الصفحات

بحث

تنظيم حياتك و بيتك

افكار كثيره ببيتي مملكتى لنظيم بيتك و حياتك لجعلها اسهل لكي و اكثر سعاده و راحه

ترتيب بيتك

افكار و تجارب جديده بالصور و الفيديو لاعاده ترتيب بيتك و تنظيمه لجعله مملكه تسعدين بها و يسعد بها من حولك

ديكور بيتك

لمسات للديكورغير مكلفه و افكار جديده من صنع يدك تضفي لمسه مميزه لمملكتك

لمسات لبيتك

لمسات لبيتك في كل مكان و في كل ركن يجعله المملكه التي كنت دوما تحلمين بها

عزومات و حفلات

تميزي بضيافتك المختلفه و عزوماتك و حفلاتك التى سيستمتع بها ضيوفك فقط .. تابعي موضوعات بيتي مملكتي لنحاول معا جعل بيوتنا مملكه باسهل و اوفر الطرق

ادخلي ايميلك ليصلك كل جديد

الاثنين، 23 ديسمبر، 2013

بالصور خطوات وضع المكياج السموكي


انا شخصيا باحب المكياج السموكي جداا و هنا طريقه وضعه بالصور
اهم النصايح انك تختاري مكياج اسود و يكون درجه سواده حلوه مش بهتانه
يكون نوعيه جيده ثابته للحفاظ علي مظهر حلو  لاطول فتره ممكنه
هنا التركايه الحلوه انها استخدمت سلوتب علي طرف العين زي الصوره علشان تتحكم في توزيع الاسود صح و ما يخرجش عن الحدود
تابعي الخطوات  المصوره

كيف تزيدي معدل الحرق في جسمك للريجيم و فقدان الوزن

9
نصائح لرفع معدل الحرق بالجسم
  1. اهتمي بوجبه الافطار فهي اهم وجبه باليوم و احرصي علي تنوع عناصرها
  2. اشربي  الشاي الاخضر فهي من المشروبات المفيده لزياده سرعه الحرق و حاولي عدم استخدام السكر .. و ممكن تحليه الشاي الاخضر عند الضروره بعسل النحل
  3. شرب الماء البارد يستهلك قدرا من السعرات الحراريه بالجسم فواظبي علي شربه باردا
  4. اهتمي بالغذاء الذي يحتوي علي الكالسيوم و الزنك
  5. احرصي علي رفع عدد الوجبات حوالي 5 وجبات في اليوم باحجام صغيره و خاليه من الدهون ( وجبات صحيه ) بجانب وجبه الغذاء الاساسيه
  6. ابتعدي عن التوتر و القلق
  7. اهتمي بمزاوله الرياضه  فهي من اهم شروط نجاح اي فقدان للوزن بطريقه صحيه
  8. خذي وقتك الكافي من النوم
  9. امتنعي عن المشروبات الغازيه علي قدر المستطاع فهي من اهم مسببات كبر حجم البطن و زياده الوزن

طريقه شي القرع العسلي بالفرن و الميكروويف بالصور

طريقه شي القرع العسلي  او اليقطين بالفرن و الميكروويف بالصور من لؤلؤه 2005
 
حياكم الله
حبيت اعرض عليكم طريقتي لشوي القرع لاستخدامه بالوصفات
والشوي الذ كثيرآ من السلق
هنا استخدمت القرع الطويل وهو يعطي نفس النتيجة للقرع المدور
نقطع بالنصف بعد غسله

نضعه بصينية فرن والافضل نضعه على ورق زبدة او حصيرة الفرن

استخدمت الحصيرة
نضعه بالمقلوب وندخله فرن حار على 200 درجة حوالي ساعة ونصف او حسب حجم القرع
\

نجده نضج وتكرمل واصبح طري ولين جدآ وممكن اكله هكذا مشوي طعمه لذيذ ومعسل


يسهل نزعه من القشر بالملعقة ويبرد ويستخدم كما نريد



هذه طريقة اخرى اسرع بالمكرويف :نقشر ه ونقطعه مكعبات ونضعه بطبق بايركس ونغطيه ببلاستيك فلم مع عمل ثقوب به


  وندخله المكرويف لدقائق ونخرجه ونقلب وندخله مرة اخرى بحسب الكمية التي نستخدمها ولكنها لم تأخذ اكثر من عشر دقائق معي


 
الطريقه من
.

