الصفحات

بحث

تنظيم حياتك و بيتك

افكار كثيره ببيتي مملكتى لنظيم بيتك و حياتك لجعلها اسهل لكي و اكثر سعاده و راحه

ترتيب بيتك

افكار و تجارب جديده بالصور و الفيديو لاعاده ترتيب بيتك و تنظيمه لجعله مملكه تسعدين بها و يسعد بها من حولك

ديكور بيتك

لمسات للديكورغير مكلفه و افكار جديده من صنع يدك تضفي لمسه مميزه لمملكتك

لمسات لبيتك

لمسات لبيتك في كل مكان و في كل ركن يجعله المملكه التي كنت دوما تحلمين بها

عزومات و حفلات

تميزي بضيافتك المختلفه و عزوماتك و حفلاتك التى سيستمتع بها ضيوفك فقط .. تابعي موضوعات بيتي مملكتي لنحاول معا جعل بيوتنا مملكه باسهل و اوفر الطرق

ادخلي ايميلك ليصلك كل جديد

الثلاثاء، 28 يناير، 2014

طريقه حلوه لتزيين طوق بنتك


طريقه حلوه لتزيين طوق بنتك
الطريقه اساسا في الصور لعمل اكسسوار للايد بس ممكن تعملي نفس الفكره و تلزقيها علي طوق شعر ساده و تعمليها بالالوان اللي تعجبك
جميله و سريعه و حتتحكمي باللون اللي انتي عايزاه
في انواع شرائط زي الساتان  شبه اللي في الصوره ممكن تكون مناسبه جدا جدا و اختاري طبعا السمك الرفيه و ما تشديش اوي و تخنقي العقده ... حاولي ان تكون ايدك مرتاحه في كل عقده زي اللي قبلها


مجموعه من البدائل لمطبخك


مجموعه من البدائل لمطبخك ممكن يكون بديل صحي اكتر او بديل لمكون مش موجود في مطبخك
بديل الفانيليا  بشر البرتقال او بشر الليمون
بديل للزيادي كوب من الحليب مضاف له معلقه خل
بديل محسنات الخبز او الكيك .. ضيفي ملعقه كبيره من الخل علي العجين
لو ما عندكيش الشوبك لفرد العجين ممكن تستخدمي اي زجاجه او تستني لغايه ما رول ورق الفويل يفضي و تستخدمي الاسطوانه الورقيه اللي ملفوف عليها .. حلوه جدا
لو بتحبي طعم الكاتشب فهو بديل جيد لصلصه البيتزا
بديل صحي قلي الخضروات مثل الباذنجان .. رصيه في صينيه تيفال مدهونه زيت و رشي عليها من فوق رشه زيت خفيفه
لتقطيع البقدونس و الكزبره و باقي الورقيات استخدمي المقص .. اسرع و اامن
بديل السمبوسك المقلي جربي عجينه السمبوسك في الفرن ( البوريك ) بنفس الحشوات
بديل لرخامه المطبخ القديمه .. في تجليد لاصق باشكال كتير منها الشكل الرخامي استخدميه و جددي و عالجي رخامتك القديمه بس اتأكدي ان الورق مقاوم للماء
بديل صحي للجيلي .. عصير فاكهه و جيلاتين
بديل البقسماط او الفيجيتار حمصي فينو في الفرن و اضربيه في الكبه و ضيفي ملح و فلفل و اي بهارات تحبيها و ممكن تستخدمي الكورن فليكس  و تطحنيه لقرمشه اكتر

