقه خليط السمن  و هو سايح علي اول طبقه كنافه و زيهم علي الوش غير الكميه اللي بتدهني بيها الصينيه من تحت ... ما تستخسريش السمن فيها علشان ما تنشفش
بعد ما بتفردي الكنافه علي الوش فوق المكسرات و قبل ما تحطي السمنه ما تساويهاش بايدك جيبي صينيه كبيره و اكبسي بيها الوش كويس .. السطح حيكون متساوي جدا و بسرعه
حطي خليط الزبد و السمن علي الوش و انا باغطيها بفويل و ادخلها الفرن .. الفويل بيحفظ الرطوبه جواها و الوش مش بينشف
انا لما الحروف بتحمر و احسها بتتحرك بسهوله في الصينيه باقلبها علي طبق مسطح او  او علي ضهر صينيه و ارجعها تاني لصينيتها مش باشغل الشوايه .. حتلاقي الناحيتين بعد ما تخلص املسين جدااا بس بالراحه جدا تفلبيها علشان ما تقعش و تتكسر منك
في الاخر لما تخلص باحطها علي طول في طبق التقديم و ارش عليها فسدق و اغطيها بالكلينج فليم ( البلاستيك الشفاف ) لغايه معاد التقديم
و دي الكنافه بتاعتي
و بالهنا و الشفا


عارض اكسسوارات من صنع يدك


بما ان مجال شغل الاكسسوارات من البيت منتشر جدا دلوقت .. حبيت اشارككم بالفكره دي .. عارش لشغلك تقدري تعرضي عليه انتاجك من الاكسسوارات و طبعا ده ممكن ياثر علي طريقه عرضك و مبيعاتك كمان ممكن تعملي منه كذا واحد و تنزلي بيه معارض
كمان ممكن تعمليه للسراحه ديكور حلو لتعليق اكسسواراتك
الطريقه دي اساسا باي كارتون عندك بس انا استعملت الفللين لانه بيدي شكل و ملمس احترافي شويه بس خللي بالك شغله مش سهل لانه ممكن يفرول منك فا لو مش حتعرفي تشتغلي بيه خليكي في الكارتون اسهل و اوفر و ممكن تغطيه بعد كده بقماش قطيفه حيكون تحفهبالنسبه للفلين حتلاقيه في مكتبات هندسه و فنون جميله الرول يعمل 5 او 6 من ده ب 19 جنيه سمك رفيع
نيجي لطريقه الشغل
ده الباترون اطبعيه و قصيه بحجم كبير خللي نصه بحجم ورقه ال البرينتر العاديه و اعملي منها نسخه لليمين و نسخه تانيه كملي بيها الرسم زي الصور


بتحطي الرسم علي الكارتون او الفلين و تقصي او تقطعي الخطوط الخارجيه بالنسبه للخطوط الداخليه انتي بتعملي حز بالكاتر بسسسسس علشات تتني عليه مش بتقطعي و تخللي بالك اوي
 

بتعملي ثقبين عند الطرفين و تربطي الجوانب باستيك او شريط
لو العارض ما اتوزنش معاكي ( علشان انا هنا شديت الاستيك اوي ) وزنته بقطعه مستطيله وزنتها من تحت و لزقتها زي الصوره انتي تقدري تعدلي الميل و الاتزان بالطريقه دي
 

هنا دي الشقوق اللي قلت لك عليها في الفلين و لو انتي مش مخليه بالك ممكن تطلع اضعاف كده بس دي شقوق انا شقاها علشان اتني الجوانب عليها .. دي انا باعالجها علشان مع الوقت اكيد حتشق 
بمسدس الشمع باملي الفراغات دي من قدام و من ورا


