الصفحات

بحث

ادخلي ايميلك ليصلك كل جديد

الخميس، 10 أبريل، 2014

كيف تدربين الطفل علي دخول الحمام

العديد من الأمهات ارسلوا لى عن استشارة التدريب على دخول الحمام
Training Toilet


خلينا نمسكها واحده واحده من حيث الأهمية والأخطاء اللى الامهات بتقع فيها وطريقة التدريب نفسها

أولا أهميه هذه المرحلة :
الفترة دي بتكون حساسة جدا جدا للطفل واذا مرت بسلام تكسبه الثقة بالنفس والاستقلالية …

تعاملي مع هذه المرحلة على انها فتره مهمه جدا في حياة طفلك بل وتحول جذري في حياته …تحتاج إلى صبرك وحكمتك فى التعامل معها …

وان لم تتم بسلام وآمان تسبب للطفل مشاكل عديدة منها التبول اللاارادي والخوف وفقد الثقة بالنفس وعدم التحكم في نفسه .

أخطاء يقع فيها الأمهات :

البدء مبكرا مع الطفل رغم ان سنه قد لا يسمح بذلك نتيجة عدم إدراكه للأمور أو التحكم الكامل بعضلاته …
فيوجد العديد من الامهات من يبدأ في سن العام و او سن العام ونصف .. رغم ان أغلب الأبحاث أثبتت أن السن المناسب هو من سنتين ونصف ال 3 سنين ( وهذه هي الفكرة العامة قد يبدي أطفال استعدادهم قبل ذلك أو بعد ذلك )..

وذلك لضمان التحكم الكامل في عضلاته ووعيه بهذا الموضوع….
وأيضا يجب مراعاة ان الأولاد يتاخرون عن البنات ..
حيث معظم البنات تنضج مبكرا عن الأولاد.
. البنت أيضا ساعات بتدرك اسرع مش بس عشان فكره النضج المبكر عن الأولاد وانما فكرة المطابقة ان الأم انثي زيها …
فيفضل عند تعليم الأولاد ان يشارك الاب ولو بقليل من التشجيع وشرح الموضوع
فأرجو مراعاة ذلك .

لماذا تلجأ الأم الى التدريب مبكرا:
——————————
ضغوط المجتمع من حولها يعنى مثلا تسمع جمل يوميا مثل ” ايه ده انتى لسه مش دربيته ده اتاخر اوى ” ” معقول لسه بيلبس بامبرز ” ” غلط اللى بتعمليه ده ”
كل ده مش حيفيدك لان حتبتدي بدري وحتتعرضي الى فشل للمحاولات وللاسف
ستنسبي هذا الفشل الى طفلك اللى ملهوش اى ذنب غير ” انك ابتديتي بدري ولم تحترمي سنه ومرحلة نضوجه ”
حاولي عدم مقارنة طفلك بالآخرين وراع الفروق الفردية يعنى كل طفل له سماته وخصائصه ..
فمتقوليش فلان اتدرب في وقت اقل هو ده ليه اتاخر وهكذا.

اأوقات غير مناسبة ::
———————
أحيانا تختار الأم أوقات ستصعب وتؤخر من التدريب ..
فأرجو تجنب الأوقات التالية:
تعرض الطفل لمرض ما لا قدر الله
قدوم طفل جديدنزاعات عائلية او ظروف طلاق
الشتاء القارص لأنه لا يستطيع التحكم بنفسه من البرد أحيانا..

طيب ايه الخطوات الصحيحة لكي تمر المرحلة بسلام :
الصبر
اصبري حتى العمر المناسب عشان انتى متتعصبيش على طفلك وترجعي تندمي انك زعقتيله او ضربيته ..
التمهيد