متلازمة الإجهاد المزمن الاعراض و العلاج

متلازمة الإجهاد المزمن
Chronic fatigue syndrome

إذا إنتابك إجهاد لا يزول بعد راحة في الفراش , وكان شديدا بحيث يصل الي تقليل نشاطك اليومي ولمدة ست شهور , مع إستبعاد أي مرض عضوي أو نفسي فأنت مصاب بمتلازمة الأجهاد المزمن .
و هي حالة تم تشخيصها منذ 20 سنة فقط وانتشرت بشدة في المجتمعات المتقدمة , فهي تصيب رجال الأعمال و أصحاب المناصب الهامة والذين يعانون من الإجهاد الذهني لفترات طويلة ويعملون ساعات عمل طويلة مكتبية .
وهي ناتجة عن استنفاذ الجسم رصيده من العناصر الهامة لنشاط المخ والتوازن النفسي وكذلك تراكم الكثير من السموم في الجسم نتيجة عدم الحركة الكثيرة وعدم انتظام مواعيد الوجبات
ويمكن التعافي من هذه الحالة باستخدام منتجات الطبيعية التي توفر العناصر الغذائية الهامة وكذلك تطهر الدم والجسم من السموم المتراكمة وتزيد من ضخ الأوكسجين للمخ فتساعد علي المحافظة علي نشاطه

* جنين القمح وزيت جنين القمح
لزيادة القدرة علي التحمل ومصدر للأوميجا 3 وفيتامين هه الهام لصحة الاعصاب
* الجينسج منشط عام للدورة الدموية والطرفية ومقوي عام للأعصاب ومنشط للوظائف الجسمية والذهنية
* حبوب لقاح النحل : يكمل نقص المعادن والفيتامينات الهامة
*غذاء ملكات النحل : منشط فوري سريع المفعول
*عشبة القديس يوحنا : تعمل كمضاد للإكتئاب ومحسن للحالة النفسية
* عشب الجنكة : تحسن من وظائف المخ لذا تسمى بعشبة الذكاء , تفيد في حالات الإكتئاب والصداع والام العضلات.
*الهندباء البرية و الأرقطيون : يساعدان علي تطهير مجرى الدم وتحسين حالة الجهاز المناعي , ورفع كفاءة الكبد

انعشي مرتبتك و نظفيها بطريقه سهله و امنه

انعشي مرتبتك و نظفيها بطريقه سهله
طريقه سهله لتنظيف مرتبتك التاكي و انعاشها و التخلص من الروائح المكتومه منها خصوصا بين المواسم و لمرضي حساسيه الصدر و كمان ميزه الطريقه دي انها بتقتل حشرات الفراش
دي طريقه سهله و معروفه جداااا من غير مواد كيماويه نهائي بالماده السحريه بيكربونات الصوديوم ( البيكربوناتو )
جيبي حوالي كوبايتين من البيكربونات من العطار


انثريهم علي المرتبه بعد ما تشيلي الملايات و اي مفروشات عليها


سيبيهم ساعه  ( ما بين نص ساعه علي الاقل لساعتين )
و بالمكنسه الكهرباء اشفطي البيكنج صودا من علي المرتبه تماما


و بسسسسسس
نصيحه من مارثا ستيوارت ان الموضوع ده المفروض يتعمل مرتين في السنه

المهم انه سهل و امن و تكلفته بسيطه


 الموضوع من http://www.hometalk.com

موديل جديد للستاره فوق السرير لغرفه النوم

موديل و تصميم جديد و شيك جدااا و رقيق للستاره فوق السرير لغرفه النوم
بالنسبه ليا اول مره اشوف التصميم ده و حسيته مختلف و راقي جدااا و اختيار الالوان عموما في ديكور الغرفه اللي في الصوره ممتاز خصوصا درجات الرصاصي الخفيفه للحائط و الستاره
ايه رايك ؟