5 اخطاء تجنبيها عند وضع الماسكرا

5
اخطاء تجنبيها عند وضع الماسكرا
  1.  تجنبي وضع طبقات كثيره من الماسكرا لان هذا يكتلها و يجعلها جافه و غير جذابه
    الماسكرا توضع طبقتين فقط
  2. اهتمي بتغطيه جذور الرموش لان هذا يعززها و يجعل الرموش اطول
  3. تجنبي ادخال الفرشاه و تحريكها كثيرا صعودا و هبوطا في علبه الماسكرا لان هذا يزيد فرص دخول الهواء للسائل و بالتالي يساعد علي سرعه جفاف الماسكرا
  4. الماسكرا القديمه تخلصي منها التي تسبب التهابات لعينيك او تكتل واضح للرموش
  5. لا تكوني عنيفه عند وضع الماسكرا .. ضعيها برفق حتي لاتؤذين الجفون
اخيرا اهتمي بشراء ماسكرا ذات نوعيه جيده و فرشاه جيده

انواع فرش المكياج و استخداماتها

انواع فرش المكياج و استخداماتها

طبعا من اسرار الوضع الصحيح و الاحترافي للمكياج هو استخدام الفرشاه المناسبه .. لو عندك مشكله في التعامل مع الفرش تابعي الموضوع ده
صور بتوضح اشكال فرش المكياج و مكان استخدام كل فرشه سواء لظل العيون او البلاشر او باقي مستحضرات التجميل
استخدام الفرش في الاماكن الصحيحه بيضمن توزيع جيد للميك اب



و هنا بالصور اماكن الاستخدام


و دي اهم 5 فرش للحصول علي مكياج مظبوط

ديكور استوديو سكني باللونين الابيض و الاسود

من جديد ديكور شقه صغيره المساحه  ( استوديو ) باللونين الابيض و الاسود
عباره عن مطبخ و حمام و ليفنج بتتفتح من الكنبه مكان النوم
التصميم اوروبي مودرن و الاثاث بسيط و عملي و في نقس الوقت شيك و مناسب للمساحه
السرير بيتفتح من الكنبه و الملابس حتلاقوا مكانها في الرسم الافقي اخر صوره
اتمني تلاقوا فيه فكره او اكتر تناسبكم في نهايه الصور و التصميمات مسقط افقي للشقه .. رسم بالمساحه و تقسيم الغرف








السبت، 21 ديسمبر، 2013

من شاهي .. معلومات عن القوالب السليكون

خلاصة تجربتى مع القوالب السليكون لعمل الكيك


عشان ناس كتير سئلتنى عليها
لازززم تدهن و تطبطن بسمن و دقيق كويس اووى لان لو مش عملنا كدا هتلصق جداا يعنى زيها زى اى قوالب تانية سواء تيفال او الومنيوم فالنقطة دى كلهم واحدة مش فارقة و مفهاش ميزةلازززم تحط صينية تحت القالب السليكون مينفعش يتحط فى الفرن كدا
جوانب الكيك بيطلع لونة حلو اوى انما الكيك من تحت بيتحمص شوية و بيكون غامق
بيتاخد وقت فى السوا عن القوالب العادية و لو فرنك مفهوش مروحة يبقى لازم تعملى حمام بخار مائى فى الفرن يعنى تحطى صنية فيها ماية تحت شبكة الفرن
لازم كل مرة قبل الاستخدام تتغسل كويس جداا بماء ساخن عشان السيلكون بيكون له رائحة ظاهرة ممكن تظهر فى الكيك
من رائى و وجهة نظرى الافضل نستخدم القوالب السيلكون فى عمل الحلويات الباردة لانة فاشل فى الفرن و كمان لو وقع علية شوية من عجينة الكيك غصب عندك و نشفت فى الفرن بيكون
غسلها مقرف جدا

