الصفحات

بحث

ادخلي ايميلك ليصلك كل جديد

الاثنين، 17 مارس، 2014

قبل قرار الزواج اقرأي هذه الخواطر

اللى بتبص على المتجوزة.إنها نفدت بجلدها من بيت العائلة ..او.إنها حصلت على الحياة الحالمة المثالية….ماخبرتك عن الحياة الزوجية؟؟؟؟؟..

الجواز مش خطوبة طول العمر…ولا فستان وطرحة واغنية سلو…ولا معازيم بتضحك فى وشك طول حياتك…مش كلام غرامى فى التليفون طول الاوقات…ولا خصام تهربى منه بإنك.تقفلى تليفونك وحساب الفيس بوك.وتعملى بلوك للواتس…الجواز مش إنسان هيفضل طول حياته معاكى بالبدلة والكرافت …ولا صورة فى المجلات لأم حامل وزوجها حاطط ودنه على بطنها يسمع البيبى…ولا ألبوم صور بس للذكريات الحلوة فى حياتنا…

فى لحظات كتيير فيه غير قابلة للنسيان وغير قابلة إننا نخلدها فى صور…لحظة غضب..لحظة حزن…لحظة عشم وإتخذلت..لحظة توتر..لحظة تعب…لحظة وحدة…وكتيييير لحظات لازم تعرفى تخرجى منها من غير ماتعتمدى على حد يخرجك..

الجواز مش وصفة حلوة هجربها ولو.باظت هرميها..مش فستان عاجبنى وبعد فترة هزهق منه واعزله عن لبسى كله…ولا هو فسحة حلوة هحققها فى كل الاوقات….مش بصدمك ولا بحبطك..بالعكس..كتيير اوى إتجوزوا من منطلق إنه المنقذ الوحيد وإنه الراحة الأبدية ودول اكثرهم صدمة…لأنهم إعتمدو على فكرة الجواز اكتر من اختيار الزوج نفسه…

الجواز مش كلمة اهلك (عايزين نفرح بيكى)…ولا إنك تقرصى صاحبتك فتنعمى فى حياة اسرية سعيدة….مش عصاية سحرية هتمحى كل مخاوفك…تقدرى تطبطبى وسط ألامك؟؟…هتقدرى تتحملى إنسان بكل طباعه اليومية؟؟؟؟…تحافظى على كيانك وسط مسئولياتك اللى هتكون؟؟؟..تتعاملى مع لحظة عصبية ..مع لحظة برود…مع لحظة.تكونى فيها السند وبس؟؟؟

إنك تكونى سكن مش مجرد كلمة ..السكن محتاج اساس محتاج إختيار من الاول له قواعد واسس ومعرفة بفن بناء الاسرة والحياة…الجواز عمر هتعيشيه قد عمرك اللى راح واكتر…

واللى هتتجوز من مبدأ ضل راجل ولا ضل حيطة…متنظريش إن حد يكرمك طالما إنتى مقدرتيش إختيارك…كتييير عندهم بيت…لكن قليل اللى عندهم مملكة..والضل فى عز البرد جفا .إختارى الدفا قبل الفستان:)

من 


0 التعليقات :

إرسال تعليق

Related Posts Plugin for WordPress, Blogger...