شوية نصايح عشاان توفرلك في الوقت في شغل البيت

شوية نصايح عشاان توفرلك في الوقت
  1. قبل ما تنامي بنص ساعه رتبي بسرعه اوضه المعيشه و لمي اي كركبه منها  و لمي الغسيل حطيه في الغساله و حضري برنامج في الغساله تشغليه  و سيبيها تشتغل و الصبح نشري الغسيل اول ما تقومي من النوم
  2. عودي اطفالك يلموا اللعب اللي في اوضتهم و يلموا ورقهم و كتبهم قبل ما يناموا و ده حيسهل لك مهمه تنظيف الغرفه تاني يوم
  3. اهتمي بموضوع التفريز .. تفريز الصلصات جاهزه و الخضار و ممكن وجبات كامله حيوفر لك مجهود كبير في عمايل الاكل اقري الموضوع ده نصائح و افكار من بيتي مملكتي لتقليل وقت الطهي
  4. اغسلي مواعينك اول باول و دي حيخللي مجود تنظيف المبخ اسهلشوفي الموضوع ده نصائح للتخلص من كابوس غسيل المواعين
  5. اول ما تقومي من النوم هوي البيت و الغطيان ساعه او ساعه و نص و بعدها اقفلي علشان التراب و شغلي فواحه او بخور بيغير مود البيت جداا
  6. وقت مذاكره الاولاد طفي اي جهاز ممكن يلهيهم زي الكمبيوتر او التليفزيون و خليكي جنبهم  يا تساعديهم يا بتقري او بتعملي شغل البيت علشان نشجعيهم
  7.   اهتمي بتنويع الاكل الصحي و اهتمي بالخضار و الفاكهه .. و كميه ميه كويسه حوالي ليترين في اليوم
  8. شيلي فيشه التليفون و انتي بتشتغلي علشان ما يلهيكيش عن شغلك
  9. الاستغفار طول مانتي بتشتغلي لا تهملوه

كلمات … لا تنسوا احبابكم

لا تنســـوا أحبابكم ابداً .. فإنهم حين جاءتهم السكرات كانوا يتمنون لكم السعادة في الدنيا والراحة
فأريحوهم في قبورهم بدعواتكم واضيئوا لهم مساكنهم الجديدة بذكرهم .. وابنوا لهم بالدعوات قصورا في الجنان .. وكونوا سبب ليسكب الله من رحماته عليهم فإنهم في حياة البرزخ ينتظرون حبيب يذكرهم وقريب يترحم عليهم او اهل يتصدقون لأرواحهم .. فلا تنسوهم في مشاغل الدنيا ومأساة الحياة .. تذكروهم دائما ادعوا لهم دائما فإنهم لم يتمنوا قبل موتهم غير ان نكون سعداء قبل رحيلهم
فإن احبائكم لا يستحقون النسيان

استخدمي ملمس الشعر البيبي ليس لعمل تموجات بشعرك

اغلبنا عنده بيبي ليس لفرد الشعر لكن بنستخدمه للفرد فقط و اللي ما تعرفيهوش انه ممكن تستخدميه لعمل تموجات و مش محتاجه ابدا انك تشتري مموج لشعرك
امشي علي الخطوات اللي في الصوره و سيبي شعرك في وضع التموج في البيبي ليس و عدي من واحد لعشره و بسسسسس
طبعا لما تخلصي العد ما تسحبيش البيبي ليسس علي شعرك بالكامل لاسفل .. اسحبيه من الجنب يعني طلعيه من التمويجه بالراحه
حيكون عندك احلي تمويجات من غير ما تشتري  صانعه تموجات لشعرك
( يستحسن انك تستخدمي مثبت لشعرك للحفاظ علي شكل التموجات لاطول فتره )


شنيون سهل لشعرك بالبيت

شنيون رقيق و سهل انك تنفذيه بنفسك للبيت ... شعر منظم و ملموم بشكل مختلف عن الطرق التقليديه
و طبعا ينفع للسهرات مع صحباتك او في زيارات اهلك ليكي في البيت
و الاكسسوار سهل من اي محل اكسسوارات او توك شعر
التسريحه مناسبه للشعر الطويل .. تابعي الصور