 نصيحه من أسرار المطبخ مع شاهى

ملحوظه : في انواع من السليكون كويسه لكن ده مشاكل شائعه في انواع كتير و عند ناس كتير ... لو حبيتي تشتريها حاولي تشتري انواع حد جربها و نوعها معروف ليكي

لتقليل الصوديوم و الاملاح بالغذاء و معالجه احتباس الماء بالجسم


لتقليل الصوديوم و الاملاح بالغذاء و معالجه احتباس الماء بالجسم
احتباس الماء في الجسم بيظهر اغلب الاوقات في وقت الدوره الشهريه فيعطي الاحساس بالتورم و الانتفاخ و الوزن الزياده علي الميزان ايضا
اذا كان الموضوع ده بيسبب لك مشكله فمن  ضمن الاسباب هو زياده الصوديوم في الجسم والحل انك تسيطري علي كميته في جسمك لانه  بيساعد في زياده احتباس الماء داخل جسمك
راعي الملاحظات دي في اكلك
  • المخللات و الاكلات التي تحتوي علي الكثير من الملح قلليها
  • المعلبات و الاطعمه المحفوظه لا تتناوليها لانها تحتوي علي الملح كماده حافظه
  • قللي نسبه الملح و البهارات في طعامك بصوره عامه
  • ايضا اللحوم المصنعه تحتوي علي نسبه كبيره من الصوديوم
  • اختاري نوعيه الاجبان قليله الدهون و الاملاح
  • قللي من تناول القهوه

علشان توفري في مصروف البيت بجد..8 نصائح من بيتي مملكتي


علشان يكون في بركه في مصروف البيت شوفي الافكار دي :
1- الاستغفار ... تعويد اللسان علي الاستغفار بيفتح ابواب الرزق في المال و الاولاد و الخير
2-الصدقه ... الصدقه مفتاح البركه .. تصدقي بنيه الشكر لربنا علي النعمه و بنيه ان ربنا يبارك لك
3-الدعاء .. ادعي ربنا ( اللهم دمها نعمه و احفظها من الزوال )
دي النقط الروحيه و اللي بجد بتأثر جدا جدا عن تجربه لكن ده ما يمنعش اننا ناخد بالاسباب  و نحاول نصحح عاداتنا الشرائيه
1- اشتري دايما من الاسواق المشهوره باسعارها الرخيصه .. انزلي مره كل اسبوع او اتنين حسب بعد السوق عندك .. اشتري اللحوم و الخضار و خزني اللي تقدري عليه في الفريزر و الباقي في التلاجه و ده موضوع علشان تعرفي ازاي تحفظي الخضار لفترات طويله في الثلاجه
اضغطي هنا
و باقي احتياجات المنزل غير الخضار و الفاكهه اشتريها مره واحده عبوات اقتصاديه من اماكن انتي عارفه انها بتبيع باسعار اقل
2-ما تنزليش تشتري و انتي جعانه ابداااااا و حضري في لسته طلباتك قبل ما تنزلي تشتري و ما تخرجيش عنها الا لحاجه انتي فعلا محتاجاها
3- العروض ما تشتريش الا اللي انتي محتاجاه و الكميه اللي تكفيكي شهر او اتنين بالكتير و لاساسيات البيت لانها من اهم البنود اللي بيضيع فيها مصروف البيت
4-دايما خللي اكلات اقتصاديه في جدول اكلاتك للاسبوع علي الاقل يوم او اتنين  بروتين نباتي  ... جربي و اكيد في اكلات حتعجبكم في البيت اكتر من اكلات اللحوم كمان
5- ما ترميش الاكل ابداااا جمعيه في الفريزر و كل اما يتجمع عندك ما يكفي لغدا اما تاكليه علي اخر الشهر .. و حيوفر مجهود و فلوس و لو مش حتاكلوه ا تصدقي بيه لكن ما ترميهوش

نصائح في التربيه .. كلمات من ذهب

مقتطفات اعجبتني من بحر النت  نقلتها لكم لم اعلم ما قائلها لكن جزاه الله خيرا

نصائح في التربية...