لو المعروضات تقيله او الكارتون بتاعك خفيف ممكن تسنديه من ورا كده .. خللي بالك دي طريقه اقتصاديه لعرض شغلك و تصويره مش بلاستيك فلازم معامله حذره و ما تركنيش عليه حاجه ده في الاول و الاخر كارتون
 

 mona saeed

الفكره دي قابلتني علي النت و بما ان بنات و ستات كتير بتشتغل من بيتها في مجال الاكسسوارات حبيت انقل لكم الطريقه بعد ما صورتها و عملتها
لو بتشتغلي  في الاكسسوارات حتكون مفيده جدا انك تعرضي عليها شغلك و تصوريه او انك تنزلي بيها المعارض
كمان حلوه اوي للسراحه علشان العقود ما تتشابكش
الطريقه دي اساسا بالكارتون اي كارتونه تنفع بس انا جبت فلين و اشتغلت بيه و شغله عايز دقه شويه علشان ممكن يفرول منك بس شكله في النهايه حلو لكن من تاني الكارتون او الورق المقوي هو الاساس بس يكون سميك شويه من اي كرتونه عندك و ممككن كمان خطوه اخيره تلصقي قطيفه علي الشغل في النهايه او اي قماش مناسب حيمسكه احسن و شكله حيكون جميل
بالنسبه للفلين حتلاقيه في مكتبات هندسه و فنون جميله الرول يعمل 5 او 6 من ده ب 19 جنيه سمك رفيع
نيجي للادوات و الخطوات
الاول ده الباترون انا جبته من النت و طبعت نصه بطول الورقه العاديه و عملت منها نسخه كملت بيها الرسم زي الصور
- See more at: http://mmlakty.com/%d8%a7%d8%b9%d8%b1%d9%81%d9%8a-%d8%a7%d8%b2%d8%a7%d9%8a-%d8%aa%d8%b9%d9%85%d9%84%d9%8a-%d8%ad%d8%a7%d9%85%d9%84-%d9%84%d8%b9%d8%b1%d8%b6-%d8%a7%d9%84%d8%a7%d9%83%d8%b3%d8%b3%d9%88%d8%a7%d8%b1%d8%a7/#sthash.ox0CsHiA.dpuf
الفكره دي قابلتني علي النت و بما ان بنات و ستات كتير بتشتغل من بيتها في مجال الاكسسوارات حبيت انقل لكم الطريقه بعد ما صورتها و عملتها
لو بتشتغلي  في الاكسسوارات حتكون مفيده جدا انك تعرضي عليها شغلك و تصوريه او انك تنزلي بيها المعارض
كمان حلوه اوي للسراحه علشان العقود ما تتشابكش
الطريقه دي اساسا بالكارتون اي كارتونه تنفع بس انا جبت فلين و اشتغلت بيه و شغله عايز دقه شويه علشان ممكن يفرول منك بس شكله في النهايه حلو لكن من تاني الكارتون او الورق المقوي هو الاساس بس يكون سميك شويه من اي كرتونه عندك و ممككن كمان خطوه اخيره تلصقي قطيفه علي الشغل في النهايه او اي قماش مناسب حيمسكه احسن و شكله حيكون جميل
بالنسبه للفلين حتلاقيه في مكتبات هندسه و فنون جميله الرول يعمل 5 او 6 من ده ب 19 جنيه سمك رفيع
نيجي للادوات و الخطوات
الاول ده الباترون انا جبته من النت و طبعت نصه بطول الورقه العاديه و عملت منها نسخه كملت بيها الرسم زي الصور
- See more at: http://mmlakty.com/%d8%a7%d8%b9%d8%b1%d9%81%d9%8a-%d8%a7%d8%b2%d8%a7%d9%8a-%d8%aa%d8%b9%d9%85%d9%84%d9%8a-%d8%ad%d8%a7%d9%85%d9%84-%d9%84%d8%b9%d8%b1%d8%b6-%d8%a7%d9%84%d8%a7%d9%83%d8%b3%d8%b3%d9%88%d8%a7%d8%b1%d8%a7/#sthash.ox0CsHiA.dpuf

