الصفحات

بحث

ادخلي ايميلك ليصلك كل جديد

الأربعاء، 22 يناير، 2014

أسرار نجاح محشى ورق العنب


أسرار نجاح محشى ورق العنب
________________________علشان يطلع معاكي محشي ورق العنب مظبوط شوفي النصائح دي

  1. ما تسلقيش ورق العنب جامد اسلقيه نص سلقه في ميه بملح علشان ما يتهريش منك
  2. في اللف خللي الضهر الخشن هو اللي لفوق و تحطي عليه الحشوه و الوش الناعم لتحت
  3. حطي الحشوه كويس و لفي الورقه زي الصوره اللي تحت .. وسطني الحشوه و ما تكتريش و افرديها علي الورقه ما تكوميهاش في النص
  4. خللي نفس كميه الرز في كل ورقه علشان يطلع معاكي نفس الحجم
  5. خللي في قعر الحله قبل ما ترصي الورق ترانشات بصل او بطاطس او عقود الورق او زي ما باعمل افردي ورقتين تلاته علشان تحمي الصفوف انها تلزق او تتلسع منك في الحله
  6. رصي الورق اما علي شكل دائري او حلزوني و اما انك تعمليه صفوف صق بالرص فيه الحبات بالعرض و الصف اللي فوقه اعكسي اتجاه الرص و خليه بالطول
  7.  ضيفي في الحشوه عصره ليمون و رشه بهارات بتخللي الريحه و الطعم لا يقاوم و ممكن تدوقي الحشوه علي طرف لسانك علشان تتأكدي انها مظبوطه
  8. بالنسبه للخلطه ما تخليش فيها سوايل ياما و صفي الرز من السوائل علشان ما يعجنش منك و خللي الميه علي جنب زوديها علي عيار الشوربه ساعه اما تسويه
  9. اما تسوي المحشي بعد ما ترصيه و تحطي الشوربه حطي طبق مقلوب بيتحمل الحراره علشان يثبت الورقات مكانها و ما تتفتحش مع اول غليان للشوربه
  10. اول ما يغلي الشوربه وطي النار خالص و سيبيها تستوي بالراحه
  11. اول ما يستوي ضيفي عصره ليمون علي الوش بتقوي الطعم و تحافظ علي لون الورق ما يسودش منك
بالهنا والشفا
و دي صوره توضيحيه ازاي تلفي محشي ورق العنب

0 التعليقات :

إرسال تعليق

Related Posts Plugin for WordPress, Blogger...