الصفحات

بحث

ادخلي ايميلك ليصلك كل جديد

الأحد، 2 فبراير 2014

افكار غير مكلفه لاجازه نصف العام


في الفتره الاخيره كلنا بنعاني من ارتفاع الاسعار و في نفس الوقت من حق اولادنا انهم يتفسحوا و يستمتعوا بوقتهم في نصف العام
دي مجموعه من الافكار لاجازه نصف العام غير مكلفه
الاول مقترحات عامه للخروجات :
مراكز الشباب في منها مراكز علي مستوي جيد تقدري تاخدي اولادك لتقضيه وقت ممتع هناك
المكتبات العامه و معرض الكتاب ... مهم جدا انك تنمي حب الطفل للكتاب
المناطق الاثريه زي الهرم او البيوت الاثريه و مثلا القلعه لسكان الاسكندريه
الحدائق العامه زي حديقه الازهر في القاهره و المنتزه بالاسكندريه .... يوم كامل ممتع و رحله خلويه حضريلها ليوم مميز
بالنسبه للمطاعم ... انتي ممكن تبتكري وصفات مختلفه و حضريها في البيت زي البيتزا و المشاوي و الكريب و غيرها .... بطريقه تقديم مميزه و مكونات كويسه تقدري تبهجي اولادك و تبهريهم بكذا عشوه او غدوه حتعجبهم
اضغطي هنا لوصفات مطاعم
ما تنسيش في كل خروجه خللي معاكي في الشنطه الميه و ساندويتشات لتقليل تكلفه طلب شراء المياه و الطعام من الخارج
في الاجازه شوفي هوايه اولادك لو القرايه اشتريلهم مجموعه كتب او اصطحبيهم لمعرض الكتاب
لو بيحبوا الرسم حضري ليهم مجموعه الوان جديده و كراس رسم جديده
الاطفال بتحب اللعب مش لازم لعبه غاليه ممكن حاجه ب 10 جنيه تسعدهم اكتر من حاجات غاليه كتير المهم تعرفي هما بيحبوا ايه و بيميلوا لايه
و في الاخر حضري ميزانيتك و استعلمي عن طريق النت باحلي و اوفر الاماكن لقضاء الاجازه و بالتليفون تقدري تتصلي بالاماكن نفسها و تستعلمي عن اللي انتي عايزاه
و ما تنسيش اهم حاجه احساس ابنك و بنتك انك مهتمه بيهم و احساسهم بالحب من ابويهم لفظيا و معنويا يفرق كتييير اوي في مودهم و في جو الاجازه حاولوا تقضوا وقت كتير مع بعض و لو في البيت و سهره حلوه بالبيت فيها الضحكه و الحب و الدلع لاولادك
و اجازه سعيده

0 التعليقات :

إرسال تعليق

Related Posts Plugin for WordPress, Blogger...