الجمعة، 29 نوفمبر، 2013

5 نصايح مهمه لازم تعرفيها لو الرز بيعجن منك


5نصايح مهمه لازم تعرفيها لو الرز بيعجن منك
لو عندك مشكله ان الرز يكون معاكي الحبه بحبتها شوفي النصايح دي
1- اغسلي الرز كويس جدااا لان الماده النشويه اللي فيه لو ما نزلتش في الغسيل بتنزل في ماء الطبخ و بالتالي بتعجنه فالحل انك تتخلصي منها علي قد ما تقدري بانك تغسليه لحد ما ميه الغسيل تروق
2- احفظي معيار المياه لو مش عارفه تقدريه بالنظر انا حفظت لكل كوب و ربع باضيف زياده ربع كوب ماء انتي اعرفي معيارك و احفظيه
3- خللي الماده الدهنيه عندك فيها جزء من الزيت يعني لو بتحطي سمن خللي نص سمن و نص زيت لان الزيت بيفرفر الحبات جدااا و كمان شوحي الرز في الماده الدهنيه قبل ما تضيفي السائل لانه بيغلف الحبات و يخليها معزوله عن اللي جنبها
4- السائل يكون سخن 
5- قلبي الرز بشوكه و بلاش المعلقه و ما تقلبيش كتير
.جربوا النصايح دي ... و ان شاء الله ما يعجنش منكم تاني
mona saeed - mmlakty

الأربعاء، 27 نوفمبر، 2013

طريقه حتريحك عند غسل الصواني المتسخه جدا


الطريقه دي لسه مكتشفاها جديد و عجبتني و صورتهالكم بالخطوات علشان اللي ما يعرفهاش يجربها
لو عندك صينيه او حله استانلس او الومنيوم او بيريكس و في اثار دهون كتير و بواقي اكل لاصق فيها الطريقه دي حتريحك جدا و اهم حاجه ان اسفنجه المواعين مش بتتوسخ و لا الحوض :

دي صينيه كان فيها دجاج و طبعا دي البواقي انا نقعتها شويه في ميه لغايه ما طريت بواقي الاكل



حتجيبي فويل و تكوريه و ترمي الميه من الصينيه و تبدئي تدعكي بيه زي الصور
حتلاقي كل حاجه بتخرج بسهوله ( الفويل ده كنت مغطيه بيه الصينيه و هي بتستوي  مش قطعاه مخصوص )
لغايه ما تلاقيها كل المواد خرجت و مش حتاخد وقت خالص و انا شيلت المواد دي بمنديل و رميتها في كيس القمامه

و بعدين اشطفيها

اغسليها عادي بالليفه و البريل او الفيري


و دي النتيجه قي ثواني و سهوله و الليفه و الحوض ما فيهمش دهون و لا اي حاجه


ده الحوض


و دي الصينيه


يا رب تكون طريقتي فادتكم :)
mona saeed -  mmlakty.com

بالصور طريقه تعليق البلوفرات بالدولاب للحفاظ علي شكلها

من بيتي مملكتي بالصور طريقه تعليق البلوفرات بالدولاب للحفاظ علي شكلها
طبعا البلوفرات عند تعليقها علي الشماعه خصوصا لو كان البلوفر خفيف و غالي ممكن تعمل علامه عند الاكتاف مكان حد الشماعه
دي طريقه صورتهالكم لتعليق البلوفرات من غير ما تعمل علامات فيها  .. الطريقه سهله جدا و البلوفر مش سهل يقع زي ما ممكن تتخيلي تابعي الخطوات اللي في الصور و جربي الطريقه دي و حتلاحظي الفرق بين الطريقه دي و الطريقه العاديه
بتتني البلوفر بالطول و حطي الشماعه بزاويه زي الصوره
اتني الكم من جهه و جسم البلوفر من الناحيه التانيه عليها


و ده شكلهم في الدولاب منظم و الاهم انك حتحافظي عليهم


افكار لتعليق الصور خلف الكنبه


افكار لتعليق الصور خلف الكنبه
من احدث صيحات الديكور تعليق مجموعه من الصور في الحائط الواحد و طبعا التعليق مش بيكون عشوائي .. دي مجموعه من الافكار و التنسيقات الديكوريه لتعليق الصور خلف الكنبه اهم شيء مراعاه النسب و تنسيق الالوان بين الصور و ديكور الغرفه ككل
اختاري التصميم اللي يناسب فكرتك لديكورك