ابتعدوا عن شراء القصير واحرصوا على تربية أطفالكم على الحشمة، فهي وقار المرء وسر تميزه والحصن الحصين له من التردي أخلاقيا

عند سماع الآذان، اطلبوا من أطفالكم الهدوء وترديده، افعلوا ذلك أمامهم، أشعروهم بقداسة كلمات الآذان واشرحوا لهم معانيها
• سلموا على أطفالكم قبل خروجهم في الصباح، اطلبوا منهم أن يقبلوا 0رأسكم، واحضنوهم وقبلوهم، فلذلك انعكاسات إيجابية على سلوكهم
• سلوك أطفالكم وأقوالهم تعبر عن تربيتكم وأخلاقكم وخاصة في
السنوات الأولى فاحرصوا أن لا يسمع أطفالكم منكم إلا المفردات الحسنة
•لا تسمحوا للطفل بالاعتداء على آخر ولا تبرروا ذلك بصغر سنه، فالطفل يميز من الصواب منذ الأشهر الأولى لعمره
• امنعوا أطفالكم من قتل النمل في الشارع، أو رمي الحصى على القطط والعصافير أخبروهم بأنها من خلق الله، لا يجوز إيذائها دون سبب
• ثقوا بأطفالكم، بصدقهم، ببرائتهم، لا تضعوا احتمال الكذب في المقدمة، حتى لا تكونوا سببا في كذبهم

7 نقاط مهمه للحفاظ علي فايده الخضار اثناء الطبخ

عند طبخ الخضار خللي بالك من النقط دي علشان توصلي لاقصي استفاده من الفيتامينات اللي بالخضار
  1. الخضار يتغسل قبل التقطيع لان بعد التقطيع الميه بتسحب منه كميات كبيره من الفيتامينات
  2. ما تبالغيش في سلق الخضار عند طهيه و الاصح الطهي بالبخار
  3. اذا سلقتي الخضار خللي كميه الماء قليله كل ما زادت الميه كل ما اهدرتي فايده الخضار
  4. عند سلق الخضار ضيفي اللي بياخد وقت اطول الاول و اللي بيستوي بسرعه في الاخر علشان كل خضار ياخد كميه التسويه المناسبه ليه فقط ... المدد الطويله علي النار تفقده كل الفيتامينات
  5. السلطه ضيفي ليها الملح في اللحظه الاخيره لانه بيسحب السوايل اللي في الخضار لو تركتيه عليها مده طويله
  6. لما تقطعيه كل ماكانت القطع كبيره كل ما احتفظ بفايدته الغذائيه
  7. قلي الخضار خليه اخر اختياراتك لانه غير صحي و غير مفيد و دايما استعملي زيت القلي مره او اتنين و اول ما لونه يتغير او تحسيه طلع دخان اثناء القلي غيريه بزيت جديد
بيتي مملكتي

بعض مشاكل الكيك المنتشره و حلولها :