احصلي علي العيون الدخانيه بالصور و الخطوات

من احلي مكياج العين هو مكياج العيون الدخاني البلاك او الاسود و هي مميزه جدا للعيون العربيه
انا شخصيا عندي مجموعه مكياجي بلاك اي اكيد اي حد عايش بالخليج يعرف ماركه مكياجي للميك اب
دي مجموعه كامله لطله دخانيه رائعه لكن طبعا تقدري تحصلي علي نفس المجموعه من اي ماركات تانيه بس المهم يكون ثباتها و لونها الاسود مظبوط
دي شكل علبه مكياجي بلاك اي
فيها كحل و قلم ظلال اسود و اي لاينر و ماسكرا و اي شادو تقدري تجمعيهم من اي ماركه تحبيها


هنا خطوات الحصول علي الطله العربيه الدخانيه اهتمي بالدقه و ثبات اليد و تابعي الخطوات

استخدمي المكنسه الكهربا للحصول علي اشيائك المفقوده

لو ضاع منك بريمه الحلق او اي حاجه حجمها  زي حبات الخرز مثلا و مش قادره تطلعيها من الارض من السجاده مثلا استخدمي المكنسه الكهربا
جيبي شراب فوال قديم عندك و حطيه علي طرف الماسوره زي الصوره و شغليها
مرريها علي السجاده و كل مكان انتي شاكه فيه لو البريمه موجوده حتلاقيها مسكت في الشراب زي الصوره


الصوره من الموقع http://www.instructables.com

الأحد، 26 يناير، 2014

تصميم مميز لطاوله طعام دائريه

تصميم موفر للمساحه لطاوله طعام دائريه باربع كراسي
شكلها حلو  و مودرن و عمليه في المساحات الضيقه
مختلفه عن الطرابيزات العاديه في شكل الكراسي لو تلاحظي مختلفه و ده اللي ساهم في توفير المساحه .. طبعا ممكن تنفذيها عند  اي واحد بيفصل انتريهات او مفروشات
تابعي الصور




تصميم موفر للمساحه لطاوله طعام دائريه باربع كراسي
شكلها حلو  و مودرن و عمليه في المساحات الضيقه
مختلفه عن الطرابيزات العاديه في شكل الكراسي لو تلاحظي مختلفه و ده اللي ساهم في توفير المساحه .. طبعا ممكن تنفذيها عند  اي واحد بيفصل انتريهات او مفروشات
تابعي الصور
- See more at: http://mmlakty.com/%d8%aa%d8%b5%d9%85%d9%8a%d9%85-%d9%85%d9%85%d9%8a%d8%b2-%d9%84%d8%b7%d8%a7%d9%88%d9%84%d9%87-%d8%b7%d8%b9%d8%a7%d9%85-%d8%af%d8%a7%d8%a6%d8%b1%d9%8a%d9%87/#sthash.V0drGEAC.dpuf
تصميم موفر للمساحه لطاوله طعام دائريه باربع كراسي
شكلها حلو  و مودرن و عمليه في المساحات الضيقه
مختلفه عن الطرابيزات العاديه في شكل الكراسي لو تلاحظي مختلفه و ده اللي ساهم في توفير المساحه .. طبعا ممكن تنفذيها عند  اي واحد بيفصل انتريهات او مفروشات
تابعي الصور
- See more at: http://mmlakty.com/%d8%aa%d8%b5%d9%85%d9%8a%d9%85-%d9%85%d9%85%d9%8a%d8%b2-%d9%84%d8%b7%d8%a7%d9%88%d9%84%d9%87-%d8%b7%d8%b9%d8%a7%d9%85-%d8%af%d8%a7%d8%a6%d8%b1%d9%8a%d9%87/#sthash.V0drGEAC.dpuf
تصميم موفر للمساحه لطاوله طعام دائريه باربع كراسي
شكلها حلو  و مودرن و عمليه في المساحات الضيقه
مختلفه عن الطرابيزات العاديه في شكل الكراسي لو تلاحظي مختلفه و ده اللي ساهم في توفير المساحه .. طبعا ممكن تنفذيها عند  اي واحد بيفصل انتريهات او مفروشات
تابعي الصور
- See more at: http://mmlakty.com/%d8%aa%d8%b5%d9%85%d9%8a%d9%85-%d9%85%d9%85%d9%8a%d8%b2-%d9%84%d8%b7%d8%a7%d9%88%d9%84%d9%87-%d8%b7%d8%b9%d8%a7%d9%85-%d8%af%d8%a7%d8%a6%d8%b1%d9%8a%d9%87/#sthash.V0drGEAC.dpuf