طريقه مبهجه لتقديم العصائر للاطفال


طريقه مبهجه لتقديم العصائر للاطفال مناسبه جدا للحفلات و الاعياد .. سهله و سريعه و غير مكلفه هنا حتحتاجي الشاليمو طبعا و خرامه الورق ( المقاس عندي بين الفتحه و الشاليمو كان مظبوط تماما ) بالنسبه للورد ده من الفوم .. الفوم عباره عن شيتات في المكتبه الخمس ورقات في حدود 2جنيه و نص  ممكن تشتري شيتات و تقصي الوردات و ده اوفر او تعملي زي مانا عملت دي وردات فوم جاهزه في المكتبات الكيس ده ب 4 جنيه هو طبعا الفوم ده للصق لان وراه استيكر بيتشال بس انا استعملته من غير ما اشيل اللاصق كوردات فوم عاديه


بالخرامه حتعملي ثقب في الورده



و تمرري فيها الشاليمو


و ده الشكل النهائي .. بالنسبه للمفرش ده قماش لف هدايا ال واحد متر في متر و نص تقريبا ب 3 جنيه و نص ممكن تستعمليه مفرش خصوصا ان الرسومات مع الوردات الفوم متناسقه     اتمني يكون الفكره سهله و مفيده و سريعه لحفله ابنك او العيد القادم ان شاء الله تحياتي



من بيتي مملكتي طريقه سريعه لتلميع الذهب


من بيتي مملكتي طريقه سريعه لتلميع الذهب من مكون متوفر عندك في البيت و هو البريل او الصابون السايل 
الطريقه جواهرجي قال لي عليها و نقلتهالكم بالصور هنا في مملكتي
حتحتاجي:
بريل او اي سائل غسيل اواني
-فرشاه اسنان قديمه ناعمه لفرك الدهب
بولتين او انائين صغيرين
ماء دافيء
 

حتقسمي الماء الدافيء علي البولتين و تحطي في واحده قطرتين من سائل البريل


ضعي الذهب في الماء المخلوط بالبريل دقيقه  و بعدين افركيه كويس بالفرشاه خصوصا في الزوايا و الاركان




بعد ما تخلصي اشطفيه بالماء الدافء النظيف


و جففيه بفوطه و دي النتيجه


 الموضوع من بيتي مملكتي

لمحبات الخياطه طريقه عمل لكلوك بيتي

لمحبات الخياطه طريقه عمل لكلوك بيتي  مع الباترون بديكور ارانب و رقبته عاليه زي البوت
انتي اختاري قماش  و خامه تناسبه .. اطبعي الباترون و ظبطيه علي مقاس قدمك القالب و الصقيه علي القماش و قصي و خيطي
و ما تنسيش اهم حاجه نضافه الخياطه و ممكن تركبي له نعل خفيف مطاط  و ده طبعا حيكون احسن كتير لكن مبدئيا ده شكل و تصميم اللكلوك










ملحوظه الموضوع منقول من احد المواقع الروسيه
Design & Decor / Дизайн и Декор

افكار لترتيب اكسسواراتك بالصور


موضوع مميز وجدته علي الانترنت لترتيب الاكسسوارات خصوصا لو عندك كميه كبيره بتتلغبط او  بتتشابك مع بعضها
هنا استخدامات لادوات موجوده في اقسام الادوات المنزليه بس طبعا انتي ممكن تشوفي بدائل مناسبه متوفره عندك زي ما حاقولك و انا باعرض الافكار

ممكن تستبدلي القطع المعدنيه دي بحوامل المجات سواء معدنيه او خشبيه لحمل الاساور و السلاسل



العلب البلاستيك دي منظمات ادراج لو مش متوفره في علب بلاستيك في قسسم علب التلاجه بالمولات حتلاقي كل الاحجام و الاشكال و الالوان و حتلاقي اسعار رخيصه و في علب متقسمه جاهزه للتلاجه ممكن تستعمليها




للقطع الصغيره ممكن تستخدمي الاطباق او الفناجين الصغيره او حامله البيض زي الصوره



ملحوظه الصور و الافكار من الموقع الالكتروني
http://www.perpetuallychic.com

Related Posts Plugin for WordPress, Blogger...