الصفحات

بحث

ادخلي ايميلك ليصلك كل جديد

الأربعاء، 12 مارس، 2014

نصيحه عند شراء اواني الطهي من شاهي


العرايس الحلوين اللى بيجهزوا و دايما ديما بيبعتوا يسئلونى اسئلة بخصوص الحلل الصوانى و اية احسن نوع واجيب اية و مجبش اية
انا هقولكم يا قمرات المختصر المفيد من الاخر عشان متوجعيش قلبك من التفكير
يلا بينا
بالنسبة للحلل اولا على حسب مقدرتك و الميزانية بتاعتك تمام مفيش حاجة اسمها النوع دا احسن حاجة حتى لو كان غالى لازم اجيبو لالا زى ما قولتلكم كل واحدة حسب امكانيتها مش معنى انك جبتى ماركة مش غالية يبقى انتى اقل من غيرك اوعى تفكرى كدا ابداا دى كلها ماركات و اسامى و فى الاخر كله زى بعض

و هقولكم الاحسن بالترتيب استالس (زهران_الاهرام_ كريكوماز التركى)
السيراميك (بدرينى الايطالى_نيوفلام الكورى)
التيفال ( سفلون التركى_زهران_نوفال_الاهرام)
وفى طبعا الالومنيوم زهران و الاهرام زى بعض

طبعا انا قولتلكم كل الانواع عشان انتى تروحى تسئلى ع الاسعار بتاعت الماركات دى تشوفى اية اللى سعرها يناسبك سواء كان استالس او تيفال او سيراميك او الومنيوم

بالنسبة لصوانى الفرن و قوالب الكيك و صوانى البيتزا انتى محتاجة الاتى 3مقاس من صوانى البيتزا و دى كمان بتنفع فى المخبزوات و البسكويت

 3 مقاسات صوانى او قوالب اشكال للكيك زى ما تحبى بقى تيفال الومنيوم زى ما تحبى و حسب امكانياتك بس نصيحة للكيك و المخبزوات هاتى الومنيوم و انا بقولك عن واقع خبرتى فى مجال الحلويات 

و ممكن تجيبتى طقم بيركس للفرن حرارى يعنى فى علبة كبيرة كدا بيكون فيها 2صينية و 2 حلة تقريبا دا ممتازة و عملية و هتكفيى مش هتحاتجى بيركس تانى الا بقى لو صينية كبيرة للعزايم مثلا



0 التعليقات :

إرسال تعليق

Related Posts Plugin for WordPress, Blogger...