فكره لعمل علبه بسيطه للكب كيك


دي فكره بالاطباق الورقيه الجاهزه بتقصي مكان الخطوط المتقطعه و تتني
و بخيط سميك اربطيه زي الصوره
و ممكن بطبق تاني تعمليه غطا للعلبه دي بنفس الطريقه بس خللي بالك من القياسات






الأربعاء، 22 يناير، 2014

من الشيف اسامه أنواع الكريمات المختلفة وبدائلها


Sour Cream
، الكريمة الحامضة، القشدة الحامضة

كريمة أو قشدة تصًنع بإضافة حمض اللاكتيك (حمض ينتج من تخمر الحليب) للقشدة أو الكريمة.

نسبة الدهون بها تتاروح من 18 – 20 %، كما يوجد منها قليل وخالي الدسم.

يُمكن استبدالها باللبن الزبادي.

تُحفظ بالبراد لمدة أسبوع على الأكثر.

يُمكن تحضيرها بالمنزل، بإضافة ملعقة كبيرة من النشا لكل كوب لبن زبادي، أو بإضافة ملعقة صغيرة من عصير الليمون على كل 150 ملليلتر كريمة أو قشطة.



Heavy Cream, Whipping Cream، الكريمة اللباني، كريمة قابلة للخفق

كريمة نسبة الدهون بها تتراوح ما بين 36- 40 % .

عند خفقها مع قليل من السكر، يتضاعف حجمها وتتماسك وتُصبح صلبة نوعاً ما، لتُستخدم بعد ذلك في إعداد الحلويات.

لا يُمكن استبدال الكريمة المخفوقة بأي مُنتج آخر.

أما الكريمة القابلة للخفق (أي قبل أن تُخفق)، يُمكن استخدامها في الطبخ، وفي تلك الحالة يُمكن استبدالها – إذا لم تتواجد – بإضافة 1/3 كوب زبدة على ¾ كوب حليب كامل الدسم.


من الشيف اسامه أنواع الكريمات المختلفة وبدائلها
Crème Freche، كريمة طازجة

أو يُطلق عليها "القشطة الفرنسية"، وهي تختلف عن تلك الأمريكية “Whipping cream”، أنها غير مُبسترة حيث يُضاف عليها نوع من البكتيريا لتتماسك ويغلُظ قوامها (تماماً مثل تحضير اللبن الزبادي).

يُفضل استخدامها في الطبخ – أكثرمن الكريمة اللباني أو  الـHeavy Cream  – لأنها لا تنفصل بالتعرض للحرارة، فتُستخدم في تحضير الشوربات والصلصات.

يُمكن تحضيرها بالمنزل، بإضافة 2 ملعقة كبيرة لبن رائب إلى كوب من الكريمة اللباني، وتوضع في وعاء زجاجي مُحكم الغلق في مكان دافئ بعيداً عن الضوء، وتُترك لمدة من 8-24 ساعة حتى يغلظ قوامها تماماً، ثم تُقلب جيداً وتُحفظ بالبراد لمدة 10 أيام

لنصائح اكثر يمكنك زياره موقع الشيف اسامه http://www.chefosama.com

صلصال لاشغالك اليدويه اصنعيه بنفسك

طريقه لعمل صلصال للاطفال و ليكي ممكن تشكليه و ينشف خلال يومين حسب حجم و سمك القطعه اللي نفذتيها
الطريقه و المكونات سهله جدااا و كفايه انه صحي لاطفالك
المكونات :
كوبين من البيكنج صودا ( الكربوناتو )
كوب من نشا الذره
كوب و نصف من الماء
الادوات :
اناء لطهي العجينه فيه
بوله
معلقه
بلاستيك لتغليف العجينه