المشكله الاولي : الكيك شكله غريب و مش مستوي
- ممكن تكوني ما وزعتيش الماده الرافعه كويس ( البيكنج بودر) حلها انك تنخليه مع الدقيق كويس و من اسرار الكيك الناجح انك تنخلي الدقيق مرتين من ناحيه بيوزع البيكنج بودر كويس و من ناحيه تانيه كميه الهوا في الدقيق بتكون اكتر فا حتترفع معاكي احسن
-
الاحتمال التاني ان الفرن الحراره فيه مش متوزعه كويس في اجزاء بتتعرض لحراره اعلي من اجزاء .. حلها بعد نص المده تقريبا لفي الصينيه علشان تكون كل الاجزاء اتعرضت لنفس الحراره
طبعا الموضوع تخلصيه بسرعه علشان حراره الفرن من تهربش و لفي الصينيه بالراحه ما تهزيهاش جامد علشان ما تهبطش منك

المشكله التانيه : الكيك ناشف
الاحتمالات:
ممكن المواد المرطبه قليله بالنسبه للمقادير الصحيحه
نسبه الدقيق و المواد الجافه كثيره بالنسبه للمقادير الصحيحه
الفرن حرارته عاليه جدا فتبخرت الرطوبه من الكيك
الحل : اعتمدي مقادير كيك صحيحه .. و اظبطي حراره الفرن
الكيك تتفتت : المشكله الثالثه
عكس السابق : المواد الدهنيه مثل الزبد او الزيت اكثر من المعطلوب
او الدقيق اقل من المعيار الصحيح
المشكله الرابعه الكيك تهبط اول ما تخرج من الفرنممكن نوع الدقيق مش كويس او المقادير مش مظبوطه او الشائع اكتر ان البيكنج بودر اكثر من الكميه الصحيحه فارتفعت الكيك اعلي من الطبيعي بكثير و اول ما خرجت بيرجع كل شيء لطبيعته.
  الحل : تأكدي من المعايير الصحيحه .. و نوعيه الدقيق
و ممكن في حيله بتنفع احيانا لو المشكله عندك دايمه التكرار انك بعد ما تخلصي اطفي الفرن و افتحي الباب و سيبي الكيك تبرد علي الشبكه
ما تخرجيهاش من حراره عاليه لحراره بارده فجأه و تعمل صدمه لهيكل و جسم الكيك
بيتي مملكتي

الأربعاء، 18 ديسمبر، 2013

طريقتي لكي سهل و ملابس معطره بالصور

طريقتي لكي سهل و ملابس معطره بالصور
المعلومه و الطريقه دي اعرفها من زمان و فعلا بتفرق معاكي في المكواه كتير
انتي طبعا عندك بخاخ ميه بترشي بيه علي الملابس قبل ما تكويها و طبعا دي من اساسيات الكوي
بتجيبي اي منعم ملابس ( داوني - كمفورت - .... ) زي ما تحبي و الرائحه اللي بتفضليها
حتضيفي حولي ثمن الغطاء (8/1 ) في البخاخه من المنعم
و تكملي الباقي ميه
و بسسسس


هي دي الميه اللي حترشيها علي الهدوم قبل ما تكويها وما ترشيش كتير و النتيجه كي سريع و رائحه منعشه للملابس


جربوها

فكره للحفاظ علي صندوق القمامه بالمطبخ نظيف


فكره للحفاظ علي صندوق القمامه بالمطبخ نظيف
الفكره دي اغلبنا يعرفها لكن في ناس ما تعرفهاش حبيت انزلها رغم بساطتها لانها فعلا بتحافظ علي سله المهملات بالمطبخ نظيفه خصوصا انك ممكن ترمي حاجات فيها و تتسرب من الكيس للصندوق و طبعا بيكون تنظيفه صعب و عبء مالوش اي لازمه
الفكره انك بعد ما تغسلي الصندوق تتني ورقه كارتون و تحطيها فيه و فوقها اي جورنال عندك (تأكدي انه ما فيهوش ايات قرانيه  و ممكن تستخدمي اي ورق كراسات عندك انا اللي حطيته ورق اعلانات ما فيهوش قران او اسماء ) حطي تلات او اربع ورقات و اتنيهم و حطيهم علي الكارتون
لما بيحصل و الكيس يسرب التسريب بيقع علي الورق و يمتصه تقدري ترفعيه بسهوله و ترميه و تغيريه
و غالبا مش بيوصل للكارتون