مهدي لطفلك الفكرة عن طريق :
ربط فكرة البامبرز بشء سيء مثل الرائحة الكريهة مثلا ” ياااه بص ريحتها وحشه بكره حبيبى يقلعه ويعمل لوحده ”
عوديه على كلمات معينه حتى لو بيعمل فى بامبرز ” عملت بي ولا بو” ( حسب كلماتك ) عشان لما يبتدي يعبر عنها لما يعمل .
.دي بتكون اشاره انه ابتدى يدرك الموضوع
اشركيه معكي فى اختيار البوتي المناسبة له … يعنى ينزل معاكي ويختار شكل لطيف يختاره …
صوريه فيديو وهو قاعد على البوتي واعرضي عليه الفيديو كنوع من انجازاته وكبري الموضع بقى ” ياااه بص حبيبى قعد على البوتي ازاى برافووو ”
شغليله اغاني وفيديوهات عن تدريب الحمام ودي متوفره جدا على اليوتيوب  ..
اشرحيله انك كماما وبابا بيتعملوا كده ونقلع هدومنا ازاى وهكذا
متقلعهوش البامبرز مره واحدة … عوديه الأول على حب الجلوس في البوتي .. يعنى مثلا تقوليله بحماس ” مين حيقعد على البوتي وياخد ستيكرز ” بحيث يكون الجلوس على البوتي ده عاده من روتينه اليومي .
مثلي ادامه باى دب او عروسه بيحبها كان الدب بيعمل فى البوتي
وكل ما يقعد على البوتي حتى ولو معملش تشجعيه وتديله معزز مادى او معنوى
ومرفق لكم العديد من اللوح الحائط اللى ممكن تعمليها عشان لازم يشوف انجازه بنفسه ….
.اول ما تحسي انه ابتدي يحب الموضوع ومقبل عليه …..ابتدي قلعيه البابمرز بس استبدليها بهدوم داخليه مبطنة او نوع اخر من البامبرز شبه الunderwear ,وهي متوفر بالاسواق وده عشان الضغط يخف عليكي ومش تغيري كل شوية كل ما تضطري انه يقعد على البوتي ….
بس لما تيجي تلبيسهاله بلاش تسميها بابمبرز
سميها اى اسم تانى عشان يفهم انه قلع البابمرز وقولي مثلا البانتى الجديد

ابتكري:
كل ما تبتكري في هذه المرحلة حتكون النتائج سهله جدا وفى وقت لا تتوقعيه ” كل الفكرة الوقت المناسب “فيه فكره لطيفة اوى ونجحت مع امهات كتير وهى رجل الحمام
Mr .Toiletبتفهميه ان مستر تويلت ده عايز ياخد فضلاته pee & Poo
وانه لما بياخدها بنشد الكومبينيشن عشان يروحوا عنده….
فالطفل بيحس انه مسئول عن مستر تويلت …
وممكن تضيفي للتويلت وجه به عين وبق بالورق والالوان عشان يتفاعل معه اكتر ….
اعملي جدول لطفلك مثلا كل ساعة خليه يقعد على البوتي ,, ومتسالهوش هو عاوز ولا لا .. لأنه أحيانا لايستطيع التعبير او حتى الوعي عن هذا الموضوع.
لو بعد كل ده حاسه ان طفلك غير مقبل …
لا تلوميه أبدا ولا تصرخي في وجهه .. ..
لان دي رساله مش قادر يعبر عنها انه مش جاهز دلوقتى…..واتركيه فتره مناسبة وليكن شهر مثلا ثم ابدئي من جديد….
ومتخليش ضغط الناس يحيدك عن هدفك الأساسي وهو مرور تلك المرحلة بسلام …

توقعي :
كل بقى التدريب اللي قلنا عليه ده بيكون في التدريب النهاري يعنى متتوقعيش ان الطفل مش يعمل على نفسه بليل ..
لان التبول الليلي التحكم فيه بيتاخر شوية …ولو تم الضرب او الزعيق والخ بيزيد التبول الليلي ….ولا تبدئي التفكير فى التحكم التبول الليلي الا اذا اتقن طفللك جيدا مهارة التحكم في النهار.
.ساعات بيحصل انتكاسات … يعنى لما الطفل بيتعرض لمضايقه او بيحزن او بيخاف ومش بيعرف يعبر .. بيطلع ده في تبوله على نفسه ..
فرفقا بهم
تعجلك وعدم صبرك حينتج العديد من المشاكل
عصبيتك على طفلك والندم لاحقا ..
إصابة طفلك بالعديد من العقد النفسية
اما صبرك وثقافتك دائما يأتى بنتيجة مرضية وفي وقت قليل … ارجوكي سيدتي ..
ليس له غيرك لتعلميه المهارات اللازمة في حياته .. فاجعليها خبرة ممتعه استعيني بالله
نماذج اللوح المعلقة للاطفال charts :
550388 411774945554917 1786610738 n كيف تدربين الطفل علي دخول الحمام  %d9%85%d9%87%d8%a7%d8%b1%d8%a7%d8%aa %d9%84%d9%84%d8%a7%d9%85  68376 411774218888323 372993284 n كيف تدربين الطفل علي دخول الحمام  %d9%85%d9%87%d8%a7%d8%b1%d8%a7%d8%aa %d9%84%d9%84%d8%a7%d9%85  486694 411774095555002 551047073 n كيف تدربين الطفل علي دخول الحمام  %d9%85%d9%87%d8%a7%d8%b1%d8%a7%d8%aa %d9%84%d9%84%d8%a7%d9%85
تحياتي
سلمى علي
صفحه اكاديميه طاقات علي الفيس بوك Takat Academy

0 التعليقات :

إرسال تعليق

Related Posts Plugin for WordPress, Blogger...