الطريقه :

اخلطي المكونات و ضعيها في اناء الطهي و اطهيها علي نار متوسطه و قلبي بالمعلقه بالراحه لغايه ما تتكون عندك عجينه صعبه التقليب زي الصوره




 

اتركي العينه في بوله تبرد حوالي 15 دقيقه او لغايه ما تحسيها انك تقدري تمسكيها
اعجنيها لغايه ما تطري في ايدك حوالي 5 دقايق و لفيها في بلاستيك لغايه ما تستخدميها

اول ما تشكليها حتاخد فتره من يوم لاتنين في الهواء لغايه ما تجف ده بيعتمد علي سمك العجين .. لما تنشف ممكن تلونيها بالالوان الاكريلك
في فكره مش موجوده في الموضوع الاصلي و حبيت اضيفها .. انتي ممكن تستخدمي الوان الطعام و انتي بتطهي العجينه لاضافه لون ليها لو تحبي بدل الابيض  و التفاصيل الصغيره ممكن تلونيها بالالوان الاكريلك بعد ما تنشف



الموضوع من الرابط http://www.icanteachmychild.com/2011/11/baking-soda-modeling-clay/ 
 

طريقه الرسم علي الزجاجات

طريقه الرسم علي الزجاجات
فكره سهله و جميله و غير مكلفه
الرسم علي الزجاجات من طرق اعاده التدوير لتحويل زجاجه عاديه لعمل ديكوري رائع
الفكره هنا من الرسم قد ما ازاي تظبطي الرسم صح و دي طريقه لظبط الرسم خصوصا لو حجم الزجاجه كبير و فكره انك تظبطي الخطوط مش سهله
الالوان مخصوصه للزجاج و حتلاقيها في اي مكتبه كبيره او مكتبات فنون جميله و الورق اللي فيه المربعات ده بيساعدك ان التفاصيل الصغيره تظبطي مسافاتها صح و ممكن نفس الطريقه تستخدميها للرسم علي البرطمانات .. النوافذ الزجاجيه  الاسبته الخشبيه او اي مسطح حجمه كبير و مش حتعرفي تشفي من خلاله الرسم
اختاري الزجاجه و الالوان و التصميم و ابدأي
تابعي الصور








طريقه للتخلص من الزفاره عند عمل الكبده


 طريقه للتخلص من الزفاره عند عمل الكبده
معلومة ع الماشى
الكبدة سواء كانت فراخ او لحمة اوعى تغسليها بالمية ابدا ابدا لانها بتتزفر وبتخلى ريحتها وحشة
اومال ايه الحل ؟؟
الحل انك تغسليها بالخل وتسيبيها فى مصفاة بعد كدة تتعاملى معاها عادى جدا بدون اى روائح مزعجة

سؤال : و الخل مش بيغير طعمها ؟ علي أساس ان كميته حتكون كبيره
بالعكس هيضيع ريحة الزفارة نهائيا انا بحط ربع الازازة تقريبا وبغسلها فى المصفاة
المعلومه من
Aya Kiwan

مجموعه ثيمات لحفلات الاطفال

مجموعه ثيمات لحفلات الاطفال
مجموعه ثيمات و افكار مختلفه لحفلات الاطفال
فكره الثيم ان كل الديكورات و شكل التورته بنفس الفكره فراشات او زهور او زي ما تحبي المهم انه يكون عنصر واحد يربط كل عناصر الحفله
دي مجموعه افكار مختلفه و اختيارات الوان متنوعه و الفكره اللي تحبيها دوري علي الانترنت حتلاقي ثيمات جاهزه انك تطبعيها و تلصقيها سواء علي الاكواب او كدعوات للحفله او للحائط







Related Posts Plugin for WordPress, Blogger...