تلميع الحوض الاستانليس

لو عندك نص ليمونه زياده من بواقي طبخ اليوم اللي فات ممكن تستغليها في انك تعيدي لمعه الحوض الاستانليس و تشيلي منه اي اصفرار او تغيير او تعتيم في لونه
دي الطريقه اللي انا باستعملها كل فتره
بتغسلي الحوض عادي
و تضيفي رشه بيكربونات الصوديوم
و تعصري نص الليمونه عليها و تدعكي بيها كويس في حركات دائريه
و لما تخلصي تشطفي علي طول

طريقه لغسل الزجاجات لو ما عندكيش الفرشاه المخصوصه

الطريقه دي سهله و سريعه لغسل الزجاجات و الفازات من اي شيئ جواها لو احتجتي تغسليها و مش عندك الفرشاه المخصوصه لغسل الزجاجات
حتحتاجي ميه و شويه بريل و حوالي معلقه ارز ني
بتضيفي الميه داخل الزجاجه و عليها نقطه او اتنين سائل غسيل اطباق و معلقه ارز  ني و تقفليها و تبدأي ترجيها كويس
الرز بيحك في الجوانب و بيعمل زي الفرشاه بالضبط
و لما تخلصي تشطفيها عادي بالميه
و حتلاقي الفازه او الزجاجه نضيفه جدا من غير مجهود

كل ما تريدين معرفته عن ريجيم اللقيمات

كل ما تريدين معرفته عن ريجيم اللقيمات


من اشهر و اسهل و انجح نظم التخسيس حاليا هو نظام اللقيمات .. جمعت لك معلومات عنه و ازاي تطبقيه من تجارب ناجحه للتخسيس بس محتاج صبر و مداومه
اللقيمات هو النظام النبوى اللى وصانا بيه رسول الله صلى الله عليه وسلم ده اللي اتبني عليه نظام التخسيس  .. لو خليتي النيه جنب انك تخسي انك تتبعي سنه ده حيزيدك اجر جنب النتيجه اللي انتي عايزاها ان شاءالله والحديث المشهور عن الرسول صل الله عليه وسلم
يقول صلى الله عليه وسلم (ما ملأ ابن آدم وعاءً شراً من بطنه.بحسب ابن آدم لقيمات يقمن صلبه،فإن كان لا بد فاعلاً فثلث لطعامه وثلث لشرابه وثلث لنفسه رواه الترمذي
المفروض ان ده نظام اكلنا في المعتاد و مع الوقت المعده بتتعود علي النظام ده و بيكون ده اسلوبك في الاكل و طبعا ده بيحافظ علي وزنك بعد كده
ريجيم اللقيمات مش بيحدد نوع الاكل الاساس هنا كميه الاكل زي ما مذكور في الحديث الشريف مع بعض النصايح البسيطه اللي حتشوفيها دلوقت
  في اليوم ليكي 5 لقيمات ووجبه اساسيه اللقيمات هي اي نوع اكل في حجم تلت الكف ( اللي هو يكافئ تلت حجم المعده تقريبا )
الامثله : تفاحه - موزه - خياره - برتقاله ... ربع رغيف بقطعه جبن -  قطعه كيك - اي مخبوزات تحبيها المهم تكون بحجم تلت الكف - زبادي
ممكن كوب مشروبات زي اي نوع عصير .. شاي بلبن المهم يكون مشروب مضاف له سكر او حليب مشروب ساده زي الشاي بس من غير سكر لا يحسب  بعض الاقوال بتقول عن تجربه انها ممكن تاخد نص قطعه مارس او سنيكرز او شوكولاته باونتي كلقيمه ... ده يرجع لك بالنسبه للوجبه الرئيسيه : بتتكون من 3 عناصر مهمه :
طبق سلطه متوسط عليه ملعقه زيت زيتون
طبق الغذاء الرئيسي 3 اقسام اول قسم 5 ملاعق نشويات ( ارز - مكرونه - خبز ربع رغيف - بطاطس ) تاني جزء قطعه بروتين بحجم تلت الكف ( ربع فرخه من غير جلد  - سمكه - قطعتين لحم احمر - 2 بيضه) القسم التالت الخضار لو مطبوخ معلقتين بس
تالت طبق بيه قطعه حلويات بحجم علبه الكبريت ( شكولاته - جلاش - كنافه
ملحوظه :
الكميات المذكورة هي لوزن اقل من 90 كيلو .

