الصفحات

بحث

ادخلي ايميلك ليصلك كل جديد

الأربعاء، 22 يناير 2014

امتي تعاقبي ابنك و ازاي تعاقبيه


امتي تعاقبي ابنك و ازاي تعاقبيه مقال مهم يستحق القراءه
السعادة و أخطاء الطفل ... هل يلتقيان ؟
وقوع الاطفال فى اخطاء أمر حتمى لابد منه
و قد نلجأ الى العقاب فى بعض الاحيان بسبب تكرر الخطأ و اصراره عليه
و لابد ان يكون رد فعلك متدرج
يعنى اول مرة هنعديها و نطنشها
تانى مرة هنلفت النظر بحب و برفق
ثالث مرة هنتكلم بشوية حزم و نقنع الطفل ان دا غلط و نسمع منه ليه هو بيعمل كدة
رابع مرة ممكن نلجأ للعقاب
و العقاب ليس معناه الايذاء النفسى او البدنى للطفل ...
الايذاء يولد الكراهية
و قد يولد ردود الافعال العنيدة
أو البلادة و اللامبالاة مع الوقت ...
الاهانة و الصراخ و الشتيمة و الضرب و كل الوسائل دى غير مجدية الا لمن تعود عليها للاسف
العقاب معناه ان توصل للطفل مفهوم ..ان ارتكاب الاخطاء لابد له من نتائج سلبية ...سواء نتائج مادية او معنوية
هناك انواع كثيرة من العقوبات ..و افضلها ان تكون العقوبة من جنس العمل
أو تناسب ما سيحدث له مستقبلا لو استمر فى الخطأ
على سبيل المثال :
عدم مراعاة آداب الكلام ...الخصام و الهجر لفترة ما
تكسير او ضياع حاجاته باهمال منه ...عدم شراء غيرها حتى يشعر بقيمتها
تقصيره فى المذاكره ..حرمانه من اللعب و اوقات الترفيه
حدد لكل خطأ يرتكبه الطفل عقوبته المحددة ...و اتفق معه عليها ان تكرر الخطأ فسيحدث ذلك
ان هذا يقلل من حدة توترك عند ارتكابه الخطأ و لجوءك الى الصراخ و الضرب
العقوبة كى تكون فعالة لابد ان تكون بحزم ..لكن بحب
الامهات تقول بينفذ العقوبة و لا همه ...طب و انت عايزاه ليه يعيط و يبكى ؟
انت عايزة تنتقمى منه و تنتقمى لكرامتك انه مش بيسمع كلامك ...
و الا عايزاه يعرف ان كل تقصير او خطأ لابد له من عواقب و لابد ان يتحمل تبعاته ؟؟
مهم جدا ان يفهم الطفل انك لاتعاقبه انتقاما و كرها ...بل تعاقبه بحب
و الاجمل ان يشعر ابنك انك تعاقبه ...لانك تحبه
فان وصل اليه هذا الاحساس ..كانت العقوبة مثمرة و فى نفس الوقت هتكون سعيدة

المقال من  د دعاء راجح

0 التعليقات :

إرسال تعليق

Related Posts Plugin for WordPress, Blogger...