- والوزن من 90 الى 150 كيلو يتناول مرة ونصف الكميات السابقة .

- والوزن اكثر من 150 كيلو يتناول ضعف الكميات السابقة .
مع ملاحظة ان الاوزان الكبيرة المذكورة والمضاعف لها كمية الوجبة السابقة عندما تنحف ويقل الوزن يتم تقليل الكمية للمستوى الاقل .

جدول اليوم بيكون كالتالي :
الصبح :
2كوب ماء علي الريق و ممكن بعد نص ساعه تلعبي رياضه سريعه في البيت و ليكي الصبح 2 لقيمه
 تصحى الصبح تاخدى كوبايتين مايه عالريق وممكن تلعبى شويه رياضه او اى حاجه فى البيت سريعه يعنى نص ساعه كده بعد المايه وبعدين الصبح مسموح ليكى الصبح بس 2 لقيمه شوفتو الكرم بئا
يعني ممكن تاخدي مشروب و للقيمه ممكن شاي بلبن و معاه ربع رغيف مع جبن او بيضه بعد ساعتين لتلاته اشربي كوب ماء و بعد شويه لقيمه
بعد ساعتين لتلاته الوجبه الرئيسيه او لقيمه حسب جدولك انتي اليومي و حسب معاد غداكي و هكذا
المهم قبل الوجبه الاساسيه تاكلي 3 لوزات و امضغيهم كويس و بعد نص ساعه تاكلي تلاته تانيين  و تكرري 4 مرات يكون المجموع 12 حبه لوز بعد نص ساعه تاكلي الوجبه الاساسيه ( دول اللي بيلعبوا علي منطقه الشبع في المعده )
المهم اوي اوي انك من وقت ما تاكلي اللوز ما تشربيش ميه خالص لحد معاد الغدا ليكي خلال اليوم 5 لقيمات ووجبه رئيسيه انتي اختاري معاد الوجبه الرئيسيه فيهم براحتك و اختاري تاكلي ايه في كل واحده من اكل البيت اسئله شائعه :
معاد شرب الماء ؟

قبل اللقيمات او قبل اكل اللوز
بعد اللقيمه و بعد الوجبه الرئيسيه بنص ساعه مش قبل كده
ممكن تستبدلي اللوز باي نوع مكسرات تاني ؟
تستبدليه بالفول السوداني ( بدل 3 لوزات يكون 5 حبات فول سوداني ) بس لو ما عندكيش الغي النقطه دي بس دي مهمه لانها بتقلل احساساك بالجوع و تسرع احساسك بالشبع فطبعا الوجبه كميتها بتقل يعني ايه البنفسجيات و ايه اهميتها ؟
البنفسجيات انواع من الخضار و الفاكهه زي القراصيا و الرمان و الفراوله و الكرنب البنفسجي و التوت و الزبيب الغامق ز البذنجان و العنب الاسود
ضروره جدا لفقدان الوزن و لازم اللقيمات تتضمنها ده غير انها من مضادات الاكسده و مهمه جدا للجسم ( تبعا لكلام الدكتور الهاشمي ) الحلويات مهمه في التخسيس ؟
جدااا القطعه الصغيره اللي انتي بتاخديها في الغدا بتلبي من خلالها احتياجات جسمك فا مش حيحس انه داخل علي مجاعه لانه لو حس بكده معدل الحرق بيقل جدااا و ده اللي بنسمعه ان حد عامل ريجيم و حارم نفسه و الوزن مش بينزل .... ليا قد ايه في اليوم سكر ؟
ليكي في اليوم 3 ملاعق سكر توزعيهم زي مانتي حابه ممكن تاكلي مكرونه بشاميل و محشي و بيتزا ؟ في الوجبه الرئيسيه ؟
ممكن بس قطعه واحده مكرونه او شريحه واحده بيتزا  و المهم طبعا السلطه جنبها
 المحشي ممكن 5 صوابع مثلا و معاهم قطعه دجاج و سلطه
المهم برضه تشربي ميه كتيييييييييير ده من اساسيات اي ريجيم
النظام ده بيقولك تاكلي اي حاجه و كل حاجه بس ده ما يمنعش انتي من نفسك تقللي الدهون في الطبخ .. تستعملي التيفال علشان الدهون تقل .. تقللي المقليات ده غير انه للريجيم ده صحي ليكي اكتر و صحي لبيتك و اولادك
  الموضوع انا جمعته من كذا تجربه ناجحه للتخسيس بنظام اللقيمات في حدود 5 كيلو في الشهر
الروابط
http://forum.hawaaworld.com/showthread.php?t=3872178

الخميس، 5 ديسمبر، 2013

علبه مناديل و باسكيت من صنع يدك للديكور

علبه مناديل و باسكيت من صنع يدك للديكور


من فتره عملت علبه المناديل دي

 
و انهارده حبيت اكمل الطقم  بسله المهملات او الباسكيت بما ان الورق لسه فاضل منه كميه كبيره و اشتريت باسكيت بلاستيك علشان اشتغل عليه .. الباسكيت من محل الخردوات ب 3.5 جنيه
الاول ده رابط شرح علبه المناديل علشان فيه تفاصيل حتساعدك في الموضوع ده
علبه مناديل من صنع يدك - اضغطي هنا
حتحتاجي للباسكيت او الصندوق نفس الادوات :
باسكيت بلاستيك - ورق او قماش للتغليف - غرا ابيض - مسدس شمع - ورد و قطان للتزيين





علشان تغلفي صندوق او باسكت بيضاوي ما ينفعش قطعه مستطيله لازم تعملي الحكايه دي تحطيه بالورب و تلفيه و تقصي علي مسافه سنتي او 2 سنتي من فوق و من تحت لان الشكل بيكون دوران من الناحيه اللي فوق و اللي تحت في القماش علشان يظبط معاكي لو قطعتي مستطيل مش حييجي


بتدهني الصندوق غرا ابيض بالفرشاه و تلزقي القماش او الورق
و تشيلي الزيادات من الجوانب
الغرا علي البلاستيك احسن من مسدس الشمع الجزء اللي  انا عملته شمع ماكانش ناعم .. الورق علي البلاستيك عمل بروزات لكن الغرا بيكون طبقه واحده ملساء
بتيجي عند الاطراف و تتنيها لجوه ممكن تعملي الطريقه دي من تحت بتاخدي قصات زي اخر صوره في المجموعه دي بتسهل لك التني لجوه علشان ما يكلكعش معاكي الورق لو حسيتي انه ممكن يتقطع


و تتني الاطراف انا من فوق تنيتها علي طول


حتزينيها بالقطان و الورود زي ما في موضوع علبه المناديل بالضبط
علبه مناديل من صنع يدك - اضغطي هنا
قبل ما تشوفي النتيجه دي علبه بلاستيك لفرش الاسنان انا جبتها و غلفتها بنفس الطريقه و استخدمتها لادوات المكياج و كمان فاضل من الورق الموف يكفي برواز صور لو حبيتي تعمليه


و دي النتيجه

ملحوظه : الروابط حتنقلك لموقعنا الجديد 
mmlakty.com - mona saeed

Related Posts Plugin for WordPress, Blogger...